LEKSIÓN 16
¿Mbaʼépa ojapo vaʼekue Jesús oĩrõ guare ko yvy ape ári?
Heta hénte opensa jave Jesúsre oñeimahina haʼeha peteĩ mitãraʼy, peteĩ proféta térã peteĩ kuimbaʼe omano mbotáva. Péro, ¿mbaʼépa ikatu ñaaprendeve Jesúsgui ñaanalisávo umi mbaʼe ohasa vaʼekue ko yvy ape ári? Ko leksiónpe jahecháta unas kuánta kósa iñimportantetereíva ojapo vaʼekue Jesús, ha mbaʼéichapa umíva ikatu nepytyvõ.
1. ¿Mbaʼépa pe traváho iñimportantevéva Jesús ojapo vaʼekue?
La iñimportantevéva Jesús ojapo vaʼekue haʼe ‘opredika umi notísia porã oñeʼẽva Ñandejára Rréinore’ (elee Lucas 4:43). Haʼe omombeʼu vaʼekue Ñandejára omoĩtaha peteĩ rréino térã goviérno, osolusionátava entéro ñane provlemakuéra. a Tres áño imédiore Jesús oñehaʼãmbaite vaʼekue opredika opa ikatúvape pe mensáhe porãite (Mateo 9:35).
2. ¿Mbaʼépa ohechauka umi milágro ojapo vaʼekue Jesús?
La Biblia ohechauka Ñandejára ojapo hague Jesús rupive “umi mbaʼe ipoderósova, milágro ha umi mbaʼe ijojahaʼỹva” (Hechos 2:22). Ñandejára omeʼẽ rupi podér Jesúspe haʼe ikatu vaʼekue okalma peteĩ torménta, omongaru hetaitereípe, omonguera umi hasývape ha omoingove jey umi omano vaʼekuépe jepe (Mateo 8:23-27; 14:15-21; Marcos 6:56; Lucas 7:11-17). Umi milágro Jesús ojapo vaʼekue ohechauka porã Ñandejára ombou hague chupe. Ha avei ohechauka porã Jehová orekoha la podér osolusiona hag̃ua entéro ñane provlemakuéra.
3. ¿Mbaʼépa ikatu ñaaprende Jesús ehémplogui?
Jesús siémpre ojapo vaʼekue umi mbaʼe Jehová heʼíva chupe (elee Juan 8:29). Oĩramo jepe oñemoĩva hese, Jesús siémpre ifiél vaʼekue Itúape ha iñeʼẽrendu chupe omanoite peve. Upéicha haʼe ohechauka vaʼekue ñande yvypóra ikatuha ñaneñeʼẽrendu Ñandejárape ijetuʼúramo jepe ñane situasión. Upévare la Biblia heʼi: “[Jesús] oheja peẽme peteĩ ehémplo pesegi porã hag̃ua ha pejapo hag̃ua umi mbaʼe haʼe ojapo vaʼekue” (1 Pedro 2:21).
EJEPYʼAMONGETAMÍNA
Jahechamína mbaʼéichapa Jesús opredika vaʼekue umi notísia porã ha unos kuánto milágro ojapo vaʼekue.
4. Jesús opredika vaʼekue umi notísia porã
Jesús oguata vaʼekue mombyrymbyry umi tape yvy reíre opredika ha oikuaauka hag̃ua umi notísia porã ikatúvape guive. Elee Lucas 8:1, ha upéi erresponde koʼã porandu:
-
¿Opredikápa Jesús sólamente umi hénte oñembyatývape ohendu hag̃ua chupe?
-
¿Mbaʼe esfuérsopa ojapo vaʼekue Jesús otopa hag̃ua umi héntere?
Ñandejára oprofetisa vaʼekue pe Mesías opredikáta hague umi notísia porã. Elee Isaías 61:1, 2, ha upéi erresponde koʼã porandu:
-
¿Mbaʼéichapa oñekumpli vaʼekue Jesúsre ko profesía?
-
¿Ndépa repensa umi hénte oikotevẽha avei ohendu umi notísia porã koʼág̃arupi?
5. Jesús omeʼẽ vaʼekue heta konsého porã
Jesús opredika meme vaʼekue umi notísia porã oñeʼẽva Ñandejára Rréinore, péro avei omeʼẽ vaʼekue heta konsého ideprovechoitereíva. Jahechamína unos kuánto ehémplo pe Sermón del Móntepe. Elee Mateo 6:14, 34 ha 7:12, ha upéi erresponde koʼã porandu:
-
¿Mbaʼe konsého porãpa omeʼẽ vaʼekue Jesús koʼã téxtope?
-
¿Ndépa ere ideprovechoitiha koʼág̃a peve umi konsého?
6. Jesús ojapo vaʼekue milágro
Jehová omeʼẽ vaʼekue podér Jesúspe ojapo hag̃ua heta milágro. Ehecha hag̃ua peteĩ ehémplo, elee Marcos 5:25-34 térã ehecha pe VIDÉO. Upéi erresponde koʼã porandu:
-
¿Mbaʼépa oikuaa porã vaʼekue pe kuñakarai?
-
¿Mbaʼépa ndéve ndegustave ko milágrogui?
Elee Juan 5:36, ha upéi erresponde ko porandu:
-
¿Mbaʼépa ohechauka vaʼekue Jesús umi milágro ojapóva rupive?
¿Reikuaápa raʼe?
La majoría umi mbaʼe jaikuaáva Jesúsgui jatopa umi 4 lívro oĩva la Bíbliape oñehenóiva evanhélio: Mateo, Marcos, Lucas ha Juan. Káda uno koʼã lívro omeʼẽ diferénte detálle Jesúsgui. Entéro koʼã detálle ñanepytyvõ ñañeimahina porãve hag̃ua umi mbaʼe ohasa vaʼekue Jesús.
-
MATEO
oskrivi vaʼekue primeroite ilívro. Ha haʼe oñeʼẽve umi Jesús enseñánsare, espesiálmente umi oñeʼẽva Ñandejára Rréinore.
-
MARCOS
oskrivi vaʼekue pe lívro mbykyvéva umi evanhélio apytépe. Ha ikyreʼỹeterei omombeʼu lája umi mbaʼe Jesús heʼi ha ojapo vaʼekue.
-
LUCAS
omombeʼu ñandéve mbaʼeichaite pevépa iñimportánte vaʼekue pe ñemboʼe Jesúspe g̃uarã, ha mbaʼéichapa otrata porã vaʼekue kuñanguérape.
-
JUAN
ohechauka ñandéve mbaʼeichagua persónapa rakaʼe Jesús omombeʼúvo umi mbaʼe heʼi vaʼekue oñemongetárõ guare iñamigoiténdi ha ótrondi.
OĨRAMO HEʼÍVA: “Jesús ningo Ñandejára Todopoderóso”.
-
¿Mbaʼépa nde repensa upévare?
RRESÚMEN
Jesús oñeʼẽ meme vaʼekue Ñandejára Rréinore, ojapo heta milágro ha siémpre ojapo Jehová heʼíva.
Rrepáso
-
¿Mbaʼépa pe traváho iñimportantevéva Jesús ojapo vaʼekue?
-
¿Mbaʼépa ohechauka umi milágro Jesús ojapo vaʼekue?
-
¿Mbaʼeichagua konsého porãpa omeʼẽ vaʼekue Jesús?
EINVESTIGA HAG̃UA
¿Mbaʼe témarepa oñeʼẽ meme vaʼekue Jesús?
“¿Mbaʼérepa iñimportantete Jesúspe g̃uarã Ñandejára Rréino?” (Ñemañaha 1 de octubre de 2014)
Ehecha mbaʼérepa ikatu ñaime segúro Jesús añetehápe ojapo hague umi milágro.
“¿Mbaʼépa ikatu ñaaprende umi milágro Jesús ojapo vaʼekuégui?” (La Atalaya 15 de julio de 2004)
Ehecha mbaʼéichapa Jesús ehémplo oipytyvõ peteĩ karaípe pono opensaiterei ijehénte.
“Che apensa vaʼekue chejehénte voi” (Ñemañaha 1 de octubre de 2014)
Ehecha mbaʼe mbaʼépa ojapo vaʼekue Jesús oñepyrũ rire hembiapo ko yvy ape ári.
a Leksión 31-33-pe oñeñeʼẽvéta Ñandejára Rréinore.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
