ΜΑΘΗΜΑΣ 16
Σο Κερντάς ο Ιησούς Κάνα Ισινέ κι Πφουβ;
Μπουτ τζενέ τθερένα πουμαρέ γκοντιάτε ι Ιησούς σαρ εκ τζενό σο ισί μεριμάσκε, σαρ εκ μαξίμι σο μανγκέλα βοήθεια ή σαρ εκ λατσσό τζενό. Αβέλα-πες τι σικλιάς πο μπουτ λέσκε άμα κα σικλιάς σαρ ισινέ λέσκι ζωή κι πφουβ; Ανταλέ μαθημάστε κα ντικχάς χάνικ κατά πο σημαντικά πράγματα σο κερντάς ο Ιησούς ντα σαρ μπορίνενα τι βοηθίνεν-τουτ.
1. Καγιά ισινέ η πο σημαντική μπουτί ι Ιησούσκι;
Η πο σημαντική μπουτί ι Ιησούσκι ισινέ “τι βακερέλ ο λατσσέ αμπέρια ι Ντεβλέσκε Βασιλειάκε”. (Διαβάνεν Λουκάς 4:43) Βακερέλας ο λατσσέ αμπέρια ότι ο Ντεβέλ κα τσσουβέλας εκ βασιλεία, δηλαδή εκ κυβέρνηση, σο κα νασκιαρέλας σαρέ ο προβλήματα ι τζενένγκε. a Ο Ιησούς, τριν επκάς μπρεσά, κερέλας ο πο λατσσό για τι βακερέλ ανταλά λάφια σο ντένα ζορ.—Ματθαίος 9:35.
2. Σόσκε κερέλας θαύματα ο Ιησούς;
Η Γραφή βακερέλα μπουτ «ζουρανέ ντα μπαρέ πράγματα ντα σημεία» σο “κερντάς ο Ντεβέλ αντράλ [κατά Ιησούς]”. (Πράξεις 2:22) Ι Ντεβλέσκε ζοριάσαρ, ο Ιησούς μπορίνελας τι κερέλ κουμάντος ο μπουτ ζουρανέ μπαρμπαλιά, τι παρβαρέλ χιλιάδες τζενέν, τι κερέλ λατσσές ι νασφαλέν, ατζέ-ντα τι τζουβντιαρέλ μουλέν. (Ματθαίος 8:23-27· 14:15-21· Μάρκος 6:56· Λουκάς 7:11-17) Ο θαύματα ι Ιησούσκε σικαβένας ότι μπουτσσαντάας-λες ο Ντεβέλ. Σικαντέ επίσης ότι ο Ιεχωβά τθερέλα ι ζορ τι νασκιαρέλ σαρέ αμαρέ προβλήματα.
3. Σο σικλιάσα κατά τρόπος σο τζουβντιόλας ο Ιησούς;
Ο Ιησούς ντέλας καν ι Ιεχωβάς σαρέ κο πράγματα. (Διαβάνεν Ιωάννης 8:29) Παρόλο σο μπουτ τζενέ προσπαθιντέ τι τζαν λέσαρ κόντρα, ο Ιησούς μέχρι τι μερέλ κερντάς ντιπ σο-ντα μανγκέλας λέσταρ λέσκο Ντατ. Σικαντάς ότι αβέλα-πες ο τζενέ τι υπηρετίνεν ι Ντεβλές, ατζέ-ντα κάνα ο πράγματα ισί δύσκολα. Αντικάς, ο Ιησούς “μουκχλάς αμένγκε παράδειγμας για τι ακολουθίνας λέσκε βήματα πιστά”.—1 Πέτρου 2:21.
ΧΑΝΤΖΟΥΒ ΠΟ ΑΧΟΡΤ
Ντικχ σαρ βακερέλας ο Ιησούς ο λατσσέ αμπέρια ντα σαρ κερέλας θαύματα.
4. Ο Ιησούς βακερέλας λατσσέ αμπέρια
Ο Ιησούς πφιρντάς εκατοντάδες χιλιόμετρα πραχαλέ ντρομέντε ντα βακερέλας ο λατσσέ αμπέρια καζόμ πο μπουτ τζενέντε αβέλα-πες. Διαβάνεν Λουκάς 8:1 ντα σοράν συζητίνεν ο ερωτήσεις:
-
Πουτρέλας ο Ιησούς ι Ντεβλέσκε σάντε κο τζενέ σο γκιντίντιβενας για τι ασουνέν-λες;
-
Σο προσπάθειες κερέλας ο Ιησούς για τι αρακχέλ ι τζενέν;
Ο Ντεβέλ βακερντάας ότι ο Μεσσίας κα βακερέλας λατσσέ αμπέρια. Διαβάνεν Ησαΐας 61:1, 2 ντα σοράν συζητίνεν ο ερωτήσεις:
-
Σαρ κερντάς ο Ιησούς τι νικιόλ μπαγιά ανταγιά προφητεία;
-
Πακιάσα τούι ότι ο τζενέ αντιβές τθερένα ανάγκη τι ασουνέν ο λατσσέ αμπέρια;
5. Ο Ιησούς σικλιαρντάς σημαντικές αλήθειες
Ο Ιησούς να βακερέλας σάντε ο λατσσέ αμπέρια ι Ντεβλέσκε Βασιλειάκε κο τζενέ, αλλά σικλιαρέλας-λεν σημαντικά πράγματα λένγκε ζωγιάκε-ντα. Ντικχ χάνικ παραδείγματα κατά Επί του Όρους Ομιλία σο κερντάς. Διαβάνεν Ματθαίος 6:14, 34 ντα 7:12 ντα σοράν συζητίνεν ο ερωτήσεις:
-
Καλά λατσσέ συμβουλές ντινάς ο Ιησούς ανταλέ εδαφιόντε;
-
Πακιάσα τούι ότι ανταλά συμβουλές ισί λατσσέ αντιβές-ντα;
6. Ο Ιησούς κερέλας θαύματα
Ο Ιεχωβά ντινάς κο Ιησούς ι ζορ τι κερέλ μπουτ θαύματα. Για τι ντικχές εκ παράδειγμας, διαβάνεν Μάρκος 5:25-34 ή ντικχέν ο ΒΙΝΤΕΟΣ. Σοράν συζητίνεν ο ερωτήσεις:
-
Σαρ ντικχλάμ κο βίντεος, καλέ πραγμάσκε ισινέ ντιπ σίγουρη η νασφαλί τζουβέλ;
-
Σο μπεϊντίνεσα ανταλέ θαυμάσταρ;
Διαβάνεν Ιωάννης 5:36 ντα σοράν συζητίνεν ι ερώτηση:
-
Σο “μουτθαβένας” ο θαύματα ι Ιησούσκε, ή γιαβέρτουλους σο σικαβένας λέσκε;
Τζανέας-λες;
Ο πο μπουτ πράγματα σο τζανάσα ι Ιησούσκε ισί κατά σταρ βιβλία ι Γραφιάκε σο βακέρντιβενα Ευαγγέλια—ο βιβλία Ματθαίος, Μάρκος, Λουκάς ντα Ιωάννης. Ο κάθε Ευαγγελιστής βακερντάς μερικά διαφορετικά πράγματα ι Ιησούσκε ζωγιάκε. Κάνα διαβάνασα ο σταρ-ντα βιβλία, αγαβάσα μπουτ λατσσές σαρ ισινέ η ζωή ι Ιησούσκι.
-
Ο ΜΑΤΘΑΙΟΣ
γραφιντάς πρώτος πο βιβλίος. Κερέλα λάφι ι πραγματένγκε σο σικλιαρντάς ο Ιησούς, ντα πο μπουτ ι Ντεβλέσκε Βασιλειάκε.
-
Ο ΜΑΡΚΟΣ
γραφιντάς ο πο χουρντό Ευαγγέλιος. Βακερέλα μπουτ πράγματα χάνικ λαφίντζαρ ντα ατσσικιαρέλα-τουτ τζανγκαντό.
-
Ο ΛΟΥΚΑΣ
βακερέλα καμπόρ σημαντική ισινέ η προσευχή ι Ιησούσκε ντα σαρ συμπεριφερίντιβελας κο τζουβλιά.
-
Ο ΙΩΑΝΝΗΣ
κερέλα λάφι μπουτέ πραγματένγκε σο συζητίνελας ο Ιησούς πι λατσσέ αμαλέντζαρ ντα γιαβερέ τζενέντζαρ. Ανταβά βοηθίνελα-αμέν τι αγαβάς σο τζενό ισινέ ο Ιησούς.
ΜΕΡΙΚΑ ΤΖΕΝΕ ΒΑΚΕΡΕΝΑ: «Ο Ιησούς ισινέ απλώς εκ λατσσό τζενό».
-
Τούι σο πακιάσα;
ΧΑΝΙΚ ΛΑΦΙΝΤΖΑΡ
Ο Ιησούς κερέλας λάφι ι Ντεβλέσκε Βασιλειάκε, κερέλας θαύματα ντα ντέλας καν ι Ιεχωβάς σαρέ κο πράγματα.
Σο Σικλιλάν;
-
Καγιά ισινέ η πο σημαντική μπουτί ι Ιησούσκι κάνα ισινέ κι πφουβ;
-
Σο σικαβένα ο θαύματα ι Ιησούσκε;
-
Καλά σημαντικά πράγματα σικλιαρντάς ο Ιησούς αμαρέ ζωγιάκε;
ΡΟΝΤΕ
Καλέ θεμάσκε κερέλας λάφι πο μπουτ ο Ιησούς;
«Η Βασιλεία ι Ντεβλέσκι —Σο Μανγκέλα τι Βακερέλ ι Ιησούσκε» (Η Σκοπιά 1 Οκτωβρίου 2014)
Ντικχ σόσκε μπορίνασα τι πακιάς ότι ο θαύματα ι Ιησούσκε μπαγιά αβιλέ-πες.
«Ο Θαύματα ι Ιησούσκε —Σο Μπορίνασα τι Σικλιάς;» (Η Σκοπιά 15 Ιουλίου 2004)
Διάβανε σαρ εκ μουρς αλλαντάς πι ζωή κάνα σικλιλό καμπόρ μπουτ πφαμπόλας ο Ιησούς ι γιαβερένγκε.
Ντικχ εκ πίνακας ι σημαντικέ πραγματέντζαρ κατά ζωή ι Ιησούσκι ντα ι σειράσαρ σο αβιλέ-πες.
«Κύρια Γεγονότα της Επίγειας Ζωής του Ιησού» (Μετάφραση Νέου Κόσμου, Παράρτημας Α7)
a Κο μαθήματα 31-33 κα σικλιάς πο μπουτ πράγματα ι Ντεβλέσκε Βασιλειάκε.