KʼUTUNEM 16
¿Jas xubʼan ri Jesús are chiʼ xkʼojiʼ cho ri uwach Ulew?
Are chiʼ ri winaq kkita ri bʼiʼaj Jesús, e kʼi kkichomaj che are jun alaj neʼ, jun profeta o jun achi che xkamisaxik. Are kʼu, katkunik kawetaʼmaj más uwach ri Jesús we kawetaʼmaj ri xubʼan cho ri uwach Ulew. Pa wajun kʼutunem riʼ kqil na jujun taq chak che xubʼan ri Jesús che sibʼalaj nim ubʼanik, y ri kubʼan pa ri akʼaslemal at.
1. ¿Jas chak nim ubʼanik xubʼan ri Jesús?
Ri chak che xubʼan ri Jesús are che xutzijoj ri utzalaj taq tzij re ri uQʼatbʼal tzij ri Dios chke ri winaq (chasikʼij Lucas 4:43). Xuya ubʼixik che ri Dios kukoj na jun Qʼatbʼal tzij rech kusukʼumaj ronojel ri kʼax che kibʼanom ri winaq. a Ri Jesús oxibʼ junabʼ rukʼ nikʼaj xuya ubʼixik ri utzalaj taq tzij riʼ (Mateo 9:35).
2. ¿Jas xukʼut ri milagros che xubʼan ri Jesús?
Ri Biblia kubʼij: «Ri Dios xeʼubʼan mayibʼal, kajmajibʼal xuqujeʼ etal chxoʼl alaq rumal ri Jesús» (Hechos 2:22). Rumal ri uchuqʼabʼ ri Dios ri Jesús xkunik xuqʼatej jun nimalaj kaqiqʼ jabʼ, xeʼutzuq kʼi winaq, xeʼukunaj ri yawabʼibʼ y xeʼukʼasuj ri kaminaqibʼ (Mateo 8:23-27; 14:15-21; Marcos 6:56; Lucas 7:11-17). Ri milagros che xubʼan ri Jesús kukʼutu che are ri Dios xtaqow loq. Xuqujeʼ xukʼutu che ri Jehová kkunik kusukʼumaj ronojel ri kʼax che kkiriq ri winaq.
3. ¿Jas kqetaʼmaj chrij ri ukʼaslemal ri Jesús?
Ri Jesús amaqʼel xunimaj ri Jehová (chasikʼij Juan 8:29). Amaqʼel xnimanik y xubʼan ri xubʼij ri uTat paneʼ ri nikʼaj chik xkaj xkiqʼatej uwach. Xukʼutu che oj xuqujeʼ kojkunik kqapatanij ri Dios paneʼ kqariq nimaʼq taq kʼax. Je wariʼ ri Jesús xuya kan jun kʼutbʼal chke ri utijoxelabʼ «rech kkitaqej ri retal raqan» o kkibʼan ri xubʼan ri areʼ (1 Pedro 2:21).
CHANIMARISAJ RI AWETAʼMANIK
Chqilaʼ jas xubʼan ri Jesús che uqʼalajisaxik ri utzalaj taq tzij y jas xubʼan che ubʼanik milagros.
4. Ri Jesús xutzijoj ri utzalaj taq tzij
Ri Jesús sibʼalaj naj xbʼin pa taq bʼe re ulew rech xutzijoj ri utzalaj taq tzij chke konojel ri winaq. Chisikʼij Lucas 8:1 y chixtzijon chrij wariʼ:
-
¿La xaq xiw chke ri winaq ri xeʼopan rukʼ xutzijoj wi ri Jesús ri utz taq tzij?
-
¿Jas xubʼan ri Jesús rech xeʼuriq ri winaq?
Ri Dios xubʼij che ri Mesías kutzijoj na utzalaj taq tzij. Chisikʼij Isaías 61:1, 2 y chixtzijon chrij wariʼ:
-
¿Jas xubʼan ri Jesús che utzʼaqatisaxik wajun profecía riʼ?
-
¿Jas kabʼij at, la rajawaxik ktzijox ri utzalaj taq tzij chke ri winaq kimik?
5. Ri Jesús xukʼut kan pixabʼ che nim ubʼanik
Ri Jesús xaq xiw ta xutzijoj ri utzalaj taq tzij re ri uQʼatbʼal tzij ri Dios, xaneʼ xuqujeʼ xuya ubʼixik jujun taq pixabʼ rech kqakoj pa ri qakʼaslemal. Chqilaʼ jujun taq pixabʼ che xuya ubʼixik pa ri Sermón del Monte. Chisikʼij Mateo 6:14, 34 y 7:12, y chixtzijon chrij wariʼ:
-
¿Jas utz taq pixabʼ xubʼij ri Jesús pa ri versículos riʼ?
-
¿Jas kachomaj at, la ktobʼan ri e pixabʼ riʼ chke ri winaq kimik?
6. Ri Jesús xubʼan milagros
Ri Jehová xuya uchuqʼabʼ ri Jesús rech xubʼan milagros. Chiwilaʼ jun kʼutbʼal, chisikʼij Marcos 5:25-34 o chiwilaʼ ri VIDEO. Tekʼuriʼ chixtzijon chrij wariʼ:
-
Junam rukʼ ri xqil pa ri video, ¿jas qas retaʼm ri ixoq?
-
¿Jas más utz xawil che ri milagro?
Chisikʼij Juan 5:36 y chixtzijon chrij wariʼ:
-
¿Jas kukʼut ri milagros che xubʼan Jesús?
¿La awetaʼm?
Ronojel ri qetaʼm chrij ri Jesús kʼo pa ri kajibʼ Evangelios. Ri xetzʼibʼan ri kajibʼ Evangelios—Mateo, Marcos, Lucas y Juan—junam ta ri xkiya ubʼixik chrij ri Jesús. Ronojel ri xkitzʼibʼaj kubʼano che kqachʼobʼ más chrij ri ukʼaslemal ri Jesús.
-
MATEO
are ri xtzʼibʼan ri nabʼe chke ri kajibʼ Evangelios. Kchʼaw chrij ri xukʼut ri Jesús, más na chrij ri uQʼatbʼal tzij ri Dios.
-
MARCOS
are xtzʼibʼan ri Evangelio che más nitzʼ. Sibʼalaj utz xubʼan che utzʼibʼaxik.
-
LUCAS
are kchʼaw chrij ri chʼawem y ri xubʼan Jesús che kilik ri ixoqibʼ.
-
JUAN
kchʼaw chrij ri ubʼantajik ri Jesús. Rumal che kchʼaw chrij ri tzijonem che xubʼan ri Jesús kukʼ ri rachiʼl y kukʼ nikʼaj chi winaq.
RI KKICHOMAJ JUJUN WINAQ: «Ri Jesús xaq xiw xux jun utzalaj achi, are ta ri Mesías».
-
¿Jas kachomaj at?
RI XQETAʼMAJ
Jesús xutzijoj ri uQʼatbʼal tzij ri Dios, xubʼan milagros y amaqʼel xniman che ri Jehová.
¿La knaʼtaj chawe?
-
¿Jas más xutzijoj ri Jesús are chiʼ xkʼojiʼ cho ri uwach Ulew?
-
¿Jas xukʼut ri milagros che xubʼan ri Jesús?
-
¿Jas pixabʼ xukʼut ri Jesús?
CHAWILAʼ CHI NIKʼAJ
¿Jas ri más xuya ubʼixik ri Jesús?
Chawilaʼ jasche qastzij xebʼantaj ri milagros che xubʼan Jesús.
«¿Jas kqetaʼmaj chrij ri milagros che xubʼan ri Jesús?» (La Atalaya, 15 re julio 2004)
Chawilaʼ ri xubʼan jun achi che ukʼexik ri ukʼaslemal are chiʼ xretaʼmaj che ri Jesús xaq xiw ta xchoman chrij chbʼil ribʼ.
«Xaq xiw xinchoman chbʼil wibʼ» (La Atalaya, 1 re octubre 2014)
Chawilaʼ ri xukʼulmaj ri Jesús pa ri ukʼaslemal pa orden cronológico.
a Pa ri kʼutunem 31 a 33 kyaʼ na ubʼixik ri kubʼan na ri uQʼatbʼal tzij ri Dios.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
