LEASAN 16
Nuair a bha Ìosa air an Talamh—Dè Rinn e?
Bidh tòrr dhaoine a’ dealbhadh Ìosa mar leanabh neoichiontach, fàidheadair glic, no fear a tha a’ bàsachadh. Ach dè dh’ionnsaicheas sinn bho am beatha aige air an talamh? San leasan seo, ionnsachaidh sinn cuid dè na rudan as cudromaiche a rinn Ìosa agus ciamar as urrainn dhaibh gad chuideachadh.
1. Dè bha an obair as cudromaiche a rinn Ìosa?
Bha a’ phrìomh obair aig Ìosa “soisgeul rìoghachd Dhè a shearmonachadh.” (Leugh Lùcas 4:43.) Shearmonaich e an deagh-naidheachd gun stèidhich Dia rìoghachd no riaghaltas a bhios a’ cur stad air trioblaidean mac an duine air fad. a Sgaoil Ìosa an deagh-naidheachd seo gun stad airson trì bliadhnaichean gu leth.—Mata 9:35.
2. Carson an do rinn Ìosa mìorbhailean?
Tha Am Bìoball a’ dealbhadh na rinn Dia troimh Ìosa “obraichean cumhachdach is iongantasan is comharraidhean.” (Gnìomhan 2:22) Le neart Dhè bha smachd aig Ìosa tharais air an t-sìde, a’ toirt biadh dha mìltean, a’ slànadh daoine tinn agus fiù ’s thug e beatha air ais dha na mairbh. (Mata 8:23-27; 14:15-21; Marcas 6:56; Lùcas 7:11-17) Bha na mìorbhailean aig Ìosa a’ sealltainn gu cinnteach gun do thàinig e bho Dhia agus cuideachd gu bheil a’ chumhachd Iehòbha ar trioblaidean a cur ceart.
3. Dè dh’ionnsaicheas sinn bho an dòigh beatha aig Ìosa?
Bha Ìosa umhail do Iehòbha ann gach suidheachadh. (Leugh Eòin 8:29.) A dh’aindeoin aghaidheachadh, bha Ìosa dìleas dha Athair fiù ’s suas gu bàs. Sheall e gu bheil e comasach mac an duine a frithealadh Dhè, ged a tha e doirbh. Mar sin, dh’fhàg Ìosa “eisimpleir agaibh airson ’s gun leanadh sibh na cheumannan-san.”—1 Peadar 2:21.
IONNSAICH TUILLEADH
Smaoinich mu chiamar an do sgaoil Ìosa an deagh-naidheachd agus ciamar a rinn e na mìorbhailean.
4. Shearmonaich Ìosa an deagh-naidheachd
Choisich Ìosa ceudan de mìle air rathaidean dustach, a’ searmonachadh na deagh-naidheachd leis a h-uile duine ’s a ghabhas. Leugh Lùcas 8:1, agus an uairsin bruidhinn mu na ceistean a leanas:
-
An do shearmonaich Ìosa gu iadsan a chruinnich mu thimcheall a-mhàin?
-
Dè seòrsa oidhirp a bh’ aig Ìosa airson daoine a lorg?
Ro-dh’innis Dia gun sgaoilidh Am Mesiah an deagh-naidheachd. Leugh Isaiah 61:1, 2, agus an uairsin bruidhinn mu na ceistean seo:
-
Ciamar an do thug Ìosa an fhàidheadarachd seo gu bith?
-
A bheil feum air daoine an deagh-naidheachd seo san latha an-diugh? Dè do bheachd-sa?
5. Theagaisg Ìosa leasanan luachmhor
A bharrachd air sgaoileadh na deagh-naidheachd mun Rìoghachd Dhè, theagaisg Ìosa leasanan pragtaigeach. Bheir sùil air eisimpleirean bho an t-Searmon air a’ Bheinn. Leugh Mata 6:14, 34 agus 7:12, agus an uairsin bruidhinn mu na ceistean seo:
-
Dè seòrsa chomhairle phragtaigeach a bha aig Ìosa anns na rannan seo?
-
Nad bheachd-sa, a bheil a’ chomhairle seo fhathast cuideachail?
6. Rinn Ìosa mìorbhailean
Thug Iehòbha neart gu Ìosa airson tòrr mìorbhailean a dhèanamh. Airson eisimpleir fhaicinn, leugh Marcas 5:25-34 no cluich am BHIDIO. An uairsin bruidhinn mu na ceistean a leanas.
-
Anns a’ bhidio, dè bha am boireannach tinn a’ chreidsinn?
-
Dè an toil leatsa mu am mìorbhailt seo?
Leugh Eòin 5:36, agus an uairsin bruidhinn mun a’ cheist seo:
-
Dè bha na mìorbhailean a rinn Ìosa “a’ toirt fianais” mu dheidhinn?
A bheil fhios agad?
Tha a’ mhòr-chuid den eòlas againn mu Ìosa a’ tighinn bho na Soisgeulan—Mata, Marcas, Lùcas, agus Eòin. Sgrìobh gach sgrìobhadair fiosrachadh eadar-dhealaichte sìos mu Ìosa. Nuair a leughas sinn na ceithir leabhraichean air fad gheibh sinn dealbh brèagha den bheatha Ìosa.
-
MATA
Bha an soisgeul seo air sgrìobhadh an toiseach. Tha e ag innse dhuinn mu theagaisgean Ìosa gu h-àraid an Rìoghachd Dhè.
-
MARCAS
An soisgeul as lugha. Tha e tapaidh agus làn gnìomh.
-
LÙCAS
Tha e a’ cur cuideam air ùrnaigh agus ciamar a bha Ìosa laghach le boireannaich.
-
EÒIN
Tha e a’ sealltainn mòran mun pearsantachd Ìosa le ag innse mu iomadh còmhradh eadar Ìosa agus na dlùth-charaidean is cuid eile.
THA FEADHAINN AG RÀDH: “Cha robh Ìosa ach fear math.”
-
Dè do bheachd-sa?
GEÀRR-IOMRADH
Shearmonaich Ìosa mun Rìoghachd Dhè, rinn e mìorbhailean, agus bha e dìleas do Iehòbha ann gach suidheachadh.
Ath-sgrùdadh
-
Dè bha a’ phrìomh obair aig Ìosa nuair a bha e air an talamh?
-
Dè tha na mìorbhailean aig Ìosa a’ sealltainn gun teagamh?
-
Dè na leasanan pragtaigeach a bha Ìosa a’ teagaisg?
RANNSAICH
Dè a’ phrìomh chuspair a bha Ìosa a’ bruidhinn air?
“God’s Kingdom —What It Means to Jesus” (The Watchtower, October 1, 2014)
Saoil ciamar an urrainn dhuinn a bhith cinnteach gun do thachair na mìorbhailean aig Ìosa.
“The Miracles of Jesus —What Can You Learn?” (The Watchtower, July 15, 2004)
Leugh mun fèin-ìobairt aig Ìosa agus ciamar a thug seo buaidh air aon fhear.
“My Life Was All About Me” (The Watchtower, October 1, 2014)
Faic na prìomh gnìomhan sa mhinistrealachd Ìosa san òrdugh a thachair iad.
“Main Events of Jesus’ Earthly Life” (New World Translation of the Holy Scriptures, Appendix A7)
a Bruidhnidh sinn barrachd mun Rìoghachd Dhè ann an leasanan 31-33.