XOOK 15
¿Máax Jesús?
Jesúseʼ juntúul tiʼ le máakoʼob maas kʼaj óolaʼan tiʼ tuláakal yóokʼol kaaboʼ. Chéen baʼaleʼ jejeláas baʼaloʼob ku creertaʼal tu yoʼolal. Yaʼab máak u yojel bix u kʼaabaʼ, pero maʼ yaʼab máak jach u yojel bix letiʼiʼ. ¿Baʼax ku kaʼansik le Biblia yoʼolal Jesúsoʼ?
1. ¿Máax Jesús?
Jesúseʼ juntúul ángel yaan u poder kajaʼan teʼ kaʼanoʼ, «letiʼ yáax beetaʼab» tumen Jéeoba (Colosenses 1:15). Le Bibliaoʼ ku yaʼalikeʼ «u juntúuliliʼ Paal» Dios tumen mix máak áant Jéeoba utiaʼal u beetik (Juan 3:16). Jesúseʼ múul meyajnaj yéetel u Taata utiaʼal u beetkoʼob tuláakal baʼal (xok Proverbios 8:30). Letiʼobeʼ jach maʼalob u biskubaʼob. Tiʼ Jesúseʼ ku yaʼalaʼal xan «le Tʼaanoʼ» tumen letiʼ aʼalik tiʼ u maasil le baʼaxoʼob ku yaʼalik u Taataoʼ (Juan 1:14).
2. ¿Baʼaxten taal Jesús way Luʼumeʼ?
Walajki 2,000 añosaʼ Jéeobaeʼ tu beetaj junpʼéel milagro. Yéetel u espíritu santoeʼ tu máansaj u kuxtal Jesús tu jobnel wa tu matriz juntúul x-chʼúupal ku kʼaabaʼtik María. Bey úuchik u síijil Jesús bey wíinik way yóokʼol kaabeʼ (xok Lucas 1:34, 35). Jesúseʼ letiʼe Mesías wa Cristo aʼalaʼab yaan u taal utiaʼal u salvartik wíinikoʼ. a Tuláakal le profecíaʼob ku yaʼalik le Biblia yoʼolal le Mesíasoʼ béeychajoʼob tiʼ letiʼ. Beyoʼ tuláakal máak jeʼel u tsʼáaik cuentaeʼ Jesúseʼ letiʼe «Cristooʼ, u Paal le kuxaʼan Diosoʼ» (Mateo 16:16).
3. ¿Tuʼux yaan Jesús bejlaʼeʼ?
Le ka kíim Jesúseʼ kaʼa kuxkíintaʼab bey juntúul ángel teʼ kaʼanoʼ. Teʼeloʼ «Dioseʼ tu tsʼáaj tiʼ Cristo junpʼéel puesto maas nojoch» (Filipenses 2:9). Chéen baʼaleʼ kex yaʼab autoridad yaan tiʼ Jesúseʼ, Jéeobaeʼ maas nojoch u poder.
UTIAʼAL A MAAS NAʼATIK
Koʼox ilik máax jach tu jaajil Jesús yéetel baʼaxten kʼaʼabéet k-kʼaj óoltik.
4. Jesúseʼ maʼ letiʼe Dios jach táaj yaan u poderoʼ
Le Bibliaoʼ ku yaʼalikeʼ kex Jesús juntúul ángel yaan u podereʼ ku yuʼubik u tʼaan Jéeoba, tumen letiʼ u Dios yéetel u Taata. Chaʼanteʼex le VIDEO utiaʼal a wilkeʼex baʼaxten Jesúseʼ maʼ letiʼe Dios jach táaj yaan u poderoʼ.
Le tekstoʼobaʼ yaan u yeʼesiktoʼon baʼaxten Jéeoba yéetel Jesúseʼ maʼ igualoʼobiʼ. Kéen tsʼoʼokok a xokikeʼex cada tekstoeʼ ka tsikbaltikeʼex lelaʼ:
Xokeʼex Lucas 1:30-32.
-
Le baʼax tu yaʼalaj le ángeloʼ, ¿bix úuchik u yeʼesik maʼ igual Jesús yéetel Jéeoba «le Maas Nojoch Diosoʼ»?
Xokeʼex Mateo 3:16, 17.
-
¿Baʼax uʼuyaʼab u yaʼalaʼal le kʼiin ka okjaʼanaj Jesúsoʼ?
-
¿Máax ka tuklik le tʼaanajoʼ?
Xokeʼex Juan 14:28.
-
¿Máax maas yaan u autoridad, juntúul taatatsil wa le hijotsiloʼ?
-
Jesúseʼ tu yaʼaleʼ Jéeobaeʼ u «Taata», ¿baʼax ku kaʼansiktoʼon leloʼ?
Xokeʼex Juan 12:49.
-
Techeʼ bix a wilik, ¿igual wa u taaskuba Jesús yéetel u Taata?
5. Jesúseʼ letiʼe Mesíasoʼ
Teʼ Bibliaoʼ yaan yaʼab profecíaʼob eʼesik máax le Mesías wa le máax yéeyaʼan tumen Dios utiaʼal u salvartik wíinikoʼ. Chaʼanteʼex le VIDEOOʼ, teʼeloʼ yaan a wilkeʼex jujunpʼéel profecíaʼob béeychajoʼob tiʼ Jesús le ka taal way Luʼumeʼ.
Xokeʼex le profecíaʼoboʼ, kéen tsʼoʼokkeʼ ka tsikbaltikeʼex lelaʼ:
Xokeʼex Miqueas 5:2 utiaʼal a wilkeʼex tuʼux aʼalaʼab kun síijil le Mesíasoʼ. b
-
¿Béeychaj wa le profecía le ka síij Jesúsoʼ? (Mateo 2:1).
Xokeʼex Salmo 34:20 yéetel Zacarías 12:10 utiaʼal a wilkeʼex le profecíaʼob aʼalmil baʼax kun beetbil tiʼ le Mesías kéen tsʼoʼokok u kíimiloʼ.
-
¿Béeychaj wa le profecíaʼobaʼ? (Juan 19:33-37).
-
A tuklikeʼ, ¿yaan wa baʼax tu beetaj Jesús utiaʼal u béeytal ichil u kuxtal le profecíaʼoboʼ?
-
¿Baʼax ku kaʼansiktech yoʼolal Jesús tuláakal le baʼaloʼob tsʼoʼok k-ilkoʼ?
6. Yaʼab utsiloʼob ku taasik k-kʼaj óoltik Jesús
Le Bibliaoʼ ku yaʼalikeʼ jach kʼaʼabéet k-kaanbal tiʼ Jesús bey xan tiʼ le meyaj kʼubéentaʼantiʼ tumen Jéeobaoʼ. Xokeʼex Juan 14:6 yéetel 17:3, kéen tsʼoʼokkeʼ ka tsikbaltikeʼex lelaʼ:
-
¿Baʼaxten jach kʼaʼabéet k-kʼaj óoltik Jesús?
Jesúseʼ tu jeʼekʼabtaj le bej utiaʼal u páajtal k-bisikba yéetel Diosoʼ; letiʼeʼ tu kaʼansaj u jaajil yoʼolal Jéeoba yéetel tu yoʼolaleʼ ku páajtal u yantaltoʼon kuxtal minaʼan u xuul
BAʼAX SUUK U YAʼALAʼAL: «U testigoʼob Jéeobaeʼ maʼ tu creerkoʼob Jesús».
-
Techeʼ, ¿baʼax jeʼel a waʼalikeʼ?
BAʼAX TSOʼOLI
Jesúseʼ juntúul ángel yaan u poder, letiʼeʼ u Hijo Dios yéetel letiʼ le Mesíasoʼ.
Baʼax ta kanaj
-
¿Baʼaxten ku yaʼalik le Bibliaoʼ Jesús «yáax beetaʼabi»?
-
¿Baʼax ku beetik Jesús antes tiʼ u taal way Luʼumeʼ?
-
¿Bix k-ojéeltik Jesúseʼ letiʼe Mesíasoʼ?
KAN U MAASIL
Ilawil uláakʼ baʼal eʼesik Jesúseʼ letiʼe Mesíasoʼ.
«¿Jach wa tu jaajil Jesús letiʼe Mesías ku yaʼalik le profecíaʼoboʼ?» (Xok teʼ jw.org)
Dioseʼ maʼ anchaj u paalal jeʼex u yantal u paalal wíinikoʼ. Ilawil baʼaxten ku yaʼalik le Bibliaoʼ Jesúseʼ u Hijo Dios.
«¿Baʼaxten ku yaʼalaʼaleʼ Jesúseʼ u hijo Dios?» (Xok teʼ jw.org)
Ilawil baʼaxten le Trinidadoʼ maʼ junpʼéel kaʼansaj yaan teʼ Bibliaoʼ.
Ojéelt bix kʼexpajik u kuxtal juntúul koʼolel le ka tu yilaj baʼax ku yaʼalik le Biblia yoʼolal Jesúsoʼ.
«Juntúul judíaeʼ tu kʼexaj baʼax ku creertik» (¡Aajkech!, mayo tiʼ 2013)
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
