GURUY NI 15
Mini’ Jesus?
Jesus e ir reb e tin th’abi gilbuguwan e girdi’ ni immoy. Yugu aram rogon ni boor e girdi’ ni manang fithingan, machane gathi ri boor ban’en ni yad manang u murung’agen, ma kub thilthil e n’en yad ma lemnag u murung’agen. Machane mang e be yog e Bible u murung’agen Jesus?
1. Mini’ Jesus?
Jesus e ir reb e engel nib gel gelngin ni ma par u tharmiy. U m’on ni nge sunmiy Jehovah Got urngin ban’en, ma aram me sunmiy Jesus. Aram fan ni ka nog ni ‘ir e ba m’on’ u fithik’ urngin ban’en ni sunmiy Got. (Kolose 1:15) Be yog e Bible ni Jesus e “Fak [Got] ni kari maagirag rok” ni bochan e kemus ni yigoo ir e Jehovah e sunmiy. (John 3:16) Ur maruwelgow Jehovah ni Chitamangin u taabang, me ayuweg ni ngar sunmiyew e tin ka bay ban’en. (Mu beeg e Proverbs 8:30.) Ka be par nrib chugur e tha’ u thilrow Jehovah. Ir mitethin rok Got ni yima yog fare “Thin” ngak ni bochan e ir e ma yog e thin rok Got ko girdi’ nge pi engel.—John 1:14.
2. Mang fan ni yib Jesus nga fayleng?
Sogonap’an 2,000 e duw ni ke yan, me ngongliy Jehovah reb e maang’ang ni aram e fanay gelngin nib thothup ni nge ngal’uweg e yafos rok Jesus u tharmiy nga yin ba rugod ndawori nang e pumoon ni ka nog Maria ngak. Aram rogon nni gargeleg Jesus nib girdi’. (Mu beeg e Luke 1:34, 35.) I yib Jesus nga fayleng ni nge mang fare Messiah ni kan micheg ara Kristus, me ayuweg e girdi’ ni ngki yag e yafos ngorad bayay. a Gubin e yiiy u Bible ni murung’agen fare Messiah e goo lebug u daken Jesus. Re n’ey e ayuweg e girdi’ ni ngar nanged ni ir ‘fare Messiah, ni Fak Got, ni Got nib fos.’—Matthew 16:16.
3. Uw e bay Jesus riy e chiney?
Tomuren ni yim’ Jesus nib girdi’ me faseg Got nga reb e dowef ni gathi downgin e girdi’ me sul nga tharmiy, ma aram me tay Got nga reb e liw nrib “tolang u tharmiy.” (Filippi 2:9) Chiney e bay Jesus u reb e liw ni boor ban’en ni kan pag fan ngak, ma kemus ni yigoo Jehovah e th’abi gel gelngin nge migid Jesus.
KUM FIL BOCH BAN’EN U MURUNG’AGEN
Kum fil boch ban’en u murung’agen Jesus nge fan nib t’uf ni ngam nang murung’agen.
4. Jesus e gathi ir Got ni Gubin Ma Rayog Rok
Be yog e Bible ni yugu aram rogon ni Jesus e ir reb e engel u tharmiy nib gel gelngin, machane ma fol rok Jehovah ni ir e Got rok nge Chitamangin. Mang fan nrayog ni nga dogned e re n’ey? Mu yaliyew e re VIDEO ney ni be weliy rogon ni be tamilangnag e Bible e n’en nib thil u thilin Jesus nge Got.
Pi thin nu Bible ni baaray e be ayuwegdad ni ngad nanged e n’en nib thil u thilin Jehovah nge Jesus. Mu beegew e pi thin nu Bible ney, mi gimew weliy e fulweg ko pi deer ni baaray.
Mu beegew e Luke 1:30-32.
-
Uw rogon ni weliy fare engel e n’en nib thil u thilin Jesus nge Jehovah Got ni ir e “Th’abi Tolang”?
Mu beegew e Matthew 3:16, 17.
-
Mang e yog fare lam ni non u tharmiy u nap’an nni taufenag Jesus?
-
Ga be lemnag ma mini’ e cha’nem ni non?
Mu beegew e John 14:28.
-
Mini’ e ba ilal ma kab ga’ lungun? Ba matam ara ba pagel ni fak?
-
I yog Jesus ni Jehovah e ir e Chitamangin. Mang e be fil e re n’ey ngodad?
Mu beegew e John 12:49.
-
Ma lemnag Jesus ni taareb rogorow e Chitamangin, fa? Uw rogon ni ga be lemnag?
5. Jesus e ir fare Messiah
Boor e yiiy u Bible nra ayuweg e girdi’ ni ngar nanged ko mini’ fare Messiah, ara en ke dugliy Got ni nge ayuweg e girdi’ ni ngki yag e yafos ngorad bayay. Mu yaliyew e re VIDEO ney ni be weliy murung’agen boch e yiiy ni lebug u daken Jesus u nap’an ni yib nga fayleng.
Mu beegew e pi yiiy ney u Bible, mi gimew weliy e fulweg ko pi deer ni baaray:
Mu beegew e Mikah 5:2 ni be yog e gin yira gargeleg fare Messiah riy. b
-
I lebug e re yiiy ney u nap’an nni gargeleg Jesus, fa?—Matthew 2:1.
Mu beegew e Psalm 34:20 nge Zekariah 12:10 ni be weliy e n’en nni yiiynag u murung’agen e yam’ nra tay fare Messiah.
-
I lebug e gal yiiy ney, fa?—John 19:33-37.
-
Ga be lemnag ni Jesus e ir e gagiyegnag rogon ni lebug e gal yiiy ney, fa?
-
Mang e be micheg e re n’ey ngom u murung’agen Jesus?
6. Gad ra fil murung’agen Jesus ma ra yib angin ngodad
Be tamilangnag e Bible feni ga’ fan ni ngan fil murung’agen Jesus nge n’en baadag Got ni nge rin’. Mu beegew e John 14:6 nge 17:3, mi gimew weliy e fulweg ko re deer ni baaray:
-
Mang nib ga’ fan ni ngan fil murung’agen Jesus?
Ke bing Jesus e kanawo’ nrayog ni ngad manged fager rok Got. I machibnag e tin riyul’ u murung’agen Jehovah, ma ir e ra yag e yafos ndariy n’umngin nap’an ngodad u daken
MA GAAR BOCH E GIRDI’: “Pi Mich Rok Jehovah e de mich Jesus u wan’rad.”
-
Mang e ga ra yog?
N’EN KAN FIL
Jesus e ir reb e engel nib gel gelngin. Ir Fak Got nge fare Messiah.
Ngan Sul u Daken
-
Mang fan ni ka nog ni Jesus e ‘ir e ba m’on’ u fithik’ urngin ban’en ni sunmiy Got?
-
Mang e i rin’ Jesus u m’on ni nge yib nga fayleng?
-
Uw rogon ni kad nanged ni Jesus e ir fare Messiah?
MU GAY MURUNG’AGEN
Kum fil boch ban’en u murung’agen Jesus ni ir fare Messiah.
“Do Messianic Prophecies Prove That Jesus Was the Messiah?” (Article ni bay ko website)
Mu beeg ko be yog e Bible ni fakay Got Jesus ni bod rogon ni ma fakay e girdi’ e bitir fa danga’.
“Why Is Jesus Called the Son of God?” (Article ni bay ko website)
Mu fil fan ndariy fare machib ni Trinitas u lan e Bible.
Mu beeg rogon ni thil e par rok be’ nib pin u tomuren ni fal’eg i gay e n’en be yog e Bible u murung’agen Jesus.
“A Jewish Woman Explains Why She Reexamined Her Faith” (Awake!, May 2013)
a Guruy ni 26 nge 27 e ra weliy fan nib t’uf ni ngan ayuweg e girdi’ ni ngki yag e yafos ngorad bayay nge rogon ni rin’ Jesus e re n’ey.
b Mu guy Yugu Boch e Thin 2 ni be weliy murung’agen reb e yiiy ni be yog e ngiyal’ nra mang Jesus fare Messiah.