LECCION 16
Cosa Ya Hace si Jesus Cuando Taqui Le na Tierra?
Manada gente el conoce con Jesus pero el cuanto sabe lang acerca na de suyu nacimiento y muerte. Mientras el otro conoce con ele como un profeta lang. Pero, si examina kita con el de suyu vida aqui na tierra, puede ba kita mas conoce con ele? Na este leccion, hay considera kita con el cuanto bien importante cosas que ya hace si Jesus y si paquemodo este puede ayuda contigo.
1. Cosa el de con todo importante trabajo de Jesus?
El de con todo importante trabajo de Jesus amo que “anuncia . . . el buen Noticia del Reino de Dios.” (Le con el Lucas 4:43.) Ya predica le que el Dios hay establicia un reino o gobierno que hay solva con el todo problema del maga gente. a Por tres y media año, si Jesus ya hace gayot esfuerzo para habla con el maga gente este mensaje.—Mateo 9:35.
2. Cosa ta dale mira el maga milagro de Jesus?
El Biblia ya habla que tiene manada “maga grande cosa-cosa y maga señal que el Dios ya hace . . . por medio [con Jesus].” (Maga Actividad 2:22) Por medio na poder del Dios, si Jesus ya puede controla con el viento y mar, ya dale come con el miles, ya cura con el maga enfermo y ya hace vivi otravez con el muerto. (Mateo 8:23-27; 14:15-21; Marcos 6:56; Lucas 7:11-17) El maga milagro de Jesus ya hace claro que ya imbia con ele el Dios. Ta dale tambien este mira que tiene poder si Jehova para solva con el todo diaton maga problema.
3. Cosa kita puede aprende na manera si paquemodo ya vivi si Jesus?
Ya obedece si Jesus con Jehova na todo situacion. (Le con el Juan 8:29.) Hasta na fin del de suyu vida na tierra, ya hace si Jesus con el cosa con ele ya manda el de suyu Tata maskin pa tiene oposicion. Ya dale le mira que posible siempre para na maga gente que sirvi con Dios maskin tiene maga probanza. Na ese manera, si Jesus ya dale “un ejemplo para [kita] ay sigui na disuyo maga paso.”—1 Pedro 2:21.
APRENDE PA MAS
Considera si paquemodo si Jesus ya predica con el buen noticia y ya hace maga milagro.
4. Si Jesus ya predica con el buen noticia
Si Jesus ya camina mas de cien kilometro na mapolvos camino para predica con el buen noticia na manada gente. Le con el Lucas 8:1 y despues, discuti con este maga pregunta:
-
Si Jesus ba ya predica con aquellos lang quien ya anda para oi con ele?
-
Cosa ya hace si Jesus para busca con el maga gente?
El Dios ya habla daan que el Mesias hay predica con el buen noticia. Le con el Isaias 61:1, 2 y despues, discuti con este maga pregunta:
-
Paquemodo si Jesus ya cumpli con este profecia?
-
Para contigo, necesita ba el maga gente sabe este buen noticia?
5. Ya enseña le maga importante leccion
Puera que ya predica le con el buen noticia acerca na Reino del Dios, si Jesus ya enseña maga practical leccion. Considera con el cuanto ejemplo na de suyu popular Sermon na Monte. Le con el Mateo 6:14, 34 y 7:12, y despues, discuti con este maga pregunta:
-
Cosa maga practical consejo el ya dale si Jesus na este maga versiculo?
-
Para contigo, este ba consejo puede siempre ayuda con el maga gente ahora?
6. Si Jesus ya hace maga milagro
Si Jehova ya dale poder con Jesus para hace manada maga milagro. Para mira un ejemplo, le con el Marcos 5:25-34 o man play con el VIDEO. Despues, discuti con el maga pregunta.
-
Na video, cosa ta creé el mujer quien tiene enfermedad?
-
Cosa tu ya aprecia acerca na este milagro?
Le con el Juan 5:36 y despues, discuti con este pregunta:
-
Cosa el maga milagro de Jesus tan “testigo” o ta dale mira acerca con ele?
Sabe ba tu?
Mayoria del cosa kita sabe acerca con Jesus amo estaba na cuatro libro del Biblia que ta llama Maga Evangelio—Mateo, Marcos, Lucas y Juan. El cada Evangelio ta inclui diferente maga detalle acerca con Jesus. Si le kita con el todo cuatro libro, puede kita imagina con el de suyu vida.
-
MATEO
Ya escribi le con el primer Evangelio. Ta habla este kanaton acerca na manada maga enseñanza de Jesus, especialmente acerca na Reino del Dios.
-
MARCOS
Ya escribi le con el de con todo corto Evangelio. Ta menciona este manada maga maka-interes suceso.
-
LUCAS
Ya dale le mira si paquemodo de importante para con Jesus el rezo y si paquemodo le ya trata con el maga mujer.
-
JUAN
Ya menciona le manada cosas que ya habla si Jesus na de suyu maga amigo y con otro. Este ta ayuda kanaton para sabe si cosa gayot clase de persona si Jesus.
EL CUANTO TA HABLA: “Un buen gente lang si Jesus. Nuay ya otro cosa que especial con ele.”
-
Cosa tu puede habla?
SUMARIO
Ya predica si Jesus acerca na Reino del Dios, ya hace maga milagro y ya obedece con Jehova na cada situacion.
Repaso
-
Cosa el de con todo importante trabajo de Jesus cuando taqui le na tierra?
-
Cosa ta dale mira el maga milagro que ya hace si Jesus?
-
Cosa maga practical leccion el ya enseña si Jesus?
SABE PA MAS
Cosa topico pirmi ta enseña si Jesus?
“Reino del Dios—Porque Este Importante Para con Jesus?” (The Watchtower, Octubre 1, 2014)
Considera si porque kita puede asigura que ya sucede gayot el maga milagro de Jesus.
“El Maga Milagro de Jesus—Cosa Tu Puede Aprende?” (The Watchtower, Julio 15, 2004)
Sabe si paquemodo ya cambia el vida del un persona cuando ya aprende le si paquemodo ya sacrificia si Jesus para con otro.
“El De Mio Bien Lang Yo Ta Pensa” (The Watchtower, Octubre 1, 2014)
Mira con el un lista del maga importante cosas que ya hace si Jesus.
“Main Events of Jesus’ Earthly Life” (New World Translation of the Holy Scriptures, Appendix A7)
a El Leccion 31-33 hay discuti mas acerca con el Reino del Dios.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
