LIÇÃO 16

Jesus ne hyn han ja, ti tỹ Ga kri tĩg nĩ kã?

TI VEN NĨ

Ũn e ag vỹ Jesus to jykrén kỹ, ag mỹ, Jesus vỹ tỹ ũn sĩ nĩ, ũn tỹ Topẽ vĩ tó ja nĩ, ke tũg nĩn kỹ ũn tỹ ter ja nĩ. Hã ra, ẽg tỹ ti tỹ Ga kri tĩg nĩ kã kãme ti tugnỹgnỹm kỹ, ẽg tỹ ti to kanhrãnrãn kãfór tĩ. Lição tag ki, ẽg tỹ kanhrãnrãn ke vã, Jesus vỹ nén ũ há ag hyn han ja ag to, kar tag hã ren kỹ ẽg ajũna ke tĩ ti.

1. Vẽnh rãnhrãj tỹ ne Jesus mỹ há kãfór nĩ vã?

Jesus mỹ, vẽnh rãnhrãj há kãfór vỹ tỹ ti tỹ “ag mỹ Topẽ vĩ tónh ke mũ gé”. (Lucas 4:43 le kem nĩ.) Jesus vỹ Topẽ vĩ sér to kãmén tĩ vã, Topẽ Pãꞌi to. Topẽ Pãꞌi vỹ nén ũ vẽnh mỹ kar tỹ tũꞌ kenh ke mũ. a (Ha vé vẽnh rá sĩ ti.) Prỹg tẽgtũ kri kysẽ tỹ seis kãmĩ, Jesus vỹ vãsãn tãvĩ nĩ vã, ti tỹ ũn ag mỹ vẽnh vĩ há to kãmén jé. — Mateus 9:35.

2. Jesus ne tugnĩn milagre ag hyn han ja?

Topẽ Vĩ Rá vỹ ẽg mỹ ke tĩ: “Topẽ tóg ti mỹ tó ja nĩ, ti tỹ milagre ẽn hyn han jé”. (Han kãme 2:22) Jesus vỹ Topẽ kuprĩg tỹ, kãka tar tãvĩ krỹg ké, ũn e ag mỹ vãjãn vin mũ , ũn kutu, ũn kyvó kar ũn kaga ag hághá ké, kar ũn kãgter ja ag rĩnrĩr tỹ tĩ. (Mateus 8:23-27; 14:15-21; Marcos 6:56; Lucas 7:11-17) Jesus vỹ milagre ag hyn han ja, ti tỹ vẽnh kar mỹ ven jé, Topẽ tóg ti jẽnẽg mũ. Kar milagre ag vỹ ẽg mỹ ven tĩ gé, Jeová hã vỹ ẽg nén ũ vẽnh mỹ kar tỹ tũꞌ kenh ke mũ.

3. Ẽg ne kanhrãnrãn tĩ, Jesus kãme to?

Jesus vỹ Jeová jãmãg nĩgtĩ vã. (João 8:29 le kem nĩ.) Jérĩn mỹ ti tỹ nén ũ vẽnh mỹ kato tẽ ja ra, ti tỹ ge han tĩ vã. Ti tỹ ẽg mỹ ven tĩ, jérĩn mỹ ẽg tỹ nén ũ vẽnh mỹ kato tẽgtẽ kỹ, ẽg tỹ Topẽ mỹ rãnhrãj hã ki mũnh ke mũ. Kỹ “ẽg tỹ kejẽn ti ri kén jagtar nỹtĩnh ken kỹ”. — 1 Pedro 2:21.

VEÑH KANHRÃN KÃFÓR NĨ

Ha vé Jesus hã ren kỹ ũn ag mỹ Topẽ vĩ to kãmén ja ti, kar ti tỹ milagre ag hyn han ja ti.

4. Jesus vỹ Topẽ vĩ sér to kãmén tĩ vã

Jesus vỹ kuvar gy tãvĩ ra tĩg tĩ vã, ti tỹ vẽnh kar mỹ Topẽ vĩ sér to kãmén jé. Lucas 8:1 le kem nĩ. Kar jagnẽ mré vãmén nĩ, nén ũ tag ag to:

Jesus mỹ ũn tỹ ti kakó nĩ ag tãvĩn mỹ Topẽ to kãmén tĩ vã hẽn?
Jesus hã ren kỹ vãsãn tĩ vã, ti tỹ ũn ag mỹ Topẽ vĩ to kãmén jé?

Topẽ vỹ tó ja, Messias vỹ Topẽ vĩ sér to kãmén ke mũ to. Isaías 61:1, 2 le kem nĩ. Kar jagnẽ mré vãmén nĩ, nén ũ tag ag to:

Jesus hã ren kỹ vẽnh rá tag han kãn ké?
Ã hã mỹ, vẽnh vĩ há tag mỹ ũn ag mỹ há nỹtĩ hãn?

5. Jesus vỹ ũn ag kanhrãnrãn tĩ vã, Topẽ vĩ pẽ ag to

Jesus vỹ ũn ag mỹ Topẽ vĩ sér to kãmén tĩ vã, Topẽ Pãꞌi to. Ti tóg ag jyvẽn há han mũ gé. Ha vé Jesus vỹ vẽnh jyvẽn ag tó ja ti, vẽnh vĩ há tỹ Sermão do Monte ki. Mateus 6:14, 34 kar 7:12 le kem nĩ. Kar jagnẽ mré vãmén nĩ, nén ũ tag ag to:

Vẽnh rá tag ag ki, Jesus tỹ vẽnh jyvẽn há ag tỹ ne tó ja?
Ã hã mỹ, vẽnh jyvẽn há tag ag mỹ ẽg ajũna ke tĩ hãn?

6. Jesus vỹ milagre ag hyn han mũ

Jeová tỹ ti kuprĩg nĩm ja, Jesus tỹ milagre ag hyn han jé. Marcos 5:25-34 le kem nĩ ke tũg nĩn kỹ ha vé VÍDEO ti. Kar jagnẽ mré vãmén nĩ, nén ũ tag ag to:

VÍDEO: Jesus vỹ ũn tỹtá kaga fi tỹ háꞌ ké (5:10)

Ũn tỹtá fi vỹ kaga gy nĩ vã. Ge ra fi ne ãkrén tĩ vã?
Fi kãme ki, ã ne to há kãfór nĩ?

João 5:36 le kem nĩ. Kar jagnẽ mré vãmén nĩ, tag to:

Jesus milagre ag ne ẽg mỹ vinven tĩ?

Ã mỹ ki kanhrãn nĩ?

Ẽg tỹ vẽnh rá ag tỹ Mateus, Marcos, Lucas kar João le ken kỹ, ẽg tỹ Jesus to kanhrãnrãn kãfór tĩ. Ag jyjy ũ vỹ tỹ Evangelho ag nỹtĩ. Ag tỹ ũ sĩ ki Jesus ti to vẽnh rá ja nĩ. Ẽg tỹ vẽnh rá ag tugnỹgnỹm kỹ, ẽg tỹ Jesus vỹ Ga kri tĩg ẽn kã kãme ti ki kanhrãn kãfór tĩ.

MATEUS

Ti vỹ tỹ Evangelho ve rán kỹ nĩ. Ti ki, ẽg tỹ vigvég tĩ, Jesus vỹ vẽnh vĩ tugtó ja, Topẽ Pãꞌĩ to.
MARCOS

Vẽnh rá sĩ ti nĩ. Ti vỹ ẽg mỹ Jesus tỹ nén hyn han ja ag vinven tĩ.
LUCAS

Ti vỹ ẽg mỹ kãmén tĩ, Jesus vỹ Topẽ mré vĩ nĩgtĩ vã, tag vỹ ti mỹ há nĩ vã, kar Jesus hã ren kỹ ũn tỹtá fag ki rĩr mũ ti.
JOÃO

Ti vỹ ẽg mỹ ven tĩ, Jesus kar ti mré ke ag mré vĩ nĩgtĩ vã, kar Jesus vỹ ũꞌũ ag mré vĩ tĩ vã gé. Tag vỹ ẽg ajũna ke tĩ, ẽg tỹ Jesus jykre há to kanhrãnrãn kãfór jé.