LECCIÓN 16
Jesús cai allpai ashcai ¿imara rurarca?
Ashca runauna Jesusta ricunun shu llullu huahua cuinta, shu sabiru profeta cuinta, huañungarauj runa cuintas. Shina ninujpis Jesús cai allpai ashcamanda mas estudiasha mas yachana ushanchi. Cai lecciombi estudiangaraunchi huaquin Jesús ali rurashcaunamanda shinallara cai rurashcauna imasna canda yanapan.
1. Jesuspa tarbana ¿maicanda mas valij aca?
Jesuspa tarbana mas valij aca “Dios mandana pacha ali shimira [...] rimangaj” (leai Lucas 4:43). Tucui runauna problemagunara tucuchingaj Dios shu reino apamunamanda ali cuintashcara yachachica. a Quinsa huata chaupi Jesús cai ali sumaj cuintashcaunara rimangaj ursarica (Mateo 9:35).
2. ¿Imara ricuchingaj Jesús milagrogunara rurarca?
Biblia nin Dios “ashca munanaita rashcaunahua ricurinaunahuas canguna chaupi shungüi, Jesuspa maquihua” rurarca (Hechos 2:22). Jesús, Diospa ushaira charishcamanda huairara tamiara chunlla saquichica, huaranga runauna micunara cuca, ungushcaunara ambica shinallara huañushcaunaras causachica (Mateo 8:23-27; 14:15-21; Marcos 6:56; Lucas 7:11-17). Jesús rurashca milagroguna ricuchica Yaya Dios cachamushcara. Shinallara cai rurashcauna ricuchica Jehová Dios tucui ñucanchi problemagunara tucuchina ushashcara.
3. ¿Imara yachachin imasna Jesús causashcamanda?
Jesús paihua Yaya Jehovara tucui huras casuca (leai Juan 8:29). Paihua Yaya tarbana cushcara pactachingaj arcaiguna tiajpis pai huañunagama chuyaj shunguhua pactachica. Cai ricuchica runauna shinzhi llaquiuna pasaushas Jehová Diosta sirvina ushashcara. Shina rurasha Jesús “ñucanchima shu ricuchinara saquica, [...] pai aitashca chaquii catingaj” (1 Pedro 2:21).
MAS YACHAI
Ricushun imasna Jesús ali cuintashcaunara yachachica shinallara imasna milagrogunara rurarca.
4. Jesús ali cuintashcaunara yachachica
Jesús ashca caru partiunara purica tucui tunu runaunama ali gustu cuintashcaunara rimangaj. Leaichi Lucas 8:1, huasha catij tapuigunamanda rimaichi:
-
¿Jesús chapacachu paima shamujcunallara yachachingahua?
-
Runaunara tupangahua Jesús ¿imara rurana aca?
Dios rimacami Mesías ali gustu cuintashcaunara rimanara. Leaichi Isaías 61:1, 2, huasha catij tapuigunamanda rimaichi:
-
¿Imasnara Jesús cai profeciara pactachica?
-
¿Can imara ningui, runauna ministinunzhu cuna punzha ali gustu cuintashcaunara uyangaj?
5. Jesús ali valij sirtu shimiunara yachachica
Jesús Diospa Reinomanda ali gustu cuintashcaunara yachachisha intindichica imasna paiguna causaibi pactachinaras. Jesús sumaj yachachishcamanda huaquin ejemplogunara ricushun. Leaichi Mateo 6:14, 34; 7:12, huasha catij tapuigunamanda rimaichi:
-
Cai versiculogunai Jesús ¿ima sumaj camachishcaunara cuca?
-
¿Can imara iyangui, cai camachishcauna cuna punzhai runaunara yanapana ushanzhu?
6. Jesús milagrogunara rurarca
Jehová, Jesusma ushaira cuca milagrogunara rurachu. Shu ejemplo ricungahua leaichi Marcos 5:25-34 o VIDEORA ricuichi. Huasha catij tapuigunamanda rimaichi:
-
Videoi ricushca shina ungushca huarmi ¿imara sirtu pacha quirica?
-
¿Imara cai milagromanda canda mas riparachin?
Leaichi Juan 5:36, huasha catij tapuimanda rimaichi:
-
¿Imara ricuchin Jesús milagrogunara rashcamanda?
¿Yachanguichu?
Chuscu Evangelio librogunai tupana ushanchi Jesusmanda tucui rimashcara. Mateo, Marcos, Lucas, Juan chuscu Evangelio librora quillcajcuna Jesús causaimanda caran tunu rimanuca. Caran tunu rimashcauna ashas chimandallara sirtu rimanun pai tucui ali gustu rurashcaunara yachangahua.
-
MATEO
ñaupa punda evangelio librora quillcaca. Mateo libro riman Jesús yachachishcamanda, astaun mas Diospa Reinomanda riman.
-
MARCOS
mas ichilla librora quillcaca. Quillcashcai ali gustu intindichica.
-
LUCAS
oracionda rurana mas valij ashcara, huarmiunaras Jesús ali sintichishcara quillcaca.
-
JUAN
Jesús ima tunu runa ajta cuintan, Jesús paihua amigogunahua shujta runaunahuas cuintashcamanda quillcaca.
RUNAUNA CASNA NINUJPI: “Jesús shu ali runalla aca, mana mas”.
-
¿Imara can cutipanguima?
IMARA YACHASHCANGUI
Diospa Reinomanda Jesús yachachica, milagrogunara rurarca, tucui huras Jehovara casuca.
Iyaringaj
-
Jesús cai allpai ashcai ¿maicanda paihua mas valij tarbana aca?
-
¿Imara ricuchica Jesús milagrogunara rashca?
-
¿Ima valij yachachishcaunara Jesús yachachica?
RICUNGUI
¿Ima mas valij yachachishcara Jesús rimaca?
“¿Imarasha Jesús Diospa Reinora mas valichin?” (La Atalaya, 1 de octubre de 2014)
Ricui imarasha quirinchi Jesuspa milagroguna sirtu pasashcara.
“¿Imara yachana ushanchi Jesús milagrogunara rurashcamanda?” (La Atalaya, 15 de julio de 2004)
Jesús mana paillai iyarishcara yachasha ricui imasna shu runa causaira turcachica.
Ricui Jesús caran timpui ima rurashcara.
“Jesús allpai ashcai” (La Biblia. Traducción del Nuevo Mundo, apéndice A7)
a Lección 31manda 33gama Diospa Reino ima ashcara mas yachangaraungui.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
