اَج لوک یسوع مسیح بارے فرق فرق نظریے رکھدے نیں۔ بوہت سارے لوک جدوں یسوع دا ناں سُن دے نیں تے اوہناں دے ذہن چ اِک چھوٹا بچہ، اِک عظیم نبی یاں فیر سُولی تے لٹکیا ہویا اِک بندہ آندا اے۔ پر جیہڑا وقت یسوع نے زمین تے گزاریا سی اوہدے تے غور کر کے اَسی یسوع بارے کیہہ سکھنے آں؟ ایس سبق چ اَسی یسوع مسیح دے کجھ خاص کماں تے غور کراں گے تے ویکھاں گے کہ ایہناں توں سانوں کیہہ فائدہ ہوندا اے۔‏

1.‏ یسوع مسیح لئی سب توں اہم کم کیہڑا سی؟‏

یسوع لئی سب توں اہم کم خدا دی بادشاہی دی خوش‌خبری سنانا سی۔‏ (‏لُوقا 4:‏43 نُوں پڑھو۔)‏ اوہنے خدا دی بادشاہی دی مُنادی کیتی تے دَسیا کہ اوہدی حکومت انساناں دے سارے مسئلیاں نُوں حل کرے گی۔‏ a یسوع نے ایس پیغام نُوں لوکاں تک پونچان لئی ساڈھے تِن سال بڑی محنت نال مُنادی کیتی۔—‏متی 9:‏35‏۔‏

2.‏ یسوع مسیح دے معجزیاں دا کیہہ مقصد سی؟‏

بائبل دَسدی اے کہ یہوواہ خدا نے یسوع مسیح دے ذریعے بوہت سارے انوکھے کم تے معجزے کیتے۔‏ (‏اعمال 2:‏22‏)‏ یہوواہ خدا دی مدد نال یسوع نے طوفاناں نُوں روکیا، ہزاراں لوکاں نُوں کھانا کھوایا،بیماراں نُوں شفا دِتی ایتھوں تک کہ مُردیاں نُوں وی زندہ کیتا۔ (‏متی 8:‏23-‏27؛‏ 14:‏15-‏21؛‏ مرقس 6:‏56؛‏ لُوقا 7:‏11-‏17‏)‏ یسوع نے جیہڑے معجزے کیتے اوہناں توں صاف ظاہر ہوندا اے کہ اوہنوں خدا نے گھلیا سی۔ ایہناں توں ایہہ وی ظاہر ہوندا اے کہ صرف یہوواہ ای ساڈے مسئلیاں نُوں حل کر سکدا اے۔‏

3.‏ اَسی یسوع مسیح دی زندگی توں کیہہ سکھنے آں؟‏

یسوع مسیح ہر طرحاں دے حالاتاں چ یہوواہ دا فرمانبردار رہیا۔ (‏یوحنا 8:‏29 نُوں پڑھو۔)‏ بھانویں کہ یسوع مسیح نُوں بوہت ساریاں مشکلاں تے مخالفت دا سامنا کرنا پیا پر فیر وی اوہ مردے دم تک اپنے باپ دا وفادار رہیا۔اوہنے ثابت کر دِتا کہ انسان مشکل توں مشکل حالاتاں چ وی یہوواہ دے فرمانبردار رہ سکدے نیں۔اِنج اوہنے ساڈے لئی ودھیا مثال قائم کیتی جدے تے سانوں عمل کرنا چاہی دا اے۔‏‏—‏1-‏پطرس 2:‏21‏۔‏

 6.‏ یسوع نے حیران کر دین والے معجزے کیتے

یہوواہ خدا نے یسوع مسیح نُوں شاندار معجزے کر ن دی طاقت دِتی۔ یسوع دے اِک معجزے بارے جانن لئی مرقس 5:‏25-‏34 نُوں پڑھو یاں فیر ایہہ ویڈیو چلاؤ تے فیر ایہناں سوالاں تے گل بات کرو:‏

• ایس ویڈیو چ جیہڑی عورت وکھائی گئی اے اوہنوں کیس گل دا پکا یقین سی؟‏

• ایس معجزے بارے توانوں کیہڑی گل چنگی لگدی اے؟‏

یوحنا 5:‏36 نُوں پڑھو تے فیر ایس سوال تے گل بات کرو:‏

• یسوع مسیح دے معجزیاں توں اوہدے بارے کیہڑی گل ظاہر ہوندی اے؟‏

 خلاصہ

یسوع مسیح نے خدا دی بادشاہی دی خوش‌خبری سنائی، معجزے کیتے تے ہر حال چ یہوواہ دی گل منی۔‏

دہرائی

• جدوں یسوع زمین تے سی تے اوہدے لئی سب توں اہم کم کیہڑا سی؟‏

• یسوع مسیح دے معجزیاں توں کیہڑی گل ثابت ہوئی؟‏

• یسوع مسیح نے کیہڑے فائدےمند اصول سکھائے؟‏