CILONGESA 16
Vika ua Lingile Yesu mua Kele ha Mavu?
Lelo lino vantu vavengi ve ku singanieka nguavo, Yesu kasi ua pua kakeke. Vakuavo co nguavo, ua pua kapolofeto ua mana. Kaha veka co nguavo, ua tsa. Vuno citava tu tantekeye vuino Yesu, mu ku hilula mizimbu ya muono ueni hano ha mavu ni? Mu cilongesa cino, tu hilula ha vimo viuma via seho via lingile Yesu kaha na vati via kuata ku muono uenu.
1. Cipanga cika ca muene Yesu ku pua ca seho cikuma?
Kuli Yesu, cipanga ca seho cikuma ca puile “ku ambulula zimpande zia cili zia Vuangana vua Njambi.” (Tandenu Luka 4:43.) Yesu ua ambuluile muzimbu ua cili ngecize Njambi a ka tumbika vumo vuangana ni nguvulu ize i ka fumisako visoti viose vi ve ku pinda navio vantu. a Mu miaka itatu na mutamba, Yesu ua ambuluile na ntuima yose ou muzimbu ua cili.—Mateo 9:35
2. Vika Yesu ua kele na ku lingila vikomoueso?
Mbimbiliya ya handeka ha “vipupu via kama na vikomoueso na vitantekeyeso, vikevio Njambi ua pangele hali [Yesu].” (Vilinga 2:22) Njambi, ua hele Yesu ngolo ya ku linga vikomoueso via vingi, ngeci mua ku imika mahundzi, ku lisa makulukazi a makulukazi a vantu, ku kanguisa vavezi, kaha na ku sangula vatsi. (Mateo 8:23-27; 14:15-21; Mako 6:56; Luka 7:11-17) Yesu ua lingile vikomoueso, mu ku muesa ha toma ngecize Njambi ikeye ua mu tumine. Kaha ku lingamo ca muesa naua ngecize Yehova ua kala na ngolo ya ku manusula lamba yose.
3. Vika tu hasa ku lilongesa ku cifua ca yoyelelemo Yesu?
Yesu ua ononokele Yehova mu viose. (Tandenu Yoano 8:29.) Kaha cipue mu va kele na ku mu luisa, na lutsilielo luose Yesu ua tualeleleho ku ononoka Ise mu ku linga viose via mu tumine na ku ku-tsa ceni. Kaha mu ku lingamo, Yesu ua muesele ngecize vantu va hasa ku tualelelaho ku pangela Njambi, cipue nga vali na ku hita mu visoti. Cikuavo naua, Yesu ua tu sililile “citambuiluiso, linga [tu] kave mu zingano zieni.”—1 Petulu 2:21.
TANTEKEYENU VIKUAVO
Tantekeyenu vati Yesu ua ambuluile muzimbu ua cili na ku linga vikomoueso.
4. Yesu ua ambuluile muzimbu ua cili
Yesu uendele makulukazi a makulukazi a vikilometru linga a hase ku ambulula muzimbu ua cili ku vantu vavengi. Tandenu Luka 8:1, kaha simutuilenu ha vihula vi na hatako:
-
Vuno Yesu ua ambuluile lika vaze vezile kuli ikeye ni?
-
Kapandi kaka ua lihakelele Yesu mu ku tonda vantu?
Ku hitila muli Isaya, Njambi ua polofetele ngecize Mesiya a ka ambulula muzimbu ua cili. Tandenu Isaya 61:1, 2, kaha simutuilenu ha vihula vi na hatako:
-
Vati Yesu ua puisilemo ovu vupolofeto vuaco?
-
Mu ku mona cenu, vuno lelo lino vantu va tondeka ku ivua muzimbu ua cili ni?
5. Yesu ua longesele vusunga vua seho
Yesu ua ambuluile muzimbu ua cili ku tuala ha Vuangana vua Njambi kaha na ku hana vimamuna via muono ua tangua na tangua vize vi hasa ku tu kuasa na lelo lino. Aci hilulenu ha vimo via vimamuna viaco via hele Yesu mu cimpande ceni ca ha muncinda. Tandenu Mateo 6:14, 34 na 7:12, kaha simutuilenu ha vihula evi:
-
Vimamuna vika via kuata ku mono ua tangua na tangua via hele Yesu mu vinimbu evi?
-
Mu ku mona cenu, vuno evi vimamuna viaco vi hasa ku kuasa vantu lelo lino ni?
6. Yesu ua lingile vikomoueso
Yehova ua hele Yesu ngolo ya ku linga vikomoueso. Linga mu tantekeye cimo ca vikomoueso, tandenu Mako 5:25-34 ni talenu VIDEO. Kaha simutuilenu ha vihula vi na hatako.
-
Mu video, vusunga vuka ua kele navuo ou mpuevo ua ku vavala?
-
Viuma vika vi na miyi cikuma ku mutima ku cikomoueso eci?
Tandenu Yoano 5:36, kaha lingenu eci cihula:
-
“Vukaleho” vuka via hele vikomoueso via lingile Yesu ku tuala hali ikeye?
Mua vi tantekeyele ni?
Mizimbu ya ingi i tu tantekeya ku tuala hali Yesu, ya kala mu mavulu auana a va luka nguavo Mavulu a Muzimbu ua Cili, ni nguetu, Mateo, Mako, Luka na Yoano. Kaha nkala mukua ku soneka ua sonekele imo mizimbu ku tuala hali Yesu ize ka sonekele mukuavo. Mavulu ose auana, a tu kuasa ku ivuisisa mu vutuntu muono ua Yesu.
-
MATEO
ua sonekele livulu lia ku livanga. Kaha ua tsindikile ha viuma via longesele Yesu, cikuma-kuma ha viuma via longesele ku tuala ha Vuangana vua Njambi.
-
MAKO
ua sonekele livulu lia lindende ha mavulu ose auana. Kaha mizimbu ya sonekele ye ku kuata ku mutima na ku tu vuisa ndzolela.
-
LUKA
ua sonekele via seho ya hakele Yesu ku ku vundila na kavumbi ka muesele ku vampuevo.
-
YOANO
ua sonekele via vingi ku tuala ha vuntu vua Yesu, na viuma via vingi via kele na ku simutuila na vavusamba veni na vantu veka. Evi vi tu kuasa ku tantekeya vati mpundu ua fua Yesu.
VAMO VE KU HANDEKA NGUAVO: “Yesu ua puile lika muntu ua cili, kunahu.”
-
Amba enu co, vika mue ku singaniekaho?
VI MU NA LILONGESA
Yesu ua ambuluilile muzimbu ua Vuangana vua Njambi, ua lingile vikomoueso, na ku ononoka Yehova mu viose.
Mpupulule
-
Cipanga cika ca seho ya kama ca lingile Yesu mua kele hano ha mavu?
-
Vikomoueso via lingile Yesu via muesele vika?
-
Vika ua longesele Yesu ku tuala ha muono ua tangua na tangua?
KONKENUHO
Cimpande cika ca handekele cikuma Yesu?
“Vuangana vua Njambi—Vua Pua Vika Kuli Yesu” (Vutala vua Kaniungi, 1 ya Outubro ya 2014, mu putu)
Tantekeyenu omo lia vika mu hasa ku tsiliela ngecize vikomoueso via Yesu via lingikile mpundu.
Tandenu vati umo yala ua aluluile muono ueni mu nima ya ku lilongesa seho ya hakele Yesu ku vantu.
“Nja Kele na ku Lituameka Lika Ange Ivene” (Vutala vua Kaniungi, 1 ya Outubro ya 2014, mu putu)
Talenu mukana ua viuma via seho via lingile Yesu mu cipanga ceni ca ku ambulula
a Vilongesa 31-33 vi ka handeka cikuma ha Vuangana vua Njambi.
Halumo mu Hasa ku Lema Naua Evi
VIHULA VI VE KU LINGA CIKUMA VANTU
Vika via pua Cilongesa ca Mbimbiliya?
Uanenu vikumbululo ku tuala ha vilongesa vietu via Mbimbiliya via vuana.
