16-ساباق
جەردە بولعاندا يسا پايعامبار نە ىستەدى؟
يسا دەسە كەيبىرەۋلەردىڭ ويىنا قورعانسىز، ٵلسىز نارەستە، تاعى بىرەۋلەرىنە عۇلاما پايعامبار نە قينالىپ ولگەن ادام كەلەدى. ٴبىراق ٴبىز ونىڭ جەردەگى ٶمىرىن قاراستىرۋ بارىسىندا، ول تۋرالى كوپ مالىمەت بىلە الامىز. وسى ساباقتا يسا پايعامباردىڭ قانداي اسا ماڭىزدى ىستەرمەن اينالىسقانىن ٵرى ولاردىڭ بىزگە قانداي پايداسى بار ەكەنىن تالقىلايمىز.
1. يسا پايعامباردىڭ نەگىزگى ٸسى نە بولدى؟
يسانىڭ نەگىزگى ٸسى «قۇداي پاتشالىعى تۋرالى ىزگى حاباردى جاريالاۋ ەدى» (لۇقا 4:43 وقىڭىز). ول ۋاعىزداعاندا، قۇداي ٴبىر پاتشالىقتى، ياعني ۇكىمەتتى ورناتادى دەگەن جاقسى حابار ايتىپ ٴجۇردى. سول ۇكىمەت قانا بۇكىل ادامزاتتىڭ قيىندىعىن شەشەدى a. يسا جانعا شۋاق بەرەتىن وسى حاباردى تالماي ٷش جارىم جىل بويى ايتتى (ماتاي 9:35).
2. يسانىڭ جاساعان كەرەمەتتەرىنىڭ ماقساتى قانداي ەدى؟
كيەلى كىتاپتا «قۇداي يسا ارقىلى قۇدىرەتتى ىستەر، كەرەمەتتەر مەن بەلگىلەر كورسەتكەنى» جازىلعان (ەلشىلەردىڭ ىستەرى 2:22). قۇدايدىڭ قۇدىرەتىمەن يسا تابيعات كۇشتەرىن باسقارا العان، مىڭداعان ادامدى تاماقتاندىرعان، اۋرۋلاردى ساۋىقتىرعان، ٴتىپتى ولگەن ادامدارعا قايتادان ٶمىر سيلاعان (ماتاي 8:23—27؛ 14:15—21؛ مارقا 6:56؛ لۇقا 7:11—17). يسا جاساعان كەرەمەتتەر ونى قۇداي جىبەرگەنىنىڭ دالەلى بولدى. سونداي-اق بۇل كەرەمەتتەر ٴبىزدىڭ بارلىق قيىندىقتارىمىزدى شەشۋگە قۇدايدىڭ قۇدىرەتى جەتەتىنىن كورسەتتى.
3. يسا پايعامباردىڭ ومىرىنەن نە ۇيرەنەمىز؟
يسا قانداي جاعداي بولماسىن، ەحوبانى تىڭداعان (جوحان 8:29 وقىڭىز). باسقالار قارسىلىق كورسەتسە دە، يسا ولگەنگە دەيىن اكەسىنىڭ ايتقانىن بۇلجىتپاي ىستەدى. وسىلايشا ول ادام ٴتىپتى قيىن جاعدايدا دا قۇدايعا ادال قىزمەت ەتە الاتىنىن دالەلدەدى. ٴيا، ول بىزگە «ونىڭ ىزىمەن تۋرا ٴجۇرۋ ٷشىن ۇلگى قالدىردى» (پەتىردىڭ 1-حاتى 2:21).
تەرەڭىرەك ٷڭىلىڭىز
يسا پايعامبار ىزگى حاباردى قالاي ۋاعىزداعانىن جانە قانداي كەرەمەتتەر جاساعانىن قاراستىرىپ كورەيىك.
4. يسا ىزگى حاباردى ايتتى
يسا مۇمكىندىگىنشە كوپ ادامعا ىزگى حاباردى ايتۋ ٷشىن، شاڭدى جەرلەرمەن جۇزدەگەن شاقىرىم جول جۇرەتىن. لۇقا 8:1 وقىپ، مىنا سۇراقتاردى تالقىلاڭىزدار:
-
يسا ٶزىن تىڭداۋعا كەلگەن جۇرتقا عانا ۋاعىزداعان با؟
-
يسا ادامداردى تابۋ ٷشىن نە ىستەگەن؟
يسا ىزگى حاباردى جاريالايتىنىن قۇداي الدىن الا ايتىپ كەتكەن. يشايا 61:1، 2 وقىپ، كەلەسى سۇراقتاردى تالقىلاڭىزدار:
-
يسا وسى پايعامبارلىقتى قالاي ورىندادى؟
-
بۇگىندە وسى ىزگى حابار ادامدارعا كەرەك دەپ ويلايسىز با؟
5. يسا قانداي تالىمدەر بەردى؟
يسا قۇداي پاتشالىعى تۋرالى ىزگى حاباردى ۋاعىزداۋمەن قاتار، ادامدارعا پايداسى تيەتىن اقىل-كەڭەستەر دە بەردى. مىسالى، ونىڭ تاۋداعى ۋاعىزىندا ايتقان بىرنەشە كەڭەسىن قاراستىرىپ كورەيىك. ماتاي 6:14، 34 جانە 7:12 وقىپ، مىنا سۇراقتاردى تالقىلاڭىزدار:
-
وسى تارماقتاردا يسا قانداي پايدالى كەڭەستەر بەردى؟
-
قالاي ويلايسىز، بۇگىندە دە بۇل كەڭەستەردىڭ پايداسى بار ما؟
6. يسا كەرەمەتتەر جاسادى
ەحوبا يساعا كوپتەگەن كەرەمەت جاسايتىن قۇدىرەت بەردى. سونداي كەرەمەتتىڭ بىرەۋىن مارقا 5:25—34 وقىڭىزدار نەمەسە بەينەروليكتى كورىڭىزدەر. سوسىن تومەندەگى سۇراقتاردى تالقىلاڭىزدار:
-
بەينەروليكتەگى ناۋقاس ايەل نە نارسەگە سەنىمدى بولدى؟
-
بۇل كەرەمەت سىزگە نەسىمەن اسەرلى بولدى؟
جوحان 5:36 وقىپ، مىنا سۇراقتى تالقىلاڭىزدار:
-
يسانىڭ كەرەمەتتەرى ول تۋرالى نەنى كۋالىك ەتتى نەمەسە دالەلدەدى؟
بىلە ٴجۇرىڭىز
يسا جايىندا بىلەتىنىمىزدىڭ كوبى ٸنجىل دەگەن كىتاپتا جازىلعان. وعان ماتاي، مارقا، لۇقا جانە جوحان دەگەن كىتاپتار كىرەدى. ٴتورت جازۋشىنىڭ ٵرقايسىسى يسا تۋرالى كەيبىر ايرىقشا مالىمەتتەر قوسقان. وسى كىتاپتىڭ تورتەۋىن دە وقىپ شىققان كەزدە، يسانىڭ كوڭىلدى باۋراپ الاتىن تۇتاس ٶمىرى شىعا كەلەدى.
-
ماتاي
ٶز كىتابىن ٴبىرىنشى بولىپ جازدى. ول يسانىڭ تالىمدەرىنە، اسىرەسە قۇداي پاتشالىعى جايلى ۇيرەتكەندەرىنە كوپ ٴمان بەرگەن.
-
مارقا
جازعان كىتاپ ەڭ قىسقاسى. ونداعى قىزىقتى وقيعالار تەز-تەز باياندالعان.
-
لۇقا
يسا ٷشىن دۇعانىڭ قانشالىقتى ماڭىزدى بولعانىنا جانە ايەلدەرگە مەيىرىممەن قاراعانىنا كوڭىل اۋدارعان.
-
جوحان
يسانىڭ مىنەزىنە كوبىرەك نازار اۋدارعان. ول يسانىڭ جاقىن دوستارىمەن جانە باسقالارمەن ايتقان اڭگىمەسى جايىندا كوپ جازعان.
كەيبىرەۋلەردىڭ ايتاتىنى: «يسا باسقا پايعامبارلاردان ەرەكشە ەمەس».
-
ٴسىز نە ويلايسىز؟
تۇيىندەمە
يسا پايعامبار قۇداي پاتشالىعى جايلى ۋاعىزداعان، كەرەمەتتەر جاساعان جانە قانداي جاعداي بولسا دا، ەحوبانى تىڭداعان.
قايتالاۋ
-
يسا جەردە قانداي ٸس اتقاردى؟
-
يسانىڭ جاساعان كەرەمەتتەرى نەنىڭ دالەلى بولدى؟
-
يسا قانداي پايدالى كەڭەستەر ايتقان؟
قوسىمشا ىزدەنىڭىز
يسا كوبىنەسە نە جايىندا ايتقان؟
«قۇداي پاتشالىعى يسا ٷشىن ماڭىزدى بولعان» («كۇزەت مۇناراسى» (حانزۇشا)، 1-قازان، 2014)
يسانىڭ كەرەمەتتەر جاساعانىنا نەلىكتەن سەنۋگە بولاتىنىن كورىڭىز.
«يسانىڭ كەرەمەتتەرى نە تۋرالى ايتادى؟» («كۇزەت مۇناراسى» (حانزۇشا)، 1-تامىز، 2004)
يسانىڭ جانقيارلىعى ٴبىر كىسىگە قالاي اسەر ەتكەنىن وقىپ كورىڭىز.
«قارا باسىمدى ويلاپ ٶمىر ٴسۇردىم» («كۇزەت مۇناراسى» (حانزۇشا)، 1-قازان، 2014)
يسانىڭ ومىرىندەگى باستى وقيعالار حرونولوگيالىق تارتىپپەن بەرىلگەن كەستەنى قاراڭىز.
a قۇداي پاتشالىعى تۋرالى 31—33-ساباقتاردا تالقىلانادى.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
