TIMOKO 16

Ngano Yezu nti kasa bu kabâ ha mutoto?

WÂ MU

Bantu babingi babanzaka ti Yezu bebe yena, mbikuri ya ndwenga peleko muntu wuta fwa. Kâ, ngano tulendi tomo zaba misamu mitariri Yezu bu tukwe taluzuri luzingu lwandi ha mutoto? Mu timoko ti, mbo tutaluzula misamu miyôkele mfunu mia yirika Yezu, mpe bwe milendi ku bakisila.

1. Ngano Yezu ntia tisalu tia nguri keri salaka?

Tisalu tia nguri tia Yezu tieri ni mu ‘samuna nsangu za mbote za Timfumu tia Nzambi.’ (Tanga Like 4:43.) Yezu wasamuna nsangu za mbote zeri tâka ti Nzambi mbo kaketi zakasa Timfumu peleko guvernema yaketi yirika misamu miamiansoni mia bantu. a Yezu watomo sarila ngolo mu samuna nsangu zo za mbote mu mvula tatu na ndambu.—Matie 9:35.

2. Ngano bimangu bia Yezu nti biasongela?

Bibila mbo dizonzelaka “misamu mia nzitukulu, bimangu na bidimbu bia sa Nzambi mu nzila ya [Yezu].” (Bisalu 2:22, NWT) Mu ngolo za Nzambi Yezu walenda mu zabirila bitembo, wadikila mafunda ma bantu, wawasisa bambevo, mpe wavumbula bantu ba fwa. (Matie 8:23-27; 14:15-21; Marke 6:56; Like 7:11-17) Bimangu bia Yezu biatomo songela ti Nzambi wamutambika; biasongela mpe ti Yehova lenda die nandi dia yirika misamu mieto miamiansoni.

3. Nti tulendi longoka mu mbêlo ya Yezu?

Yezu watumamana Yehova mu misamu miamiansoni. (Tanga Za 8:29.) Yezu wayirika misamu miamiansoni mia mu lomba Tata’andi, wayirika mio bu keri ha mutoto, ni bu sa ti babingi bayêla mu mu kabakasa. Yezu wasongela ti muntu wulendi sarila Nzambi, ni bu sa ti misamu mia mpasi kata bwabana na mio. Buna Yezu watusisila “tifwani ngatu talanda ntambi zandi buna bu fwanane.”—1 Piere 2:21, NWT.

YIKA NDILU

Taluzula bwe Yezu kasamunina nsangu za mbote mpe bwe kasila bimangu.

4. Yezu wasamuna nsangu za mbote

Yezu wadiata bitini bia nkatika bia bila mu nzila za fuluka mu mfunda, mu kwe zonzele nsangu za mbote kwe bantu babansoni ba keri bwabanaka na bo. Tangeno Like 8:1, mpe zonzeleno biyuvu ebi:

Ngano Yezu kwe bantu kwa beri kutakanaka mu mu wâ keri samunaka?
Ngano Yezu ntia ngolo kasarila mu bwabana na bantu?

Nzambi watâ ti Masiya mbo kaketi samuna nsangu za mbote. Tangeno Izaya 61:1, 2, mpe zonzeleno biyuvu ebi:

Bwe Yezu kalungisila mbikululu yo?
Mu mabanza ma nge, ngano bantu nsatu ye nawu ya wâ nsangu zo bwawu bu?

5. Yezu walongesa matieleka ma ntalu

Yezu wasamuna nsangu za mbote za Timfumu tia Nzambi, kâ walongesa mpe ndongosolo zilendi bakisa bantu. Tataluzula bifwani bia mu tinzonzi tiandi tia nsangu tia ha mongo. Tangeno Matie 6:14, 34 na 7:12, mpe zonzeleno biyuvu ebi:

Ntia malongi malendi bakisa bantu Yezu kaheni mu verse zi?
Ngano malongi mango malendi bakisa bantu bwawu bu?

6. Yezu wasa bimangu

Yehova wahana Yezu lenda dia sa bimangu biabingi. Mu mona tifwani timosi, tangeno Marke 5:25-34 peleko taleno VIDEO. Ha manima, zonzeleno biyuvu bita landa.

VIDEO: Mukento we na timbevo wuwasiri (5:10)

Mu video, ntia lukwikulu lwabâ na mukento weri na timbevo?
Nti bita ku susumuna mu timangu tio?

Tangeno Za 5:36, mpe zonzeleno tiyuvu eti:

Ntia “timbangi” bimangu bia Yezu bitâka mu yandi peleko nti bisongelaka?

Ngano wa wazaba?

Misamu miamingi mi tuzebi mu Yezu mu mikanda miyà mi batâka nkumbu Evanzile mitûkaka—Matie, Marke, Like, na Za. Muna titsoniki tia Evanzile, misamu mia swaswana kazonzela mu Yezu. Misamu miango miamiansoni mbo mikwelanaka mu hana tifwani tia toma tia luzingu lwandi.

MATIE

ni wa ntete watsoneka Evanzile’andi. Ndongosolo za Yezu yizonzelaka, nsungula ndongosolo za Yezu zitariri Timfumu tia Nzambi.
MARKE

watsoneka Evanzile yiyôkele bukufi. Evanzile yo, misamu mia nzitukulu yizonzelaka.
LIKE

lusambulu katomo zonzelaka na mpila Yezu yi keri bongelaka bakento.
ZA

misamu mia zonzela Yezu na ndiku zandi za mutima, na bantu bakaka kazonzelaka. Mbo yitubakisaka mu zaba Yezu ntia mpila muntu yeri.