Imarisai

Imarisai

Iserfissaq (opens new window)
JW.ORG-imi ujarlerit

ILINNIAGASSAQ 16

Jiisusi nunarsuarmiin­nermini suleriva?

Jiisusi nunarsuarmiin­nermini suleriva?

Inup­pas­suit Jiisusi eqqarsaatigigaangamikku naalungiarsuk, pruf­fiiti silatooq imaluun­niit angut toqulersoq takorloor­tar­paat. Jiisusili pil­lugu paasisaqar­nerusin­naavugut? Jiisusip nunarsuarmiin­nermini iliuusiisa pingaar­ner­paar­taasa ilaat tamak­kulu ilin­nut qanoq sun­niuteqar­nersut ilin­niagas­sami matumani misis­sus­savagut.

1. Jiisusip pingaarnertut suna suliaraa?

Jiisusip pingaar­ner­tut suliaa tas­saavoq ‘Guutip kunngeqarfia pillugu nutaarsiassanik nuannersunik oqaluussissutiginninneq’. (Luk­karsi 4:43 atuarsiuk). Guutip kun­ngeqarfik naalak­kersuisulik inuit ajor­nar­torsiutaan­nik aaq­qiisus­saq pilersik­kumaaraa Jiisusip oqaluus­sis­sutigaa. a Tusarlius­saq nuan­nersoq taanna Jiisusip ukiuni pingasuni affarmilu qasusuil­luni inun­nut oqalut­tuarisar­paa. – Matiusi 9:35.

2. Sooq Jiisusi tupinnartuliortarpa?

Biibilimi allas­simavoq ‘Guutip Jiisusi tupinnartuliortittaraa’. (Apustilit Suliaat 2:22) Taamaat­tumik Jiisusip sila aqus­sin­naasimavaa, inup­pas­suit nerisis­sin­naasimavai, nap­parsimasut ajorun­naarsis­sin­naasimavai allaallu toqusimasut inuulerseq­qis­sin­naasimal­lugit. (Matiusi 8:23-27; 14:15-21; Mak­korsi 6:56; Luk­karsi 7:11-17) Jiisusip tupin­nar­tuliorsin­naaneranit erser­poq Guutimit aal­lar­titaanera. Aamma Jehovap ajor­nar­torsiutitsin­nik sunil­luun­niit aaq­qiisin­naanera upper­narsineqar­poq.

3. Jiisusip inuunera qanoq ilinniarfigisinnaavarput?

Jiisusip Jehova sutigut tamatigut naalat­tar­paa. (Johan­nesi 8:29 atuarsiuk). Nunarsuarmi inuunini naal­lugu Jiisusi akerlilersor­neqaraluaraangamiluun­niit Ataataminit peq­quneqar­nermisut tamatigut ilior­tar­poq. Taamaalil­luni upper­narsar­paa inuit ajor­nar­torsioraluarlutik Guutimut aalajaas­sin­naasut. Aap, Jiisusip ‘tumiminik atuaaqqissaaqqulluta maligassippaatigut’. – Petrusimit 1. 2:21.

ITISILIINEQ

Jiisusip nutaarsias­sanik nuan­nersunik oqaluus­sisimanera tupin­nar­tuliorsimaneralu pil­lugit paasiniaagit.

4. Jiisusip nutaarsiassat nuannersut oqaluussissutigai

Inuit sapin­ngisamik amerlaner­paat nuan­nersumik tusarlerumal­lugit Jiisusip kilometerit hundredilip­pas­suit pisus­simavai. Lukkarsi 8:1 atuarsiuk apeq­qutillu uku eqqar­torlugit:

  • Jiisusip imminut ornigut­tut kisiisa oqaluus­sif­figisimavai?

  • Inuit oqaluus­sif­figiumal­lugit Jiisusi qanoq ilior­tarsimava?

Mis­siarsip nuan­nersunik tusarliisar­nis­saa Guutip siulit­tuutigisimavaa. Esaja 61:1, 2 atuarsigit apeq­qutillu uku eqqar­torlugit:

  • Siulit­tuut taanna Jiisusimut qanoq eqquuppa?

  • Nalitsinni inuit nuan­nersunik tusarler­neqar­nis­sar­tik pisariaqar­tip­paat? Qanoq isumaqar­pit?

5. Jiisusip ilinniartitsissutai iluaqutaapput

Guutip kun­ngeqarfia pil­lugu nutaarsias­sat nuan­nersut oqaluus­sis­sutigiin­nar­nagit Jiisusi aamma iluaqutaasunik siun­nersuisar­poq. Ilin­niar­titsis­sutigisaasa ilisimaneqarluar­tut ilaat misis­soriar­tigit. Matiusi 6:14, 34 aamma 7:12 atuarsigit apeq­qutillu uku eqqar­torlugit:

  • Versini taak­kunani Jiisusi qanoq siun­nersuiva?

  • Isumaqar­pit siun­nersuutai aamma nalitsinni iluaqutaasin­naasut?

6. Jiisusi tupinnartulior­tarsimavoq

Jehovap Jiisusi sor­pas­suar­nik tupin­nar­tuliorsin­naatip­paa. Taak­kua ilaat sam­meriar­tigu. Makkorsi 5:25-34 atuarsigit, imaluun­niit VIDEO takusiuk, apeq­qutillu tul­liut­tut eqqar­torlugit.

VIDEO: Arnaq nappaatilik ajorunnaarsinneqarpoq (5:10)

  • Arnap suna upperaa?

  • Oqalut­tuami suna kil­litsis­sutigaajuk?

Johannesi 5:36 atuarsiuk apeq­qullu una eqqar­torlugu:

  • Jiisusip tupin­nar­tuliai sumut ‘upper­narsaataap­pat’?

Nalunngiliuk?

Jiisusi pil­lugu ilisimasatta amerlanersaat Biibilimi allak­kani sisamani iivangkiiliunik taaneqar­tar­tuni – Matiusip, Mak­korsip, Luk­karsip Johan­nesillu allataanni – atuar­neqarsin­naap­put. Allat­tut taakku tamarmik immik­kut Jiisusi pil­lugu assigiin­ngitsunik ilan­ngus­saqarsimap­put. Taamaat­tumik taakku atuarutsigit Jiisusi ilisarisimal­lualersin­naavar­put.

  • MATIUSI

    Matiusi siul­liul­luni iivangkiiliumik allap­poq. Tas­sani Jiisusip ilin­niar­titsis­sutai Guutillu kun­ngeqarfia pil­lugu oqaasii amerlasuut pingaar­ner­tut sam­mineqar­put.

  • MAKKORSI

    Mak­korsimit allak­kat iivangkiiliuni naan­ner­paavoq. Pisimasut pis­sanganar­tut amerlasuut tas­sani atuar­neqarsin­naap­put.

  • LUKKARSI

    Luk­karsimit allak­kani Jiisusip qinunermik pingaar­titsinera arnanillu qanoq pin­nit­tar­nera pingaar­ner­tut sam­mineqar­put.

  • JOHANNESI

    Johan­nesimit allak­kani Jiisusip ikin­ngutiminik allanillu oqaloqateqar­tar­ner­pas­sui allaatigineqarmata Jiisusip inut­tut qanoq ittuunera ersersin­neqar­poq.

OQARTOQARTARPOQ: “Jiisusi inuin­naavoq ajun­ngitsulior­tarsimasoq.”

  • Illit qanoq isumaqar­pit?

EQIKKAANEQ

Jiisusi tupin­nar­tulior­tar­poq, Guutip kun­ngeqarfia pil­lugu oqaluus­sisar­poq Jehovamullu sutigut tamatigut naalat­tarluni.

Uteqqiineq

  • Jiisusip nunarsuarmiin­nermini pingaar­ner­tut suna suliaraa?

  • Jiisusip tupin­nar­tuliai sumut upper­narsaataap­pat?

  • Jiisusi iluaqutaasunik qanoq siun­nersuisimava?

Iliuuserisassatit

NAMMINEQ MISISSUGASSATIT

Jiisusip suna pingaar­ner­tut oqaluus­sis­sutigaa?

“Guutip naalagaaffia – Sooq Jiisusimut pingaaruteqartoq” (Napasuliaq Alapernaarsuiffik, novembarip aallaqqaataat 2014)

Jiisusip ilumut tupin­nar­tulior­tarsimanera sooq upperisin­naagip­put misis­soruk.

“Jiisusip tupinnartuliai – Qanoq ilinniarfigisinnaavigit?” (Napasuliaq Alapernaarsuiffik-mi allaaserisaq)

Jiisusip inun­nik asan­ningaar­nera angum­mut qanoq sun­niuteqarsimasoq paasiniaruk.

“Imminuinnaq eqqarsaatigalunga inuuvunga” (Napasuliaq Alapernaarsuiffik, novembarip aallaqqaataat2014)

Jiisusip nunarsuarmiin­nerani pisimasut pingaar­nerit tul­leriiaar­nerat misis­suk­kit.

“Jiisusip nunarsuarmiinnerani pisimasut pingaarnerit” (Guutip oqaasianik misissueqqissaarut, immik­koor­toq 4)

a Ilin­niagas­sani 31-33 Guutip kun­ngeqarfia sukumiinerusumik sam­mineqar­poq.

Soqutigisinnaasatit allat

APEQQUTIGINEQARTARTUT

Jehovap Nalunaajaasuisa Biibilimik pikkorissartitsinerat suugami?

Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.

NAASSAANNGITSUMIK PILLUARSINNAAVUTIT! – BIIBILIMIK PIKKORISSARNEQ

Jiisusi nunarsuarmiin­nermini suleriva?

Kalaallisut
Jiisusi nunarsuarmiin­nermini suleriva?
https://cms-imgp.jw-cdn.org/img/p/1102021216/univ/art/1102021216_univ_sqr_xl.jpg
lff ilinniagassaq 16
AAJUK
Jiisusi nunarsuarmiin­nermini suleriva?
Atuagassanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq
Immiussanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq