LECCION 16
Jesus nabbaneggi gudi gusgu, ¿ibu ibmar imagdi gusa?
Abar dulemar Jesusgi binsadele, anba goe bibbi maiyob egi binsadamalad, abar Jesus bioggar naidgi binsaddamalad. Abar sogdamarbalid, Jesus unnila binsa dule nued gudi gusmoye. Auggi, be wisgubiele Jesus nue doa dule gue, bin be durdaggweler gebed igi ebbenne Jesus ibmar imagdi gusa. Aagala, we lecciongi be durdaggoed, bur ibu ibmar imaggedgi Jesus arbadi gusa. Geb be durdagbaloed, ibigala be we ibmar wisgued nue abelemoga.
1. ¿Jesus bur ibu imaggedgi arbadi gusa?
Jesus bur we ibmar imaggedgi arbadi gusad: Bab Dummad neg dagmaid gayaburba nuedgi dulemarga sunmaggedgi (Lucas 4:43 absogo). Dulemarga sogdi gusad, Bab Dummad gobierno dulemarga neg nudaggoedye. a Birga baa abala Jesus, dulemarga we ibmargi sunmagdi gusad (Mateo 9:35).
2. ¿Ibigala Jesus ibmar dagledisurmalad imasa?
Bibliagi soglenaid, ‘Jesus, Bab Dummad nuggi ibmar dagledisurmalad imasye’ (Gusmalad 2:22). Jehova ega gangued ugsadbali, Jesus nabir dii burwa boo imasad, miliba mergu masgi dulemar ogudsabalid, buggidar boni nigmalad onudasbalid, abar dulemar burgwismalad odurgusbalid (Mateo 8:23-27; 14:15-21; Marcos 6:56; Lucas 7:11-17). Jesus ibmar dagledisurmalad imasad, dulemar mag daggega, Bab Dummad e barmiali. Aagala, anmar bensurmogad, yoogidse Jehova nabir anmarga neg nudagmogoe.
3. ¿Jesus doa sogedba ibmar imagdgi gusa? ¿Ibu igargi anmar odurdagmoga?
Jesus nueggwa Jehova sogedba ibmar imagdi gusad (Juan 8:29 absogo). Dulemar Jehova igargi Jesus obanbi gusmar inigwale, auggi, Jesusdi bibbisaar Jehova igargi bangussulid, bur Jehova sogedba ibmar imasdaed. Degsoggu, anmarga ibmar ibigwensur gusurmogale, nabir anmar Jesusyob nueggwa Jehova sogedba ibmar imagdi gusmogaled. Jesus ebbenne weyob ibmar imasad, e sordagan e sorba nabir eyob ibmar imagdi gumarmogaga (1 Pedro 2:21).
NUEGGWA WE IBMAR DURDAGMARGOLO
Wegine be durdaggoed, igi Jesus dulemarga Bab igargi sunmagdi gusa, geb igi imasdabali ibmar dagledisurmalad imaggega.
4. Jesus, dulemarga Bab igargi sunmasad
Jesus digga digga nanadi gussulid nabir dulemarga Bab Dummad ibmar nuegan imaggoedgi sunmaggega. Lucas 8:1 absomalo, we ibmargi sunmagmarbalo:
-
¿Jesus unnila dulemar esega danidamaladgarbi Bab igargi sunmasdadibe?
-
¿Jesus ibu imasa nabir bela dulemarga Bab igargi sunmaggega?
Bab Dummad sogsad, Mesias dulemarga ibmar nuegangi sunmagdi guoye. Isaías 61:1, 2 absomalo, we ibmargi sunmagmarbalo:
-
¿Isaíasgi ibmar soglesadyob Jesus ibmar imasdibe? ¿Ibigala deyob be soge?
-
Emi ibagine, ¿dulemar we ibmar nuegan wisgued abelemodibe?
5. Jesus ibmar nuegangi dulemar odurdasad
Jesus unnila Bab gobierno ibmar nuegan imaggoedginbi dulemarga sunmassulid, ibmar nuegan imaggedgi dulemar odurdasbalid. Dagmaloena, ibu ibmar nuegangi dulemar odurdasa. Mateo 6:14, 34 geb 7:12 absomalo, we ibmargi sunmagmarbalo:
-
¿Ibu ibmar nuegangi Jesus dulemar odurdasa?
-
Weyob Bibliagi ibmar soglenaidi, ¿emi ibagi nabir dulemar bendasmogardibe?
6. Jesus ibmar dagledisurmalad imasad
Jehova Jesusga gangued ugsad, ibmar dagledisurmalad imaggega. Dagmaloena ibu ibmar imasa, Marcos 5:25, 34 se absomalo, sulirdina, VIDEO dagmalo. Sorba we ibmargi sunmagmarbalo:
-
Be dagsa, ¿ome ibu ibmar bibbisaar bengussuli?
-
¿Igi Jesus ibmar imasad bur be nued dagsa?
Juan 5:36 absomalo, we ibmargi sunmagmarbalo:
-
Jesus weyob ibmar dagledisurmalad imasadbali, ¿nue doa Jesus barmiali daglesunna?
¿Be wisina?
Bibliagi we libromar naid: Mateo, Marcos, Lucas, Juan, aag soglenaid Jesus igi ibmar imagdi gusa. Unnila Jesus ibmar soggwen imasadginbi sunmaglenasulid. Be we libromar absomogale, nabir be nueggwa we ibmar wisgusmogaled.
-
MATEO
Mateo inso garda narmasad. Ibu ibmargi Jesus dulemar odurdagdi gusa, aa ibmar narmasad, auggi, bur bule Bab gobiernogi sunmasad.
-
MARCOS
Marcosdi doggus suiddi garda narmassulid, ibmar isse sogsa baidse gwagsadaed, yeer ibmar gunaiyob iddolle sogdaed.
-
LUCAS
Lucasdi bur Babse goledgi sunmasad, sogsabalid, Jesus ibigwensur omegan imagdi gussurye.
-
JUAN
Juandi bur Jesus e daedgi sunmasad, sogsabalid, Jesus ibu ibmargi e aimarbo sunmasdae, geb ibu ibmargi emarga sunmasdabali.
ABAR SOGDAMALAD: “Jesus, Bab massisulid, unnila binsa dule nued gudi gusmogad”.
-
¿Bedi igi sogmoga?
WE IGARGI SUNMAGLESAD
Jesus, Bab gobiernogi dulemarga sunmagdi gusad, ibmar dagledisurmalad imagdi gusbalid, geb Jehova sogedbarbi igar imagdi gusbalid.
Ibu be durdasa
-
¿Jesus bur ibu imaggedgi arbadi gusa?
-
Ibmar dagledisurmalad imasadbali, ¿nue doa Jesus barmiali daglesunna?
-
¿Ibu ibmar nuegangi Jesus dulemar odurdasa?
NABIR BE WE IBMAR DURDASBALILED
¿Jesus bur ibu igargi dulemarga sunmagdi gusa?
“¿Ibigala Jesus dulemarga bur Bab gobiernogi sunmasdae?” (La Atalaya, octubre 1, 2014 gad)
Wegine soglenaid, ibigala anmar bensuli, ebbenne nue Jesus ibmar dagledisurmalad imasa.
“Jesus ibmar dagledisurmalad imasadi, ¿ibu igargi be odurdagge?” (La Atalaya, julio 15, 2004 gad)
Wegine soglenaid, igi dule wargwen na e daed ogwasa, durdagnonigu, Jesusdi na eginbi binsasurdaye.
“Unnila an na anginbi binsadi daenad” (La Atalaya, octubre 1, 2014 gad)
Wegine be nabir dagsaled, Jesus bur ibu ibmarmar imagdi gusa.
“Jesus nabbaneggi gudi gusgu” (La Biblia. Traducción del Nuevo Mundo, apéndice A7)
a Leccion 31, 33 se bur nueggwa Bab gobiernogi sunmaglegoed.
