CHIIYO 16

Jesu Wakali Kuchitaanzi Naakali Aanyika?

LIZYA

Bantu bayeeya kuti Jesu wakali mwana wakali kufwaba, mupolofita uuchenjede alubo bamwi baamba kuti mwaalumi wakafwa. Pesi tulakonzya kwiiya zyiingi kuzintu nzyaakachita naakali aanyika. Muchiiyo eechi tulalanga-langa zintu nzyaakachita Jesu naakali aanyika akuti zitugwasya biyeni.

1. Nguuli mulimu uuyandikana Jesu ngwaakali kuchita?

Mulimu uuyandikana ngwaakali kuchita Jesu wakali wakwaambilizya “makani mabotu aa Bwami bwa Leza.” (Bala Luka 4:43.) Jesu wakali kukambawuka makani mabotu aali atala amfulumende yaLeza naakuti Bwaami bwaLeza kuti mbubo abulikke butazoomaninsye mapenzi aali munyika. * Jesu wakachita mulimu ooyu wakukambawuka kwaminyaka iitatu ahafu.—Matayo 9:35.

2. Zigambyo nzyaakachita Jesu zyakali kutondeezyaanzi?

Bbayibbele lyaambuula atala amilimu “mipati, zintu zigambya, azitondezyo Leza nzyaakacita” kabelesya Jesu. (Milimo 2:22) Kwiinda mukubelesya nguzu zyaLeza, Jesu wakakonzya kuumuzya guwo, kusanina bantu biingi, kuponia bachiswa akubusya bafwide. (Matayo 8:23-27; 14:15-21; Marko 6:56; Luka 7:11-17) Zigambyo nzyaakachita Jesu zyakali kutondeezya aantanganana kuti wakatumidwe aaLeza. Alubo zyakatondeezya kuti Jehova ulaamanguzu aakumaninsya mapenzi aali munyika.

3. Nzila njaakali kuponaayo Jesu ituyiisyaanzi?

Jesu wakali kuswiilila Jehova muzintu zyoonse. (Bala Johane 8:29.) Nikuba kuti wakali kukazigwa, Jesu wakachita zintu nzyaakali kubuzigwa aaWisi kusikila naakafwa. Jesu wakatondeezya kuti bantu balakonzya kukomba Leza nikuba kabali muzyiimo ziyumu. Jesu wakatusiila “citondezyo kutegwa [twiitobelesye] mikondo yakwe.”—1 Petro 2:21.

YIYA ZYIINGI

Bona Jesu mbaakakambawuka makani mabotu akuchita zigambyo.

4. Jesu wakakambawuka makani mabotu

Jesu wakali kweenda misinzo milamfu kayobukambawuka makani mabotu. Bala Luka 8:1 mpawo musandule mibuzyo iitobela:

Jesu wakali kukambawukila bantu bakali kumuzida luzutu na?
Jesu wakali kuchitaanzi kuti akonzye kukambawukila bantu biingi?

Leza wakaamba kuti Mesiya wakali kuzookambawuka makani mabotu. Bala Isaya 61:1, 2, mpawo musandule mibuzyo iitobela:

Jesu wakabuzuzikizya biyeni bupolofita oobu?
Ubonaanga bantu beelede kwaamvwa na makani mabotu?

5. Jesu wakali kuyiisya kasimpe

Nikuba kuti Jesu wakali kukambawuka makani mabotu aali atala aBwaami bwaLeza pesi wakali kuyiisya bantu mbubeelede kupona. Atulange-lange zintu nzyaakayiisya muNkambawuko Yakuchilundu. Bala Matayo 6:14, 34 a 7:12, mpawo musandule mibuzyo iitobela:

Jesu wakatyeni mumavesi aaya?
Ubonaanga nzyaakaamba Jesu zichigwasya na mazubaano?

6. Jesu wakachita zigambyo

Jehova wakapa Jesu manguzu aakuti achite zigambyo zyiingi. Kuti ubone chimwi chigambyo nchaakachita Jesu, bala Marko 5:25-34 naakuti mweebele VIDIYO. Kuzwa waawo, musandule mibuzyo iitobela.

VIDIYO: Mwanakazi Wakali Kuchiswa Wapona (5:10)

Mwanakazi ooyu wakali kusyomaanzi?
Chigambyo eechi chakuyiisyaanzi?

Bala Johane 5:36, mpawo musandule mubuzyo uutobela:

Zigambyo nzyaakachita Jesu zipa “bumboni” bwakutyeni?

Walizi na?

Zintu zyiingi nzituzi atala aJesu zyaambidwe mumabbuku aamuBbayibbele aali 4 aawambwa kuti maBbuku aaMakani Mabotu. Mabbuku aaya, kuli lyaMatayo, Marko, Luka aJohane. Mabbuku aaya aambuula makani aasiyene-siyene atala aJesu. Pesi makani woonse aaya atugwasya kuti tuzibe zintu zyakachitika mubuumi bwaJesu.

MATAYO

nguwe wakasaanguna kulemba Bbuku lyaMakani Mabotu. Bbuku eeli lyaambuula atala amakani aaBwaami bwaLeza ngaakali kuyiisya Jesu.
MARKO

wakalemba Bbuku lyaMakani Mabotu fwiifwi. Pesi bbuku eeli lyaamba zintu zyiingi zyakachitika.
LUKA

wakalemba atala ankombyo anzila njaakali kubajataayo banakazi Jesu.
JOHANE

wakalemba atala anzila Jesu njaakali kwaambuulaayo abeenzinyina abamwi bantu, eezi zitugwasya kuti tuzibe kuti Jesu wakali biyeni.