Kuaʼa nda ñayí, ta ka jani xini-ji sɨkɨ Jesús, ka jani ini-ji ja kuu-de ɨn suchí ñíkín, ɨn profeta axi ɨn teé ja ñati kúu̱. De ¿a nduu káʼán-ní ja nú skuaʼa vaʼa ka-yo na̱sa ni ndee-de nu̱u̱ Ñuʼun kuu kuni vaʼa ka yo-de? Nu̱u̱ lección yaʼa, kutuʼva-yo nda tiñu kánuu ja ni saʼa Jesús ji na̱sa yitaʼan ndɨʼɨ yaʼa jín maa-ní.

1. ¿Na tiñu kánuu ka ni saʼa Jesús?

Tiñu kánuu ka ja ni saʼa Jesús kuu “ja̱ nacani ni̱ tu̱ʼun va̱ʼa nu̱u̱ ndá ca̱ ñuu̱ si̱qui̱ na̱sa tátúni̱ Ya̱a̱ Dios” nu̱u̱ nda ñayí (kaʼvi-ní Lucas 4:43). Ni kaʼan-de tuʼun vaʼa ja Yandios kani̱-Ya ɨn reino axi ɨn gobierno ja ndasaʼa vaʼa ndɨʼɨ nda tundoʼo ja iyo nu̱u̱ ñuuyɨvɨ́. a Nu̱u̱ uni kuiya yosava, Jesús ni jatiñu-de ndɨʼɨ tiempo-de tágua kaʼan-de tuʼun vaʼa yaʼa (Mateo 9:35).

2. ¿Naguá ni steʼen nda milagro ja ni saʼa Jesús?

Biblia kachi ja “Ya̱a̱ Dios ni̱ je̱ʼe ya̱ poder ya̱ nu̱u̱ Jesús ja̱ ní nsa̱ʼá ya̱ ndá tiñu ñáʼnú [...] jíín tiñu ja̱ stéʼe̱n ja̱ íyó poder ya̱, jíín tiñu ja̱ sáʼvi ini̱” (Hechos 2:22). Ja sɨkɨ poder Yandios, Jesús ni saʼa ñaníí-de ɨn tachi xée̱n, ni jeʼe-de ja kaji kuaʼa mil ñayí, ni ndasaʼa vaʼa-de nda ñayí kúʼu̱ ji nde nasteku-de sava nda ñayí ni ji̱ʼi̱ (Mateo 8:23-27; 14:15-21; Marcos 6:56; Lucas 7:11-17). Nda milagro ja ni saʼa Jesús ni steʼen ka̱jí ja Yandios kuu ja ni tetiñu ja kiji-de nu̱u̱ Ñuʼun. Ji suni , ni steʼen ja Jeová nevaʼa-Ya poder tágua ndasaʼa vaʼa-Ya ndɨʼɨ nda tundoʼo ja nevaʼa-yo.

3. ¿Naguá steʼen nu̱u̱-yo sɨkɨ na̱sa ni ndee Jesús?

Jesús ni kandija-de nu̱u̱ Jeová nda̱ká kɨvɨ (kaʼvi-ní Juan 8:29). Ni iñi tu̱u̱n-de nde kɨvɨ ni ji̱ʼi̱-de de ni saʼa-de ja ni kachi Ta̱tá-de vese kuaʼa tuni ñayí ni kúni jasi̱ nu̱u̱-de. Ni steʼen-de ja nda ñayí kuu satiñu-yo nu̱u̱ Yandios vese ndoʼo-yo tundoʼo víjin. De sukua, Jesús “ni̱ ncuu ya̱ iin ejemplo” nu̱u̱ ro “de súcuán cuniqui̱n ro ichi ya̱” (1 Pedro 2:21).

 6. Jesús ni saʼa-de nda milagro

Jeová ni jeʼe-Ya poder nu̱u̱ Jesús tágua saʼa-de kuaʼa tuni nda milagro. Tágua kundeʼe-ní ɨn ejemplo, ka kaʼvi-ní Marcos 5:25-34 axi ka kundeʼe-ní VIDEO. Ñukua de ka ndatuʼun-ní sɨkɨ nda tuʼun yaʼa:

• Tanu ni ndeʼe-ní nu̱u̱ video, ¿naguá kuu ja ni kandija ñaʼan ja kúʼu̱?

• ¿Naguá kuu ja taʼa̱n ka ini-ní sɨkɨ milagro yaʼa?

Ka kaʼvi-ní Juan 5:36 de ka ndatuʼun-ní sɨkɨ nda tuʼun yaʼa:

• ¿Naguá “stéʼe̱n” nda milagro ja ni saʼa Jesús?

 JA NI KUTUʼVA-YO

Jesús ni kaʼan-de sɨkɨ Reino Yandios, ni saʼa-de nda milagro ji niini ni kandija-de nu̱u̱ Jeová.

Tuʼun núku̱ʼun ini

• ¿Na tiñu kánuu tuni ka kuu ja ni saʼa Jesús ta ni iyo-de nu̱u̱ Ñuʼun?

• ¿Naguá steʼen nda milagro ja ni saʼa Jesús?

• ¿Na tuʼun ja chíndeé nu̱u̱-yo ni steʼen Jesús?