ДӘРС 16

Иса Мәсиһин ҝөрдүјү ишләр

PLAY

Бир чох инсан Иса Мәсиһи таныјыр. Бәзиләри јалныз онун көрпәлијиндә баш верән һадисәләри билир. Кимләрсә ону садәҹә һикмәтли пејғәмбәр һесаб едир. Бир башгалары исә јалныз онун өлүмү барәдә билир. Амма Мүгәддәс Китабдан онун јер үзүндәки һәјаты барәдә даһа чох шеј өјрәнмәк олар. Бу дәрсдә Исанын ҝөрдүјү мүһүм ишләр вә онларын сизә фајдасы барәдә арашдыраҹағыг.

1. Исанын ҝөрдүјү әсас иш нә иди?

Исанын ҝөрдүјү әсас иш «Аллаһын Падшаһлығы һаггында мүждәни» тәблиғ етмәк иди. (Лука 4:43 ајәсини охујун.) Мүждә ондан ибарәт иди ки, Аллаһ падшаһлыг, јәни һөкумәт гураҹаг вә бу һөкумәт бәшәријјәтин бүтүн проблемләрини һәлл едәҹәк a. Иса бу хош хәбәри үч ил јарым усанмадан тәблиғ етмишди (Мәтта 9:35).

2. Исанын мөҹүзәләринин мәгсәди нә иди?

Мүгәддәс Китабда јазылыб ки, Аллаһ Исанын васитәсилә чохлу «гүдрәтли ишләр, әламәтләр, мөҹүзәләр етди» (Һәвариләрин ишләри 2:22). Аллаһын вердији ҝүҹлә Иса күләји рам етмиш, минләрлә инсаны дојурмуш, хәстәләрә шәфа вермиш, һәтта өлүләри дирилтмишди (Мәтта 8:23—27; 14:15—21; Марк 6:56; Лука 7:11—17). Исанын ҝөстәрдији мөҹүзәләр ајдын шәкилдә сүбут едирди ки, ону Аллаһ ҝөндәриб. Бу мөҹүзәләр һәмчинин ҝөстәрирди ки, Јеһова бизим бүтүн проблемләримизи һәлл етмәјә гадирдир.

3. Исанын һәјатындан нә өјрәнирик?

Иса һәр вәзијјәтдә Јеһоваја табе олурду. (Јәһја 8:29 ајәсини охујун.) Ону тәгиб етсәләр дә, Атасынын бујурдуғу иши сәдагәтлә, сон нәфәсинәдәк јеринә јетирди. О сүбут етди ки, инсан һәтта чәтин вәзијјәтдә белә, Аллаһа хидмәт едә биләр. Бәли, Иса бизим үчүн «нүмунә гојду ки, онун изи илә» ҝедәк (1 Бутрус 2:21).

Д Ә Р И Н Л И Ј Ә В А Р Ы Н

Ҝөрүн Иса Мәсиһ мүждәни неҹә тәблиғ едирди вә һансы мөҹүзәләри ҝөстәрмишди.

4. Иса Мәсиһ мүждәни тәблиғ едирди

Иса Мәсиһ јүз километрләрлә јол гәт едир, тозлу-торпаглы јолларла ҝедәрәк мүждәни инсанлара чатдырырды. Лука 8:1 ајәсини охујун вә нөвбәти суаллары мүзакирә един:

Иса Мәсиһ тәкҹә јанына ҝәлән адамлара тәблиғ едирди?
Иса Мәсиһ инсанлара тәблиғ етмәк үчүн нә едирди?

Аллаһ габагҹадан демишди ки, Мәсиһ мүждә бәјан едәҹәк. Әшија 61:1, 2 ајәләрини охујун вә нөвбәти суаллары мүзакирә един:

Иса Мәсиһ бу пејғәмбәрлији неҹә јеринә јетирди?
Сизҹә, бу ҝүн инсанларын мүждәни ешитмәјә еһтијаҹы вар?

5. Иса Мәсиһ өјүд-нәсиһәт верирди

Аллаһын Падшаһлығы һагда мүждәни тәблиғ етмәкдән башга, Иса Мәсиһ инсанлара өјүд-нәсиһәт дә верирди. Ҝәлин бир нечә нүмунәјә бахаг. Мәтта 6:14, 34 вә 7:12 ајәләрини охујун. Сонра нөвбәти суаллары мүзакирә един:

Бу ајәләрдә Иса Мәсиһин һансы мәсләһәтләри јазылыб?
Сизҹә, бу мәсләһәтләрин бу ҝүн дә инсанлара көмәји дәјә биләр?

6. Иса Мәсиһ мөҹүзәләр ҝөстәрирди

Јеһованын вердији ҝүҹлә Иса чохлу мөҹүзәләр ҝөстәрмишди. Мәсәлән, Марк 5:25—34 ајәләрини охујун вә ја ВИДЕОЈА бахын. Сонра нөвбәти суаллары мүзакирә един:

ВИДЕО: «Гадын шәфа тапыр» (5:10)

Гадын нәјә әмин иди?
Бу һадисәдә сизә ән чох тәсир едән нә олду?

Јәһја 5:36 ајәсини охујун вә нөвбәти суалы мүзакирә един:

Исанын ҝөстәрдији мөҹүзәләр онун һаггында нәји тәсдигләјирди?

Билирсиниз?

Иса Мәсиһин һәјаты һаггында чох шеји дөрд Мүждәдән — Мәттанын, Маркын, Луканын вә Јәһјанын јаздығы Мүждәләрдән өјрәнирик. Бу Мүждәләрин һәр бириндә Иса барәдә мүхтәлиф тәфәррүатлар јер алыр. Онларын һамысы бирликдә Иса Мәсиһин һәјаты һаггында чох ҝөзәл мәнзәрә јарадыр.

МӘТТА

Илк Мүждәни јазмышды. О, ән чох Исанын тәлимләриндән, хүсусән дә Аллаһын Падшаһлығы һагда өјрәтдији һәгигәтләрдән бәһс едиб.
МАРК

Ән гыса Мүждәни јазыб. Бу Мүждә һәјәҹан доғуран һадисәләрлә зәнҝиндир.
ЛУКА

Дуанын Иса үчүн нә гәдәр өнәмли олдуғуна вә онун гадынларла хош рәфтарына диггәт јөнәлдиб.
ЈӘҺЈА

Исанын јахын достлары вә башга адамларла етдији сөһбәтләри гәләмә алыб. Онун јазыларындан Исанын хүсусијјәтләри барәдә чох шеј өјрәнә биләрик.