CɅNTESɅNTEL 16
¿Chuqui tsiʼ mele Jesús cheʼ bʌ tsajñi wʌʼ ti Pañimil?
Cabʌl lac piʼʌlob miʼ ñaʼtañob chaʼan Jesús juntiquil alʌl, xʼaltʼan o juntiquil wiñic tsaʼ bʌ i yʌcʼʌ i bʌ ti chʌmel (sajtel). Pero ¿muʼ ba i mejlel lac ñumen cʌn maʼ wʌl cheʼ bʌ mi lac ñumen qʼuel chuqui tsiʼ ñusa ila ti Pañimil? Ti ili cʌntesʌntel mi caj laj qʼuel jiñi ñuc tac bʌ tsaʼ bʌ i mele Jesús yicʼot bajcheʼ miʼ mejlel i coltañet.
1. ¿Baqui bʌ jiñi ñumen ñuc bʌ eʼtel tsiʼ mele Jesús?
Jiñi ñumen ñuc bʌ eʼtel tsiʼ mele Jesús jiñʌch cheʼ tiʼ subeyob «wen tʼan chaʼan jiñi i Yumʌntel Dios» jiñi wiñicob xʼixicob (quixtañujob) (pejcan Lucas 4:43). Tiʼ subu chaʼan Dios mi caj i waʼchocon jumpʼejl yumʌntel muʼ bʌ caj i jisan pejtelel jiñi wocol am bʌ ila ti Pañimil. a Jesús uxpʼejl jab yicʼot ojlil tsiʼ chaʼle wersa i sub ili wen tʼan (Mateo 9:35).
2. ¿Bajcheʼ tsaʼ cʼʌjñibʌyi jiñi milagro tac tsaʼ bʌ i mele Jesús?
Jiñi Biblia miʼ yʌl chaʼan Dios tsiʼ cʼʌñʌ Jesús «chaʼan miʼ mel milagro tac yicʼot chaʼan miʼ pʌs i yejtal i pʼʌtʌlel» (Hechos 2:22). Wocolix i yʌlʌ jiñi i pʼʌtʌlel Dios, Jesús tsaʼ mejli i ticʼ jiñi icʼ, tsiʼ weʼsa cabʌl lac piʼʌlob, tiʼ tsʼʌca cʼamoʼ bʌ yicʼot tsiʼ chaʼ aqʼueyob i cuxtʌlel jiñi chʌmeñoʼ bʌ (Mateo 8:23-27; 14:15-21; Marcos 6:56; Lucas 7:11-17). Jiñi milagro tac tsaʼ bʌ i mele Jesús tsiʼ pʌsʌ chaʼan jiñʌch Dios tsaʼ bʌ i choco tilel ila ti Pañimil. Cheʼ jaʼel, tsiʼ pʌsʌ chaʼan Jehová añʌch i pʼʌtʌlel chaʼan miʼ jisan pejtelel jiñi lac wocol tac.
3. ¿Chuqui miʼ pʌsbeñonla chaʼan bajcheʼ yilal tsaʼ chumle Jesús?
Jesús tsiʼ jacʼbe i tʼan Jehová tiʼ pejtelel ora (pejcan Juan 8:29). Cheʼʌch tsiʼ chʌn mele cheʼ bʌ cuxulto ila ti Pañimil, anquese cabʌlob tsiʼ ñopoyob i mʌctan chaʼan mach cheʼic miʼ mel. Tsiʼ pʌsʌ chaʼan mucʼʌch i mejlel lac melben i yeʼtel Dios anquese mi lac ñusan tsʌts tac bʌ wocol. Cheʼ bajcheʼ iliyi, Jesús tsiʼ pʌsbeyob jiñi xcʌntʼañob i chaʼan chuqui yom miʼ melob chaʼan yicʼotob i xucʼtʌlel miʼ tsajcʌbeñob i melbal (chaʼlibal) (1 Pedro 2:21).
LAʼ LAC ÑUMEN ÑAʼTAN
Laʼ laj qʼuel bajcheʼ tsiʼ chaʼle subtʼan Jesús yicʼot tsiʼ mele milagro tac.
4. Jesús tiʼ subu jiñi wen tʼan
Jesús tsiʼ chaʼle wen ñajt bʌ xʌmbal ti bij baqui an cabʌl tsʼubejn chaʼan miʼ suben wen tʼan cabʌl lac piʼʌlob. Pejcanla Lucas 8:1 i tem alʌla iliyi:
-
¿Cojach ba tiʼ subeyob wen tʼan Jesús jiñi muʼ bʌ i cʼotelob i ñʌchʼtan?
-
¿Chuqui tsiʼ chaʼle wersa i mel Jesús chaʼan miʼ taj jiñi lac piʼʌlob?
Dios tsiʼ yʌlʌ chaʼan jiñi Mesías mi caj i sub jiñi wen tʼan. Pejcanla Isaías 61:1, 2 i tem alʌla iliyi:
-
¿Bajcheʼ tiʼ tsʼʌctesa Jesús ili profecía?
-
¿Muʼ baʼ wʌl chaʼan jiñi lac piʼʌlob ili ora yomʌch miʼ ñʌchʼtañob jaʼel jiñi wen tʼan?
5. Jesús tsiʼ yʌlʌ ñuc tac bʌ i cʼʌjñibal
Jesús mach cojach tiʼ subu jiñi wen tʼan chaʼan i Yumʌntel Dios, cheʼ jaʼel tsiʼ yʌcʼʌ wen tac bʌ ticʼojel. Laʼ laj qʼuel chaʼpʼej uxpʼejl ejemplo cheʼ bʌ tsiʼ chaʼle Cʌntesa yaʼ ti wits.Pejcanla Mateo 6:14, 34 yicʼot 7:12, i tem alʌla iliyi:
-
¿Chuqui wem bʌ ticʼojel tac tsiʼ yʌcʼʌ Jesús ti ili versículo tac?
-
¿Mejl ba i coltañob maʼ wʌl jiñi lac piʼʌlob ili ora ili ticʼojel tac?
6. Jesús tsiʼ mele milagro tac
Jehová tsiʼ yʌqʼue i pʼʌtʌlel Jesús chaʼan miʼ mel cabʌl milagro. Chaʼan mi laʼ qʼuel jumpʼejl ejemplo, pejcanla Marcos 5:25-34 o qʼuelela jiñi VIDEO. Cheʼ jiñi tem alʌla iliyi:
-
Cheʼ bajcheʼ tsaʼ laj qʼuele ti jiñi video, ¿chuqui tsiʼ ñopo jiñi xʼixic am bʌ i cʼamʌjel?
-
¿Chuqui tsaʼ bʌ a ñumen mulaj ti jiñi milagro?
Pejcanla Juan 5:36 i tem alʌla iliyi:
-
¿Chuqui «miʼ pʌs» jiñi milagro tac tsaʼ bʌ i mele Jesús?
¿A wujilix ba?
Lʌcʼʌl tiʼ pejtelel la cujil bʌ tiʼ tojlel Jesús mi lac taj ti chʌmpʼejl libro cʌmbil bʌ bajcheʼ Evangelio tac. Jiñi tsaʼ bʌ i tsʼijbuyob jiñi chʌmpʼejl Evangelio, Mateo, Marcos, Lucas yicʼot Juan, an chuqui tac tsiʼ yʌlʌyob tiʼ tojlel Jesús maʼañic bʌ tsiʼ yʌlʌyob yambʌlob. Cheʼ mi lac pejcan ili chʌmpʼejl Evangelio miʼ cʼotel lac ñumen cʌn bajcheʼ tsaʼ chumle Jesús.
-
MATEO
jiñʌch tsaʼ bʌ i tsʼijbu jiñi ñaxam bʌ Evangelio. Jiñi i libro miʼ wen taj ti tʼan i cʌntesa Jesús, ñumento jiñi tsaʼ bʌ i yʌlʌ chaʼan jiñi i Yumʌntel Dios.
-
MARCOS
tiʼ tsʼijbu jiñi Evangelio mach bʌ wen tamic, i wen utsʼatax chuqui tiʼ tsictesa.
-
LUCAS
miʼ yʌl chaʼan ñuc i cʼʌjñibal jiñi oración yicʼot chaʼan Jesús wen jach chuqui tsiʼ mele tiʼ tojlel jiñi xʼixicob.
-
JUAN
tsiʼ wen taja ti tʼan bajcheʼ yilal i melbal Jesús come tsiʼ yʌlʌ chaʼan bajcheʼ tsiʼ chaʼle tʼan yicʼot i yamigojob yicʼot yambʌ lac piʼʌlob.
AN MUʼ BɅ I YɅLOB: «Jesús jiñʌch jiñi Dios wen pʼʌtʌl bʌ».
-
¿Chuqui maʼ wʌl jatet?
TSAʼ BɅ LAJ CɅÑɅ
Jesús tiʼ subu i Yumʌntel Dios, tsiʼ mele milagro tac yicʼot tsiʼ jacʼbe i tʼan Jehová tiʼ pejtelel ora.
¿Chuqui tsaʼ cʌñʌ?
-
¿Baqui bʌ ñumen ñuc bʌ eʼtel tsiʼ mele Jesús cheʼ bʌ tsajñi wʌʼ ti Pañimil?
-
¿Chuqui tsiʼ pʌsʌ jiñi milagro tac tsaʼ bʌ i mele Jesús?
-
¿Chuqui ñuc tac bʌ i cʼʌjñibal tsiʼ yʌlʌ Jesús?
CɅÑɅ YAN TAC BɅ
¿Chuqui jiñi tsaʼ bʌ i ñumen taja ti tʼan Jesús?
Qʼuele chucoch mucʼʌch lac ñop jiñi milagro tac tsaʼ bʌ i mele Jesús.
Qʼuele bajcheʼ juntiquil wiñic tsiʼ qʼuexta i ñaʼtʌbal cheʼ bʌ tsiʼ cʌñʌ chaʼan Jesús mach i bajñel jach tsiʼ ñaʼta i bʌ.
«Joñon jach tsaʼ c bajñel qʼuele c bʌ ti ñuc» (Lac Tsictesʌbentel, 1 i chaʼan octubre, 2014)
Qʼuele jiñi ñuc tac bʌ i cʼʌjñibal tsaʼ bʌ i mele Jesús yicʼot bajcheʼ quepecña tsaʼ ujti.
«Cheʼ bʌ tsaʼ chumle Jesús wʌʼ ti Pañimil» (Jiñi Biblia. Traducción del Nuevo Mundo, apéndice A7)
a Ti jiñi cʌntesʌntel 31 cʼʌlʌl ti 33 mi caj i ñumen tsictesʌntel chuqui jiñi i Yumʌntel Dios.
Miʼ mejlel a qʼuel jaʼel iliyi
CʼAJTIYA TAC MUʼ BɅ I ÑUMEN MEJLEL
¿Bajcheʼ yilal jiñi estudio loqʼuem bʌ ti Biblia muʼ bʌ i yʌcʼob jiñi i testigojob Jehová?
Ti jiñi estudio muʼ bʌ i yʌcʼob jiñi i testigojob Jehová maʼ mejlel a cʼʌn baqui jach bʌ Biblia. Miʼ mejlel a pʌy pejtelel a familia o jiñi a wamigojob.
