CHILAYIJO 16
Jesu Wakabetani Elipenyika?
Banji banoyeya kuti Jesu mwana ntete, umprofeti ulochenjela kana kuti unhulume zwe wakangofila banhu. Koga tingolayijwa nozuzwe kuva pozunu zwaakata echipenyika? Muchilayijo yechi tichalayijwa zunu zulokosha zwakatiwa naJesu akale kuti zungatibhancha chini.
1. Unshingoni ulokosha wakabetiwa naJesu?
Unshingo ulokosha wakabetiwa naJesu ndiwoku “zibisa indebo imbuya joBushe bwaMwali.” (Balani Luka 4:43.) Wakazibisa indebo imbuya jokuti Mwali unoomisa butezi kana kuti ihulumende ichapeja bukukutu bose buna banhu. a Jesu wakakutayilila unshingo yoyu kwamakole matatu nehafu.—Mateu 9:35.
2. Neni Jesu akata zuchenamiso?
IBhayibhili litinobuja “nemishingo yesimba nozuchenamiso Mwali zwaakata eshingisa [Jesu].” (Mishingo 2:22) Mwali wakapa Jesu isimba lyokuwilijisa ibhepo, lyokupa matawuzenti abanhu chikafu, kuchija banolwala, akale nokumusa bafi. (Mateu 8:23-27; 14:15-21; Maliko 6:56; Luka 7:11-17) Zuchenamiso zwakatiwa naJesu zwakatondeja pachena kuti wakabatumwa naMwali. Akale zwakatondeja kuti Jehova unesimba lyokupeja bukukutu bose.
3. Tolayijwani namalalamilo akata Jesu?
Jesu wakawhilila Jehova pazunu zose. (Balani Johani 8:29.) Zusineni nokunyenyejwa Jesu wakalamba ekabimbika kunaDade babe kuswikila palufu lulwe. Wakatondeja kuti banhu banokwanisa kunamata Mwali zusineni nobukukutu bwabanoshangana nabo. Nebo Jesu wakatisiyila “chibonelo chokuti [nasu] titobeleje munhambo jije.”—1 Pita 2:21.
FUNDA ZUNJI
Layijwa inzila Jesu yaakabelayija nayo indebo imbuya akale nozuchenamiso zwaakata.
4. Jesu wakalayija indebo imbuya
Jesu wakabekwenda mishizho milefu ezibisa indebo imbuya kubanhu bose. Balani Luka 8:1, akale kwejisani nemibhuzo yeyi:
-
Jesu wakabelayija banhu bakabebungana kuna iye chete na?
-
Ini zwakabetiwa naJesu kuti ewane banhu bokulayija?
Mwali wakagala aleba kuti Mesiya walozibisa nozwendebo imbuya. Balani Izaya 61:1, 2, akale kwejisani nemibhuzo yeyi:
-
Jesu wakazhajikija chini chiprofeti yechi?
-
Ubweni sofana banhu banokwelela kuwha indebo imbuya yeji na?
5. Jesu wakabefundisa indayijo ilokosha
Jesu ajakapelela pokulayija nozoBushe bwaMwali chete koga wakabalayija nozunu zunobabhancha mubupenyu. Bona zumwe zwaakalayija peNdayijo Yopedunu. Balani Mateu 6:14, 34 na 7:12, akale kwejisani nemibhuzo yeyi:
-
Zulayijo zupi zunobhancha zumomumavesi yaya zwakapiwa naJesu?
-
Ubweni sokuti zuchinoshinga na nhasi?
6. Jesu wakata zuchenamiso
Jehova wakapa Jesu isimba lyokuta zuchenamiso zunji. Kuti ubone chimwe chichenamiso chaakata, balani Maliko 5:25-34 kana kuti yebani iVIDIYO. Akale kwejisani nemibhuzo inotobela.
-
Wechinhukaji wakabelwala yoyu wakabeli nechokomende yeni?
-
Ini zwakunakilija nechichenamiso yechi?
Balani Johani 5:36, akale kwejisani nombuzo yoyu:
-
Zuchenamiso zwaakata Jesu “zwakabetitondejelani” nozuzwe?
Wabezuziba na?
Zunji zwatinoziba nozwaJesu zunova mumabhuku mana eBhayibhili anowi mabhuku Evangeli Mateu, Maliko, Luka naJohani. Umwe nomwe wabakwali bamaVangeli yaya wakabekwala zulosiyana-siyana nozwaJesu akale zwabakakwala zunota kuti tiwhisisise kuti wakabeli unhu ulichini.
-
MATEU
ndiye wakatanga kukwala ibhuku lyokutanga lyeVangeli. Linotibuja nozwendayijo yaJesu kasakasa nozwoBushe bwaMwali.
-
MALIKO
ndiye wakakwala ibhuku lyeVangeli ifupi kunawose. Lizhele-inyaya yozuchenamiso zwakatiwa naJesu.
-
LUKA
wakawaja kulebeka nozokunamata akale nenzila yakabebata nayo bechinhukaji.
-
JOHANI
wakakwala nozwenzila Jesu yaakabeleka nayo nabakwayina babe akale nabamwe banhu yozu zunotibhancha kuti tizibe kuti wakabeli unhu ulichini.
BAMWE BANOTI: “Jesu wakabeli unhuzwe apana chakabechenamisa pana iye.”
-
Ani iwi unotini?
INI ZWAWAFUNDA
Jesu wakabelayija nozwobushe bwaMwali, wakata zuchenamiso akale wakabewhilila Jehova pazunhu zose.
Kubwilulula
-
Ndiwupi unshingo nkulwana wakabetiwa naJesu echipenyika?
-
Zuchenamiso zwakabetiwa naJesu zwakabetondejani nozuzwe?
-
Ndiyipi ndayijo inobhancha yakalayijwa naJesu?
PAMIJA PANA ZWAWAWANA
Jesu wakabewaja kulebeleka nozweni?
“UMbuso KaNkulunkulu—Kungani Uqakathekile KuJesu” (INqabayokulinda, October 1, 2014)
Bala uwhe kuti neni tilinechokomende chokuti zuchenamiso zwaJesu zwakatikana zwechokomende.
“Izimangaliso Ezenziwa NguJesu—Zisifundisani?” (INqabayokulinda, July 15, 2004)
Bala uwhe kuti umwe unhulume wakabhanchikana chini nokuzupila kwakata Jesu.
“Ngangingelandaba Labanye Abantu” (INqabayokulinda, October 1, 2014)
Linga zunu zulokosha zwakatiwa naJesu nokutobelana kwazo.
“Okuqakathekileyo Okwenzakala Empilweni KaJesu Esasemhlabeni” (IBhayibhili Elingcwele, Isengezo A7)
a Chilayijo 31-33 chichatibuja zunji nozoBushe bwaMwali.
