LEKTIONA 16

Hoi kras o Jesus, har his lo ap i phub?

PLAY

Bud menshen hi i tikno ternepen, i gosewo profeto oder i morsh, kai merella, glan i jaka, te well lenge o Jesus an o shero. Nai djinah mer budeder pral leste, har kowa? I bibla rakrell pral leskro djipen ap i phub, un hoi an leskre jaka bud moldo his. Hunte well menge kowa, hoi leske bud moldo his, ninna bud moldo?

1. Hawi bari budi kras o Jesus?

O Jesus penas pestar, leskri budi hi, te anell lo “i menshenge o Debleskro lab” pral o Debleskro Them (Dik pal an Luka 4:43). Job rakras pral i pralstuni — koja pralstuni hi an o Debleskro Them — un joi lell i tsele probleme mari phubjatar krik. a Pral ko latcho lab rakras o Jesus triin un i paash bersh peskri tseli sorjah (Mateo 9:35).

2. Hoske kras o Jesus ko baro un sorelo koowa?

I bibla rakrell pral bud “baro un sorelo koowa […] Jaake sikras o Dewel, kai o Jesus lestar was” (Bitchepangre 2:22). Dran i Debleskri soor nai kontrollieras o Jesus i natura, nai das lo bud serja menshen te chal, nai kras lo nasslen pale sassto, un nai djangras lo ninna muhlen pre (Mateo 8:23-27; 14:15-21; Marko 6:56; Luka 7:11-17). Ko baro un sorelo koowa sikras, kai was o Jesus tchatchepah o Deblestar bitchedo. Menge sikrell kowa ninna, kai hi i Jehowes koi soor, te nai lell lo i tsele probleme mendar krik.

3. Hoi sikrell menge o Jeseskro djipen?

O Jesus shunas an peskro tselo djipen, an haki situationa ap i Jehoweste (Dik pal an Johanni 8:29). Ninna, kai dan sawe, kai kaman les o tchatcho dromestar tele te anell, rikras job pes ap halauter, hoi leskro dad kamas. Bis an o merepen atchas job ap i Debleskri rig. Job sikras, kai nai rikrell pes i mensho ninna tel pharo koowa ap i Debleskre laba. Jaake “sikrell lo menge, har te djas leske pala” (1. Petro 2:21).

RODAS DUREDER

Kanna dikeh, har o Jesus i menshentsa pral o latcho lab rakras un hoske job ko baro un sorelo koowa kras.

4. O Jesus anas o latcho lab

O Jesus nashas budeder sheel kilometarja, te nai anell lo jaake bud menshenge har djala o latcho lab. Dikenn pal an Luka 8:1, un rakrenn khetne pral:

Rakras o Jesus kokres kolentsa, kai wan pash leste?
Hoi kras o Jesus halauter, te nai rakrell lo lentsa?

O Dewel penas kowa glan wi, kai anell o Messias i menshenge o latcho lab. Dikenn pal an Jesaja 61:1, 2, un rakrenn khetne pral:

Har mukas o Jesus kola profetike laba tchatchepen te well?
Hoi penals tu: Hunte hunenn i menshe an maro tsiro ninna o latcho lab?

5. I Jeseskre laba krenn maro djipen feteder

Ap koi jek rig rakras o Jesus pral o latcho lab o Debleskro Themestar. Ap koi wawar rig penas job menge ninna koowa, hoi maro djipen feteder krella. An ko rakepen, har job ap i berga his, hatsah mer sawe latche laba. Dikenn pal an Mateo 6:14, 34 un 7:12, un rakrenn khetne pral:

Hawe gosewe laba dell o Jesus an kola verse?
Hoi penals tu: Nai krenn kola laba o djipen ninna an maro tsiro feteder?

6. O Jesus kras baro un sorelo koowa

O Jehowah das i Jeses koi soor, te nai krell lo baro un sorelo koowa. Te nai hatsenn sawo baro un sorelo koowa, dikenn pal an Marko 5:25-34 oder dikenn o VIDEO, un rakrenn khetne pral:

VIDEO: O Jesus kras i djuwjat sasto (5:10)

Hoi patsas koi nasseli djuwel?
Hoi peras tuke pash ko baro un sorelo koowa pre?

Dikenn pal an Johanni 5:36, un rakrenn khetne pral:

Hoi sikrell ko baro un sorelo koowa, hoi o Jesus kras?

Djinal tu kowa?

O budester, hoi mer pral i Jeseste djinah, hatsah mer an kola star biblakre liila Mateo, Marko, Luka un Johanni. Hakeno lendar tchinas wawar details pral i Jeseste pre. Te dikah ap kola tsele details, nai haiwah, har o Jeseskro djipen his.

MATEO

Job tchinas o glanstuno liil. Kote hatsah bud pral kowa, hoi o Jesus sikras un ninna, hoi job pral o Debleskro Them penas.
MARKO

Leskro liil hi o tiknester pral i Jeseste. I laba hi gar pharo un rikrenn mari interessa djido.
LUKA

Job penas, kai his o mangepen an i Jeseskre jaka bud moldo un kai djas lo latches djuwjentsa trujel.
JOHANNI

Lestar djinah, hawo morsh o Jesus his. Job tchinas bud pre, hoi o Jesus peskre malentsa un wawarentsa rakras.