ДӘРСА 16
Иса Чахе сәр Әʹрде бу, Чь Дькьр?
Һьнә мәрьв Иса дьдьнә бәр чʹәʹве хԝә ча зарʹа бьчʹук у бетʹаԛәт, һьнәк жи ԝи дьдьнә бәр чʹәʹве хԝә ча пʹехәмбәрәки билан, һьнәк жи ԝи дьдьнә бәр чʹәʹве хԝә ча мәрьве кӧ бәр мьрьне йә. Һәрге дәрһәԛа жийина Исайә сәр әʹрде леколин кьн, әме дәрһәԛа ԝи һе зедә пебьһʹәсьн. Ве дәрседа әме һьнә тьштед лапи фәрз шеԝьр кьн, кʹижан кӧ Иса дькьр, у ӧса жи ча әԝ тьшт дькарьн али тә бькьн.
1. Шьхӧле Исайи лапи сәрәкә чь бу?
Шьхӧле Исайи сәрәкә әԝ бу, ԝәки «Мьзгинийа Пʹадшатийа Хԝәде» бәла кә (Бьхунә Луԛа 4:43.) Әԝи дәрһәԛа Пʹадшатийа Хԝәде мьзгини бәла дькьр, кʹижан ԝе һʹәму проблемед инсанәте сафи кә. a Иса бь хирәт се сал у нив әв мьзгини бәла дькьр (Мәтта 9:35).
2. Нета кʹәрәмәтед Иса чь бу?
Кʹьтеба Пирозда те готьне кӧ «Хԝәде пе [Иса] . . . нишан, кʹәрәмәт у кьред ԛәԝат кьрьн» (Кʹаред Шандийа 2:22). Бь аликʹарийа ԛәԝата Хԝәде, Иса дькарьбу һәԝайе контрол кә, бь һʹәзара мәрьва тʹер кә, нәхԝәша ԛәнщ кә, у һәла һе жи мьрийа жь мьрьне рʹакә (Мәтта 8:23-27; 14:15-21; Марԛос 6:56; Луԛа 7:11-17). Кʹәрәмәтед кӧ Иса дькьр избат кьрьн, ԝәки Хԝәде әԝ шандьбу. Әԝан кʹәрәмәта ӧса жи избат кьрьн, кӧ ԛәԝата Йаһоԝа һәйә ԝәки һʹәму проблемед мә сафи кә.
3. Әм чь дькарьн һин бьн жь щурʹе жийина Иса?
Иса һʹәму дәрәщада гӧрʹа Йаһоԝа дькьр (Бьхунә Йуһʹәнна 8:29.) Әԝ нава пәйкʹәтьнада жи бь амьни һʹәта мьрьне гӧрʹа Баве хԝәда бу. Иса избат кьр кӧ мәрьв дькарә һәла һе нава чәтьнайада жи Хԝәдерʹа амьн бьминә. Ӧса әԝи «нәхшәк [мәрʹа] һишт, ԝәки . . . пʹегәһа ԝида һәрʹьн» (1 Пәтрус 2:21).
КʹУР ЛЕКОЛИН КӘ
Пебьһʹәсә кӧ Иса мьзгинийа хере чь щурʹәйи бәла дькьр у ча кʹәрәмәт дькьрьн.
4. Иса мьзгинийа хере бәла дькьр
Иса бь сәда километра рʹийа тʹозрʹа ньга дьчу, сәва кӧ чьԛас дькарә гәләк мәрьварʹа мьзгинийа хере бәла кә. Бьхунә Луԛа 8:1, у паше ван пьрса шеԝьр кә:
-
Гәло Иса мьзгини тʹәне ԝан мәрьварʹа бәла дькьр, йед кӧ дьһатьн гӧһ бьдьнә ԝи?
-
Иса чь дькьр ԝәки гәләк мәрьв дәрһәԛа рʹастийе пебьһʹәсьн?
Хԝәде пешда готьбу, ԝәки Мәсиһ ԝе мьзгинийа хере бәла кә. Бьхунә Ишайа 61:1, 2, у паше ван пьрса шеԝьр кә:
-
Иса ча әв пʹехәмбәрти ани сери?
-
Тӧ ча дьфькьри, иро мәрьв һʹәԝще мьзгинийа хере нә?
5. Иса дәрсед ԛимәт һин дькьр
Хенщи бәлакьрьна мьзгинийа хере дәрһәԛа Пʹадшатийа Хԝәде, Иса ӧса жи дәрсед керһати һин дькьр. Шеԝьр кьн һьнә мәсәлед Иса, кʹижан кӧ әԝи сәр чʹийе һин дькьр. Бьхунә Мәтта 6:14, 34 у 7:12, у паше ван пьрса шеԝьр кә:
-
Ԝан рʹезада Иса кʹижан ширәтед керһати да?
-
Тӧ ча дьфькьри, әԝ ширәт иро жи керһати нә?
6. Иса кʹәрәмәт дькьрьн
Йаһоԝа ԛәԝат дабу Иса ԝәки гәләк кʹәрәмәта бькә. Дәрһәԛа һьнә жь ԝан кʹәрәмәта, бьхунә Марԛос 5:25-34, йан жи вехә ВИДЕО. Паше ван пьрса шеԝьр кә:
-
Ве видеойеда кʹӧлфәта нәхԝәш чьда избат бу?
-
Әв кʹәрәмәт чьда тә хԝәш те?
Бьхунә Йуһʹәнна 5:36, у паше әве пьрсе шеԝьр кә:
-
Кʹәрәмәтед кӧ Иса дькьр, шәʹдәтийа чь дьдьн у дәрһәԛа ԝи чь әʹйан дькьн?
Ԝә заньбу?
Әм дәрһәԛа Иса һʹәчʹи зәʹф жь чар дәвтʹәред Кʹьтеба Пироз заньн, демәк Мәтта, Марԛос, Луԛа у Йуһʹәнна. Һәр ньвискʹарәки щурʹә-щурʹә тьшт дәрһәԛа Иса ньвисинә. Жь ԝан һʹәму ньвисара әм дәрһәԛа әʹмьре Иса педьһʹәсьн.
-
МӘТТА
жь ԝан чар кʹьтеба йа әʹԝльн ньвисийә. Ве кʹьтебеда дәрһәԛа һинкьрьнед Иса те готьне, илаһи чь кӧ әԝи дәрһәԛа Пʹадшатийа Хԝәде һин дькьр.
-
МАРԚОС
кʹьтебәкә дьһа кьн ньвисийә. Теда гәләк ԛәԝьмандьнед һʹәԝас ньвисар ьн.
-
ЛУԚА
ньвисийә кӧ дӧа бона Иса гәләк фәрз бу, у әԝ һьндава кʹӧлфәтада ча бу.
-
ЙУҺʹӘННА
дәрһәԛа Иса гәләк тьшт әʹйан дькә бь ве йәке, кӧ Иса тʹәви һәвалед хԝәйә незик чь хәбәр дьда.
ҺЬНӘ МӘРЬВ ДЬБЕЖЬН: «Иса тʹәне мәрьвәки баш бу.»
-
Ле тӧ ча дьфькьри?
ТʹӘМАМКЬРЬН
Иса дәрһәԛа Пʹадшатийа Хԝәде гьли дькьр, кʹәрәмәт дькьр, у һʹәму тьштида гӧрʹа Йаһоԝа дькьр.
Ԝәкʹьландьн
-
Чахе Иса сәр әʹрде бу, шьхӧле ԝийи сәрәкә чь бу?
-
Кʹәрәмәтед кӧ Иса дькьр, чь избат дькьн?
-
Иса чь дәрсед керһати һин дькьр?
ҺЕ ЗЕДӘ ПЕБЬҺʹӘСӘ
Иса һʹәчʹи зәʹф дәрһәԛа чь хәбәр дьда?
«Пʹадшатийа Хԝәде бона Иса Чь Те Һʹәсабе» («Бьрща Ԛәрәԝьлийе», 1 Щотмәһе, 2014)
Бьфькьрьн кӧ әм чьрʹа дькарьн баԝәр кьн, ԝәки кʹәрәмәтед Иса, бь рʹасти ԛәԝьминә.
«Гәло Жь Кʹәрәмәтед Иса Әм Чь Педьһʹәсьн?» («Бьрща Ԛәрәԝьлийе», 15 Тирмәһе, 2004)
Бьхуньн кӧ ча мәрьвәки әʹмьре хԝә гӧһаст, гава пеһʹәсийа кӧ Иса бона мәрьва чьԛас хәм дькьр.
«Мьн Тʹәне бона Хԝә Дьжит» («Бьрща Ԛәрәԝьлийе», 1 Щотмәһе, 2014)
Бь хроноложи бьньһерʹә шьхӧлед сәрәкә кӧ Иса дькьр.
«Ԛәԝьмандьнед Фәрз Әʹмьре Исада сәр Әʹрде» (Брошура «Рʹебәри Бона Һинбуна Кʹьтеба Пироз»)
a Дәрсед 31-33-да дәрһәԛа Пʹадшатийа Хԝәде һе һур бь һур те шьровәкьрьне.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
