16ǁÎ ǁKHĀǁKHĀǃÂS

ǃHūbaib aib ge hâ io ob ge Jesuba tae-e gere dī?

ǀHURU RE

ǂGui khoen ge Jesub xan ga ǂâi o. ǁÎba huisen ǁoa babakirob, kēbo-aob. Tamas ka io ǁō nî khoeb ase ra mû. Xawe du ge ǁîba ǃgâise nî ǂan. ǁÎb ûiba du ga ôaǃnâ o? Nē ǁkhāǁkhāǃâs ǃnâ da ge. ǂHâǂhâsa xūn hînab ge Jesuba a dīn xa nî ǁkhāǁkhāsen. Tsî matin nē xūna sadu a hui ǁkhā ǀgausa.

1. Jesub di ǂhâǂhâsa sîsen-e ge tae i?

‘ǃGâiǂhôas Elob gaosib disa aoǁnâs.’ Ge ge Jesub di ǂhâǂhâsa sîsen i. (Khomai re Lukab 4:43 sa.) ǁÎb ge Elob Gaosib xa gere aoǁnâ. Tsî ǁnā ǂhanub ge khoen ǃgomsin hoana nî ūbē. Nēs ge ge ǃgâiǂhôa i. a ǃNona tsî halwe kurigab ge Jesuba. Ôasase nē ǃgâi haisi-amsa gere aoǁnâ.—Mateub 9:35.

2. Tae-i ǃaromab ge Jesuba buruxa sîsenga gere dī?

Elobmîs ge ‘ǂgui ǀgaigu tsî buruxan tsî saodi’ xa ra ǃhoa. Hînab ge Eloba Jesub ǃnâ-ū a dīna. (ǃNaeǃkhaidi 2:22) Elob ge Jesuba ǀgaiba ge mā. Îb ǂoab tsî ǀnanub mâsiba dawa ǁkhā. Tsîb ge ǁnā ǀgaib ǀkha ǂgui khoena ge ǂûmā. ǀAe hâna ǂgauǂgau tsî ǁō hân tsîna khâisa ge mā ǁkhā i. (Mateub 8:23-27; 14:15-21; Markub 6:56; Lukab 7:11-17) Jesub gere dī buruxa sîsengu ge gere ǁgau. Elob xab ge sīhe hâ isa. Tsî i ge ge ǃgāsa kai. Jehovab sida ǃgomsin hoana a ūbē ǁkhāsa.

3. Jesub ûiba xu du tae-e a ǁkhāǁkhāsen ǁkhā?

Jesub ge Jehovaba mâ xū-i hoa-i ǃnâ gere ǁnâuǀnam. (Khomai re Johaneb 8:29 sa.) Jesub ge ǁîb Papab gere dī kai bi xūn hoana gere dī. Nēsab ge ǃhūbaib aib ge hâ i ǁaeb hoaba gere dī. Khoen gere mâǃoa bi xawe. ǁÎb ge ge ǁgau khoen Eloba a ǃoaba ǁkhāsa. ǃGomsinan ga ūhâ xawes tsîna. ǁNās ǀkhab ge Jesuba ‘aiǁgau-e ge xuba da, ǁîb di daoga da nî saose.’—1 Petrub 2:21.

ǃGAMSE ÔAǃNÂ RE

Jesub ge khoena ǃgâiǂhôasa mîba. Tsî buruxa sîsenga gere dī ǀgausa ôaǃnâ re.

4. Jesub ge ǃgâiǂhôa-e khoena gere mîba

Jesub ge ǂgui kilona ǃhū daogu ai gere ǃgû. Tsî ǂgui khoena ǃgâiǂhôasa gere mîba. Khomai re Lukab 8:1 sa. Tsî sao ra dîra ǃhoaǃgao re:

Jesuba ǁîb tawa gere sī khoen ǀguina gere aoǁnâba?
Khoena ôas ǃnâb ge Jesuba mati kōse ǁguiǂgāsen?

Elob ge ge mî, Mesiab ǃgâiǂhôa-i xa nî ǃhoa ti. Khomai re Jesajab 61:1, 2 sa. Tsî sao ra dîra ǃhoaǃgao re:

Jesuba nē kēbode mati ge dīǀoaǀoa?
Mati du ra ǂâi, nētsē khoena ǂhâ i hâ nē ǃgâiǂhôasa ǁnâusa?

5. Jesub ge khoena ǂhâǂhâsa xūna gere ǁkhāǁkhā

Jesub ge Elob Gaosib xa hâ ǃgâiǂhôasa gere aoǁnâ. Xaweb ge khoena ǃgâises tsîna gere ǀapemā. ǃHommi aib gere aoǁnâ. Ob gere mā ǀapemāde kō re. Khomai re Mateub 6:14, 34 tsî 7:12 sa. Tsî sao ra dîra ǃhoaǃgao re:

Nē xoadi ǃnâb ge Jesuba mâ hui ra ǀapemāde mā?
ǂÂi du ra, nē ǀapemādi noxoba a hui du ǁkhā ti?

6. Jesub ge buruxa sîsenga gere dī

Jehovab ge Jesuba ǀgaiba ge mā, îb ǂgui buruxa sîsenga dī. Khomai re Markub 5:25-34 sa. ǀGui aiǁgausa du ga mû ǂgao o. VIDIOBA ǀhuru re. Tsî sao ra dîra ǃhoaǃgao re.

VIDIOB: ǀAesen hâ khoes ge ra ǂgauǂgauhe (5:10)

Vidiob ǃnâ hâ ǀaesen hâ khoesa taena ra ǂgom?
Tae-e nē buruxa dīb xa ra mâǂoaba du?

Khomai re Johaneb 5:36 sa. Tsî sao ra dîsa ǃhoaǃgao re:

Jesub gere dī buruxa sîsenga tae-e gere ǁgau?

ǂAn i du go i?

ǃNāsa xūn hîna da Jesub xa a ǂanan ge Mateub, Markub, Lukab tsî Johaneb ǂkhanidi ǃnâ hâ. Nē xoa-aogu ge mâb hoaba, ǃkharagagu xūna Jesub xa ge xoa. Xawen ge nē haka ǂkhanidi ǃnâ hâ xūn hoana a ǀguiǃnâxa. Tsî du ga hoa haka ǂkhanide khomai o. O du ge Jesuba ǃgâise nî ǂan.

MATEUB

ge ǁîb ǂkhanisa ǂgurose ge xoa. ǁNā ǂkhanis ge ǂgui xūn hînab ge Jesuba ǁkhāǁkhān xa ra ǃhoa. Tsî ǃnāsase Jesub ge Elob Gaosib xa gere ǁkhāǁkhā xūn xa.
MARKUB

ǂkhanis ge hoadi xa a ǃnuburo. ǁNā ǂkhanis ge ǂgui ǁkhoaxa xūn hîna ge īn xa ra ǃhoa.
LUKAB

ge Jesub ǀgoredi tsî tarekhoedeb gere hâ-ū ǀgaub xa ǃnāsase ge xoa.
JOHANEB

ge ǃnāsase Jesub ǀgaugu xa ra mîba da. Tsî nē ǃgâi ǀgauga da ge Jesub ge ǁîb ǀhōn. Tsî nau khoen ǀkhab gere ǃhoa ǀgaub ǃnâ ra mû.