ZANNOO 16
Bo Toma Ka Yezu Da Tonɔ Saŋa Na Oŋ Da Be A Teŋɛzuŋ Na?
Noba mine maŋ teɛreŋ ka Yezu e la bilɛɛ kaŋa naŋ ba taa faŋa zaa, ka ba mine teɛre ka o e la daŋyele kaŋa naŋ taa yɛŋ yaga, noba mine meŋ o kũũ yɛlɛ yoŋ ka ba baŋ. Kyɛ, ka teneeŋ zanne baŋ yɛlɛ na Yezu naŋ da erɛ saŋa na oŋ be a teŋɛzu kyɛ na, te na nyɛɛ tɔnɔ kaŋa bee? A zannoo ŋa poɔŋ, te na nyɛɛ yelnimizeere mine Yezu naŋ da e, a kyɛ lɛ nyɛ lɛ a yɛlɛ ŋa naŋ na toɔ̃ soŋ bo.
1. Bo toŋ nimizeɛ meŋɛ ka Yezu da tonɔ?
Yezu da moɔlɛɛ “a Naaŋmen Naaloŋ duorisoŋ na.” (Kanne Luka 4:43.) Toŋ nimizeɛ oŋ da tonɔ na lɛ. O da moɔlɛɛ a duorisoŋ naŋ la ka, Naaŋmen na biŋee o naaloŋ bee gɔmenante naŋ na wa iri nensaaleba yelwonnii zaa bare. a Yezu de la yuomo ata neŋ kyɛlee a moɔ̃ nimiri moɔlɔ a duorisoŋ ŋa korɔ noba.—Matio 9:35.
2. Bonso ka Yezu da maŋ tonɔ toŋseɛlɛ?
A Baabole yelka, “Naaŋmen . . . sage de [la Yezu] a e ka o toŋ tonkpeɛne ane nɔmaa toma ane yelwulii.” (Toma 2:22) Naaŋmen da ko la Yezu faŋa oŋ e ka sasekpeɛŋaa kaŋa ŋmaa, a ko noba turituri yaga bondirii baŋ di, a saŋ noba baaloŋ, a gba seŋ kũũni baŋ leɛ wa vorihoŋ poɔ. (Matio 8:23-27; 14:15-21; Marko 6:56; Luka 7:11-17) Toŋseɛlɛ na Yezu naŋ da tonɔ na da di la sieree ka Naaŋmen la tomoo. Kyɛ, a lɛ wuli teŋ ka Jehoova taaɛ a faŋa ka o iri te yelwonnii zaa bare.
3. Bo yɛlɛ teŋ na baŋ zanne yi Yezu zemmo yɛlɛ poɔŋ?
Yelzaa poɔŋ, Yezu da maŋ kyɛllɛ wonee Jehoova yɛlɛ. (Kanne Gyɔɔn 8:29.) Aneazaa ka noba yaga da iri zɔɔrɔ neŋ la Yezu, kyɛ o da moɔ̃ la nimiri a erɛ yɛlɛ na zaa o Saa naŋ yelkoo ka o erɛ na a te ta o kũũ saŋa. Lɛ na Yezu naŋ e na wuleeŋ ka, ka teneeŋ gbaŋ tuoro yelkpeɛne kyɛ te naŋ na baŋ moɔ̃ la nimiri a puoro Naaŋmen. Azuŋ, Yezu bare la “yelwulaa ko [te], ka ka [te] na tuuro a O gbɛbogri.”—1 Piita 2:21.
ZANNE YƐLƐ YAGA POƆ
Zanne nyɛ sori na Yezu naŋ da maŋ tu kyɛ moɔle a duorisoŋ ko noba ane toŋseɛlɛ oŋ da toŋ.
4. Yezu da moɔlɛɛ a duorisoŋ korɔ noba
Yezu da maŋ kyɛŋɛɛ gbɛɛ a gaa ziiri naŋ e tɔba yaga a te moɔle a duorisoŋ ko neɛzaa o naŋ pɔge. Kanne Luka 8:1, a kyɛ gyieli a soorebie naŋ tu na yɛlɛ:
-
Noba naŋ wa Yezu zie yoŋ la oŋ da maŋ moɔle a duoro korɔ bee?
-
Wala ka Yezu da maŋ e a mɔɔ o mɔɔbo zaa ka o nyɛ noba a moɔle a duorisoŋ ko ba?
Naaŋmen daŋyeleeŋ ka a Mɛzaaya na moɔlɛɛ a duorisoŋ. Kanne Aizeeya 61:1, 2, a kyɛ gyieli a soorebie naŋ tu na yɛlɛ:
-
Wala ka Yezu da e a vɛŋ ka a daŋyelbo ŋa nyɛ eebo?
-
Ho teɛre ka a fɛrɛɛŋ ka noba naŋ bebe zenɛ ŋa woŋ a duorisoŋ bee?
5. Yezu da wulee noba yelnimizeere yaga
Yezu da moɔlɛɛ a Naaŋmen Naaloŋ duorisoŋ na korɔ noba, kyɛ o da maŋ lɛ wulee noba yelnimizeere mine naŋ soma yaga. Yɛ vɛŋ ka te zanne yɛlɛ awala mine yi o Taŋazu Yelyaga na poɔŋ. Kanne Matio 6:14, 34, ane 7:12, a kyɛ gyieli a soorebie naŋ tu na yɛlɛ:
-
Bo kawane naŋ soma yaga zaa la ka Yezu ko te a yi a sɛgre ŋa poɔŋ?
-
Wala hoŋ teɛre, o kawane na naŋ taaɛ tɔnɔ zenɛ ŋa bee?
6. Yezu da toŋɛɛ toŋseɛlɛ yaga
Jehoova da ko la Yezu faŋa oŋ toŋ toŋseɛlɛ yaga zaa. Ka hooŋ boɔrɔ ka ho nyɛ a toŋseɛlee kaŋa, kanne Marko 5:25-34 bee ŋmɛ a VIDIO. A kyɛ gyieli a soorebie naŋ tu na yɛlɛ.
-
A vidio poɔŋ, bo yɛlɛ ka a pɔgebaala na da sagedi peɛlaaŋ?
-
Sobuo ka a toŋseɛlee ŋa tɔ ho sukyiri?
Kanne Gyɔɔn 5:36, a kyɛ gyieli a soorebiri ŋa yɛlɛ:
-
Bo ka Yezu toŋseɛlɛ na da “di sieree” bee a wuli a kyaaroo?
Ho da baŋɛɛŋ?
Yɛlɛ na teŋ baŋ a kyaare Yezu na kpoŋ zie zaa be la a Baabole gama anaare ŋa poɔŋ: Matio, Marko, Luka, ane Gyɔɔn. Yɛlɛ na a Baabole sɛgesɛgreba ŋa kaŋa zaa naŋ sɛge kyaare Yezu na ba yitaa. Kyɛ ka hooŋ de yɛlɛ na zaa baŋ sɛge na laŋtaa, ho na baŋɛɛ yɛlɛ yaga a kyaare Yezu zemmo yɛlɛ.
-
MATIO
la sɛge a gane dɛndɛŋ soba. O wuli teŋ yɛlɛ yaga a kyaare Yezu wuluu ane yɛlɛ na zaa oŋ wuli a kyaare Naaŋmen Naaloŋ na.
-
MARKO
gane na oŋ sɛge naŋ e ŋmaa a gama zaa poɔŋ. A gane mannɛɛ yɛlɛ naŋ e Yezu zemmo poɔ na ŋmaaŋmaa lɛ aŋ tuuro taa.
-
LUKA
wuli teŋ lɛ puoro naŋ da e nimizeɛ ko Yezu a seŋ, a kyɛ lɛ wuli lɛ oŋ da maŋ wulo pɔgeba nimibaaloŋ.
-
GYƆƆN
wuli teŋ yɛlɛ yaga a kyaare Yezu gyogri a yi dama na o neŋ o zɔmenne ane noba mine naŋ da maŋ dire na poɔŋ.
NOBA MINE MAŊ YELEŊ KA: “Yezu da e la dɔɔ kaŋa yɛlɛ naŋ soma kyɛ, ona naane a Mɛzaaya.”
-
Wala hoŋ teɛre?
A ZANNOO YELNIMIZEERE
Yezu da moɔlɛɛ Naaŋmen Naaloŋ na duorisoŋ, a da toŋ toŋseɛlɛ, a kyɛ erɛ yɛlɛ Jehoova naŋ boɔrɔ wagre zaa.
Bo Hoŋ Zanne
-
Bo toŋ nimizeɛ meŋɛ la ka Yezu da tonɔ a teŋɛzu kyɛ?
-
Bo ka Yezu toŋseɛlɛ na da di sieree a kyaaroo?
-
Bo yelnimizeere mine la ka Yezu wuli te?
YƐLƐ MINE NAŊ LƐ BEBE
Bo duoro la ka Yezu da maŋ moɔlɔ nimizeɛ zaa?
“Lɛ Yezu Naŋ Da De Naaŋmen Naaloŋ Na Tegroŋ A Seŋ” (A Watchtower, October 1, 2014)
Kanne nyɛ bon naŋso teŋ na baŋ sagedi ka Yezu toŋseɛlɛ na sereŋ da nyɛɛ eebo.
“Bo Yɛlɛ Hoŋ Na Baŋ Zanne Yi Yezu Toŋseɛlɛ Na Poɔŋ?” (A Watchtower, July 15, 2004)
Kanne nyɛ lɛ dɔɔ kaŋa naŋ leɛre o zemmo yɛlɛ saŋa na oŋ wa zanne nyɛ ka Yezu taaɛ noba yɛlɛŋ yaga zaa na.
“N Yoŋ Yɛlɛ Maŋ Da Maŋ Teɛrɛ Wagre Zaa” (A Watchtower, October 1, 2014)
Nyɛ yelnimizeere mine Yezu naŋ da e baŋ sɛgraa aŋ tu taa soŋ zaa.
a Zannoo 31-33 poɔŋ, te na zannɛɛ yɛlɛ yaga a kyaare Naaŋmen Naaloŋ na.
