AYEGHLE 16
Za mam Yésu a nga bo éyong a mbe a si va ?
Abuiñ bôt ba yen Yésu ane nkenghle moan ô ne kaa ngu’u, ane nkule medzô a ne akeng, nge ki ane é môt a nga yii-yang. Ve, za mam mefe bi ne yeghe ma daghe éning dèñ a si va ? Ayeghle di été, bia ye yen mam m’ézing mefe ma dang éban Yésu a nga bo, ye yen aval mam meté ma name wa.
1. Za ésèñ Yésu a nga tele ôsu ?
Ésèñ Yésu a nga tele ôsu é mbe « a kanghle mbemba fuèñ ye Édjié Nzame. » (A lang Luc 4:43.) A nga bôm mbemba fuèñ naa Nzame a ye tele Édjié dèñ, da ye kôm minzukh misese boan be-bôt ba tubane mio. a Yésu a nga kanghle mbemba fuèñ té tang mimbu milal ya étun, kaa voat.—Matthieu 9:35.
2. Mekengha Yésu a nga bo me nga lere za dzam ?
Bible a lere abuiñ « bôra bidoa bi-mam, mekengha ya mendem Nzame a nga bo ngalane [Yésu]. » (Bisè mintôl 2:22) Ya é ngu’u Nzame, Yésu a mbe é djié mengu’u me ya avele, a nga ve be toyini be-bôt bidzi, a nga sèñ minkôkoan ya fe wômô bewu. (Matthieu 8:23-27 ; 14:15-21 ; Marc 6:56 ; Luc 7:11-17) Mekengha Yésu a nga bo me nga tugha lere naa Nzame éñe a nga lôm ñe. Mekengha meté me nga lere fe naa Jehôva a bele ngu’u naa a kôm minzukh misese miè.
3. Za ayeghle bi ne ñong ya aval Yésu a nga ning ?
Yésu a nga bo Jehôva mewokh bitéñ bisese. (A lang Jean 8:29.) Amben bôt be nga tebe ñe é ngam ayat, ya sôsôe, Yésu a nga bo é dzam Ésaa a nga sili ñe yakekuiñ awu dèñ. A nga lere naa boan be-bôt be ne sèhane Nzame amben ba tubane minzukh. Aval té, Yésu a nga likh « bia éfônan, naa [bi] béé é zen dzèñ. »—1 Pierre 2:21.
A TUGHA FAS
Daghe aval Yésu a nga kanghle mbemba fuèñ ya bo mekengha.
4. Yésu a nga kanghle mbemba fuèñ
Yésu a nga wule mintet be kilomètre nge ki kilometro mezen me ne mbulghu, naa a ke a kanghle abuiñ bôt mbemba fuèñ. A lang Luc 8:1, éyong té mia lèè minlang mia daghe minsili mia zu mi :
-
Ye Yésu a nga kanghle fave é bôt be nga zu ñe bèè ?
-
Za mengu’u Yésu a nga ve naa a ke tubane bôt ?
Nzame a nga dzô naa Mesías a ye kanghle mbemba fuèñ. A lang Esaïe 61:1, 2, éyong té mia lèè minlang mia daghe minsili mia zu mi :
-
Aval avé Yésu a nga dzale nkulane adzô wi ?
-
Ye wa tem naa é ne éban naa bôt be wokh mbemba fuèñ té ému ?
5. Yésu a nga yeghle be bebela be ne édedèè éban
Yésu éé dzi ki kanghle fave mbemba fuèñ ye Édjié Nzame, a nga yeghle fe mbemba melepgha. Yeneghane bifônan bizing bia so ntun a nga bo nkôô ayô. A lang Matthieu 6:14, 34 ya 7:12, éyong té mia lèè minlang mia daghe minsili mia zu mi :
-
Za mbemba melepgha Yésu a nga ve bifus bi été ?
-
Ye wa tem naa melepgha meté me ngen éban ému ?
6. Yésu a nga bo mekengha
Jehôva a nga ve Yésu ngu’u naa a bo abuiñ mekengha. Naa mi yen éfônane dèè, a lang Marc 5:25-34 nge ki daghane ÉNGENGENG. Éyong té mia lèè minlang mia daghe minsili mia zu mi :
ÉNGENGENG : Jésus guérit une femme malade nge ki La curación de una mujer enferma (5:10)
-
Éngengeng di été, za dzam é minenga a mbe é koan a mbe é bunu ya n’nem ôse ?
-
Za dzam da name wa akengha té été ?
A lang Jean 5:36, éyong té mia lèè minlang mia daghe nsili wa zu wi :
-
Mekengha Yésu a nga bo me ne « ngañiè » za dzam, nge ki naa ma lere dzé nfa wèñ ?
Ye ô va yem de ?
Abuiñ mam bia yem nfa Yésu ma so bekalare benii be ya Bible be nga luè naa Bévangile nge ki Evangelios—Matthieu, Marc, Luc, ya Jean. Kada Évangile nge ki Evangelio da kobe mingura mi-mam mia daghe Yésu. Mam mesese meté ma ve naa bi bele mbemba évaghle ye éning Yésu.
-
MATTHIEU
éñe a nga tare tsili évangile nge ki evangelio dèñ. A kobe adzô meyeghle Yésu, dang-dang é mam a nga yeghle ma daghe Édjié Nzame.
-
MARC
a nga tsili évangile nge ki evangelio da dang étun. A nga kanghle abuiñ mam me nga boban ya abuiñ nsaza.
-
LUC
a nga dang kobe adzô meyaghlan ya aval Yésu a mbe é yem ñong binenga.
-
JEAN
a lere aval môt Yésu a mbe, éé kanghle abuiñ minlang Yésu a nga lèè ya beyeghe bèñ ya fe bôt befe.
NGE MÔR ÉZING A DZÔ WÔ NAA : « Yésu a mbe fave mbemba môt, se ki dzam afe. »
-
Wa tem dzam té yè ?
AKIGHE BES
Yésu a nga kanghle é fuèñ da daghe Édjié Nzame, a nga bo mekengha, ya bo Jehôva mewokh bitéñ bisese.
Ôbaghle
-
Za ésèñ Yésu a nga tele ôsu éyong a mbe a si va ?
-
Za dzam mekengha Yésu a nga bo ma lere ?
-
Za mbemba melepgha Yésu a nga yeghle ?
Ô NE FE KE DAGHE
Za nlô-adzô Yésu a nga dang kobe ?
« Le Royaume de Dieu : son importance pour Jésus » nge ki « ¿Por qué es importante para Jesús el Reino de Dios? » (La Tour de Garde, 1er octobre 2014 ; La Atalaya, 1 de octubre de 2014)
Yeneghe amu dzé bi ne bune naa mekengha Yésu me nga boban.
« Les Miracles de Jésus —que vous enseignent-ils ? » nge ki « Los milagros de Jesús: ¿qué puede aprender de ellos? » (La Tour de Garde, 15 juillet 2004 ; La Atalaya, 15 julio de 2004)
Langhe aval éfônan Yésu nfa a simane é bôt bevoo é nga tsen éning fam ézing.
« Je ne vivais que pour moi » nge ki « Lo más importante de mi vida era yo » (La Tour de Garde, 1 octobre 2014 ; La Atalaya, 1 de octubre de 2014)
Yeneghe ntaane mam ye ésèñ minkanghle Yésu.
« Principaux évènements de la vie terrestre de Jésus » nge ki « La vida de Jesús en la tierra » (La Bible. Traduction du monde nouveau nge ki La Biblia. Traducción del Nuevo Mundo, appendice A7 nge ki apéndice A7)
a Meyeghle 31-33, bia ye tugha yen é mam ma daghe Édjié Nzame.
