LECCIÓN 16
¿Jesús cai allpabi gajushaga imagunadadi rrurrarca?
Gentegunaga, ¿Jesusmundaga ima yuyaigunadadi charin? Shuj llullu huahuada shina, shuj profetada shina o shuj huañunalla jarida shinami yuyarin. Pero ñucunchiga pai cai allpabi imashina causashcada ashtaun estudiashmi más rrijsishun. Cai leccionbimi Jesús rrurrashca importante cosasgunamunda yachashun, shinalladi canda imashina ayudashcadashmi rricushun.
1. ¿Jesusbuga imada rrurranadi ashtaun importante garca?
Jesusbuga gentegunamun “Taita Diosbu Gobiernomunda alli noticiagunadaga huillanami” importante garca (Lucas 4:43-da liyi). Taita Diosbu gobiernolla cai tucui problemagunada tucuchinadami huillarca. a Cai alli noticiagunamundaga Jesusga quimsa huata chaupidami huillash purirca (Mateo 9:35).
2. ¿Jesusbu milagrogunaga imabudi sirvirca?
Bibliabiga “Diosmi cangunabu chaupibi jatun rrurraigunada y milagrogunada Jesusda utilizash rrurrarca” nin (Hechos 2:22). Taita Diosbu poderunmi Jesusga manchanai tamiada jarcarca, ashca gentegunamun cararca, ungushcagunada jambirca y huañushcagunadabish causachirca (Mateo 8:23-27; 14:15-21; Marcos 6:56; Lucas 7:11-17). Jesús rrurrashca milagrogunaga pai Taita Dios cachashca gashcadami rricuchirca. Shinalladi tucui ñucunchi problemagunada arreglangabu Jehová poderta charishcadashmi rricuchirca.
3. ¿Jesusbu causaiga imadadi yachachin?
Jesusga Taita Jehová Diosdaga siempremi cazurca (Juan 8:29-da liyi). Huañunagamami fiel garca, aunque jarcaiguna tiyajpish paibu Taita mingashcadaga tucuidami fajtachirca. Shinami genteguna llaquigunada charishash Jehová Diosda sirvi pudina gashcada rricuchirca. Jesusga “paida catillun cai ejemploda saquirca” (1 Pedro 2:21).
CAI TEMAMUNDA MÁS YACHASHUNCHI
Jesús imashina alli noticiagunada huillashcada, shinalladi milagrogunada imashina rrurrashcada rricushunchi.
4. Jesusga alli noticiagunadami huillarca
Jesusga ashca kilometrogunadami Taita Diosmunda alli noticiagunada gentegunamun huillangabuga allpa ñangunada rrirca. Lucas 8:1-da liyish, chaimunda parrlaichi:
-
¿Jesusga solo paida uyasha nij gentegunamunllu predicarca?
-
¿Gentegunada taringabuga Jesusga ima esfuerzogunadadi rrurrarca?
Taita Diosga Mesías alli noticiagunada huillana gashcadami nirca. Isaías 61:1, 2-da liyish, chaimunda parrlaichi:
-
¿Cai profeciadaga Jesusga imashinadi fajtachirca?
-
¿Cunun funchagunabish genteguna cashna alli noticiagunada uyanada ministijtallu yuyangui?
5. Jesusga importante lecciongunadami yachachirca
Taita Diosbu Gobiernomunda alli noticiagunada predicashmi, Jesusga alli consejogunada yachachirca. Famoso Sermón del Montemunda parrlashca huaquin ejemplogunada rricushunchi. Mateo 6:14, 34 y 7:12-da liyish, chaimunda parrlaichi:
-
¿Cai versiculogunabiga ima alli consejogunadadi Jesusga curca?
-
¿Cunun funchagunabi cai consejoguna gentegunada ayudai pudishcadallu cringui?
6. Jesusga milagrogunadami rrurrarca
Jehová Diosga Jesusmunmi milagrogunada rrurrallun poderta curca. Shuj ejemploda rricungabuga, Marcos 5:25-34-da liyi, o cai VIDEODA rricui, jipaga caimunda parrlaichi:
-
Cai videobi rricushca shinaga, ¿ungushca huarmiga ima tucunadadi crirca?
-
¿Cai milagromundaga imadadi ashtaun munangui?
Juan 5:36-da liyish, chaimunda parrlaichi:
-
¿Jesús rrurrashca milagrogunaga imadadi rricuchin?
¿Yacharcanguillu?
Jesusbu causaimundaga Bibliabu chuscu Evangeliogunabi escribishca gan, cai chuscu Evangelioda escribij jariguna Mateo, Marcos, Lucas y Juanga Jesusbu causaimunda diferente cosasgunadami escribirca. Cai chuscu librogunami Jesusbu causai imashina gashcada alli intindingabu ayudan.
-
MATEO
paimi punta Evangelioda escribirca, cai librobiga Taita Diosbu Gobiernomunda Jesús yachachishcadami huillan.
-
MARCOS
paiga uchilla Evangeliodami escribirca, chaibiga Jesusbu causaibi contentachij cosasguna pasashcadami parrlan.
-
LUCAS
paiga oracionda rrurrana importante gashcada, shinalladi Jesús huarmigunada juyaihuan tratashcadami parrlan.
-
JUAN
paiga Jesús imashina gashcadami parrlan. Jesús paibu amigogunaun y cutishuj gentegunaun imagunada parrlashcadami escribirca.
HUAQUINGUNAGA NINMI: “Jesusga shuj alli jarillami garca”.
-
¿Canga imadadi yuyangui?
RESUMEN
Jesusga Taita Diosbu Gobiernomundami predicarca, milagrogunada rrurrarca y siempremi Jehová Diosda cazurca.
Repaso
-
¿Jesús cai allpabi gashaga imadadi ashtaun rrurrarca?
-
¿Jesús rrurrashca milagrogunaga imadadi rricuchirca?
-
¿Jesusga ima importante consejogunadadi yachachirca?
ASHTAUN YACHAI
¿Jesusbuga imamundadi predicanaga importante garca?
“¿Por qué es importante para Jesús el Reino de Dios?” (La Atalaya, 1 de octubre de 2014)
Jesús rrurrashca milagroguna imamunda de verdad tiyashcada rricui.
“Los milagros de Jesús: ¿qué puede aprender de ellos?” (La Atalaya, 15 de julio de 2004)
Shuj jari Jesús na paillabi yuyash causashcada yachash, ima cambiogunada rrurrashcada liyi.
“Lo más importante de mi vida era yo” (La Atalaya, 1 de octubre de 2014)
Jesusbu causaibi ima pasashcada rricui.
“La vida de Jesús en la tierra” (La Biblia. Traducción del Nuevo Mundo, apéndice A7)
a Taita Diosbu Gobiernomundaga lección 31 al 33-bimi ashtaun yachachin.
