ZASEŊƆ 16
Yezu Yuun Eŋɛ La Bem Se’em Ma’a Ti A Bɔna Tingɔŋɔ Wa Zuo La?
Nɛreba zo’e zo’e ti’isɛ ti Yezu kelum dɛna la bilia bii nɔdɛ’ɛsa n tari yɛm bii a nam boi bim kiira mɛ. Ge to wan ta’an viisɛ zamesɛ baŋɛ eŋa n yuun vɔi a vom se’em tingɔŋɔ wa zuo? Zaseŋɔ wa poan to wan geele ninmɔ’ɔrɛ yelese’a ti Yezu yuun eŋɛ ti la yele pakɛ hɔ.
1. Yezu tuunɛ mɔpi yuun dela bem?
Yezu tuunɛ mɔpi yuun dela a “mɔɔlɛ Naayinɛ Na’am la yelesoma la.” (Kaalɛ Luke 4:43.) A yuun mɔɔli la yelesoma la pa’ala Naayinɛ n wan tari na’am bii gɔmɛt wa’ana ti la maalɛ yelese’a woo n daani nɛresaaleba la. a Yezu yuun dekɛ la yuuma atã la girigo pa’alɛ nɛreba yelesoma la.—Matu 9:35.
2. Beni n sɔi ti Yezu yuun tum yelekirisi?
Baabule la pa’alɛ la “tuunkãra la nyalema tuuma la yelekirisi ti Naayinɛ doose [Yezu] poan tum.” (Tooma 2:22) Yezu yuun dekɛ pansɛka ti Naayinɛ bo en la gu yeledi’ima, diise nɛreba tusa, tibɛ bã’adoma ge me isige nɛreba kum poan. (Matu 8:23-27; 14:15-21; Mark 6:56; Luke 7:11-17) Yezu yelekirisi tuuma yuun sirum pa’alɛ ti Naayinɛ n tum en na. La me kelum pa’alɛ ti Yehowa tari paŋa n wan maalɛ to yeledaaŋɔ la za’a.
3. To wan ta’an zamesɛ la bem Yezu vom poan?
Yezu yuun nani Yehowa mɛ bɔŋa woo poan. (Kaalɛ Yon 8:29.) La giisegɔ la woo la, Yezu yuun kelum dekɛ la sakerɛ tum a Sɔ n yele en ti a tum yelese’a la za’a ta paɛ kum. A yuun eŋɛ pa’alɛ ti nɛresaaleba ta’an pu’usa Naayinɛ hali bɔŋa la san puɣum kpe’em bo ba. Yezu yuun eŋɛ la “makesonɛ bo [to] ti [to] dɔla a nataka la soŋa soŋa.”—1 Peter 2:21.
VIISƐ PA’ASƐ
Geele bisɛ Yezu n yuun mɔɔli yelesoma la ge tuna yelekirisi se’em.
4. Yezu yuun mɔɔlɛ la yelesoma la bo nɛreba
Yezu yuun keni la miila zo’e zo’e mɔɔla yelesoma la bɔ’ɔra nɛreba zo’e zo’e. Kaalɛ Luke 8:1 ge nyaa sɔsɛ sokere ana wa:
-
Yezu yuun ni tɔɣera bɔ’ɔra la nɛresɛba n laɣesɛ taaba ti ba kelese en la ma’a?
-
Yezu yuun ni eŋɛ ania la wani ti a nyɛ nɛreba tɔɣɛ bo ba?
Naayinɛ yuun pu’ulumbiŋe ti Messiah la wan mɔɔlɛ yelesoma la. Kaalɛ Isaiah 61:1, 2 ge nyaa sɔsɛ sokere ana wa:
-
Yezu yuun tum ti la doose pu’ulumbiŋa wa la wani?
-
Hon ti’isɛ ti zina beere wa nɛreba nari ti ba wum yelesoma la?
5. Yezu yuun pa’alɛ la yelemɛŋɛrɛ yɛla
Yezu yuun mɔɔlɛ la Naayinɛ Na’am la yelesoma la ge kelum pa’alɛ tɔ to wan tara yɛm tuna tuuma se’em. Geele yɛla fii wa a Zoore Zuo Yetɔɣum la poan. Kaalɛ Matu 6:14, 34 la 7:12 ge nyaa sɔsɛ sokere ana wa:
-
Kaalegɔ ana wa poan Yezu yuun pa’alɛ to yɛm la wani ti to wan ta’an dekɛ tum tuuma?
-
Hon ti’isɛ ti a ka’aŋɔ wa wan ta’an kelum soŋɛ tɔ?
6. Yezu yuun tum la yelekirisi
Yehowa n yuun bo Yezu paŋa ti a tum yelekirisi zo’e zo’e. Ho san bɔta ti ho nyɛ deyima, kaalɛ Mark 5:25-34 bii ŋmɛ VIDIYO la ge nyaa sɔsɛ sokere ana wa:
-
Vidiyo la poan la, pɔka la n yuun bɛ̃’ɛri la yuun tari la bem sakerɛ?
-
Beni n ba’ɛ kɛ̃ hon suure la yelekiriga wa?
Kaalɛ Yon 5:36 ge nyaa sɔsɛ sokere wa:
-
Yezu yelekirisi la “di sɛɛra“ bii paʼalɛ ti a dela ani?
Hon mi?
Yezu yɛla zo’e zo’e ti to mina boi la Baabule gɔnɔ tonaasi la poan ti ba yi’ira ti Yelesoma la—Matu, Mark, Luke la Yon. Gɔngulesa woo gulesɛ Yezu yele la to’ore to’ore. Ba yɛla la laɣum naɛ taaba mɛ pa’alɛ a vom n yuun ani se’em.
-
MATU
n yuun gulesɛ a Yelesoma Gɔŋɔ la yia. Ku tɔɣeri la Yezu pa’alegɔ, yele yele wuu Yezu n yuun pa’alɛ Naayinɛ Na’am la yele se’em la.
-
MARK
Yelesoma Gɔŋɔ la n ka zo’e ba woo poan. Ku pa’alɛ la yɛla n yuun tum se’em kalam kalam.
-
LUKE
gɔŋɔ la pa’alɛ la zusega yele la Yezu n yuun iti pɔɣesi se’em.
-
YON
gɔŋɔ la pa’alɛ la Yezu n ani se’em zo’e doose la eŋa n gulesɛ Yezu n yuun sɔsɛ la a zɔdoma la nɛreba se’em.
NƐREBA BASƐBA YETI: “Yezu yuun yeen dɛna la nɛresonkɔ, za’a n bala.”
-
Hon puti’irɛ dela deni?
YELEKPINE
Yezu yuun mɔɔli la Naayinɛ Na’am la yɛla, tuna yelekirisi ge nana Yehowa sɛla woo poan.
Tiisegɔ Sokere
-
Yezu yuun tum la bem wana mɔpi tingɔŋɔ wa zuo?
-
Yezu yelekirisi tuuma la niɛ la bem pa’alɛ?
-
Yezu yuun pa’alɛ to la bem yɛm ti to wan tara tuna tuuma?
Ɛ BISƐ
Yezu yuun tɔɣɛ la bem yele gana za’a?
“Naayinɛ Na’am La Yele Pakɛ Yezu Mɛ” (The Watchtower, October 1, 2014)
Geele bisɛ sɛla n sɔi ti to wan ta’an sakɛ ti Yezu yuun tum yelekirisi mɛ.
“Hon Wan Ta’an Zamesɛ La Bem Yezu Yelekirisi La Poan?” (The Watchtower, July 15, 2004)
Kaalɛ baŋɛ Yezu n yuun kuuri amea tuna se’em la, n kɛ̃ nɛra ayima suure se’em.
“Mam Yuun Ti’iseri La N Mea Ma’a Yele” (The Watchtower, October 1, 2014)
Bisɛ Yezu Na’am mɔɔlegɔ tuuma ti ba tigese a biŋe se’em.
a Zaseŋɔ 31-33 wan pa’alɛ Naayinɛ Na’am la yɛla nima nima.
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
