JORHENGUARHIKUA 16
¿Ambe ka ambe úspi Jesúsi enga ixú Echerirhu japka?
Sáno méntkisï, engaksï kʼuiripuecha eranhaskajka Jesúsini, charhakunksï ma eranhaskasïndi, profeta jánhasti ma o komueska nema enga uarhini jarhajkia. Peru engajtsï exeska ambe enga xáni úpka Jesúsi ixú Echerirhu, ¿uaachi sánderu ambe jorhenguarhini Jesúsiri ambe? Ini jorhenguarhikua jimbochi exeni jauaka máru ambe enga Jesúsi úpka enga kánikua jukaparhakueka ka ístuchi exeaka nénaksïni uaa marhuacheni i ambe.
1. ¿Ambe jindeespi enga Jesúsi sánderu ueenga?
Ambe enga Jesúsi sánderu ueenga jindeespti ‘aianhpini ambakiti ambe Tata Diosïri Reinueriʼ (arhinta je Lukasʌ 4:43). Jesúsi aianhpispti ambakiti ambe, eska Tata Diosï uaxastapiringa juramukua ma enga kʼamajkuapiringa iámindu problemechani engaksï kʼuiripuecha jatsiajka. a Jesúsi jánguarhintaspti tanimu uéxurhini ka terujkani ambakiti ambe aianguani kʼuiripuechani (Mateu 9:35).
2. ¿Para ambeksï marhuaspi Jesúsiri milagruecha?
Biblia uandasïndi eska Tata Diosï, Jesúsini úraparini ‘kʼérati ambe úska, ka ístu milagruechani ka míndechani’ (Ukuecha 2:22). Enga Tata Diosï íntskupka uinhapikua Jesúsini, ima anhaxustaspti k’éri tarhiatani ma, uánikua kʼuiripuechani tʼireraaspti, tsinaaspti pʼamenchatichani ka asta tsítantaaspti máru uarhirichani (Mateu 8:23-27; 14:15-21; Markusʌ 6:56; Lukasʌ 7:11-17). Milagruecha enga Jesúsi uaapka xarhatasptiksï eska Tata Diosï axaspka, ístuksï xarhatasïndi eska Tata Diosï uaaka kénditaani iámindu juchaari problemechani.
3. ¿Ambejtsïni jorhendasïni na enga irekapka Jesúsi?
Jesúsi méntkisï kurhajchasti Tata Diosï Jeobani (arhinta je Juanu 8:29). Méntkisï kurhajchaspti imeeri Taati jémbani asta uarhikuarhu jamberi ka úspti ambe enga ima arhipka, nájkirukaksï uánikuecha no uékeenga eska ísï úpiringa. Ísïjtsïni xarhatachesti eskachi uaaka marhuakuni Tata Diosïni, nájkirukachi no sési ambe nitamakuarhini jauaka. Ini ambe jingoni, Jesúsi ‘íntskuasti ejemplu’ imeeri chúxapatichani “parakaksï ísï jámapiringa eska ima na jámeenga” (1 Pedru 2:21).
JORHENGUARHI JE SÁNDERU AMBE
Ju je exeni na enga Jesúsi aianhpienga ambakiti ambe ka na enga uáuenga milagruechani.
4. Jesúsi aianhpispti ambakiti ambe
Jesúsi iauanisï niraspti aianhpini ambakiti ambe, jimeesïsï enga kánikua tʼupuri jarheenga para úni aianguani xáni uánikua kʼuiripuechani enga úpiringa. Arhinta je Lukasʌ 8:1 ka uandontskuarhi je íri ambe:
-
¿Jesúsi imeechantku aianguasïreni engaksï andarhiereenga para kurhajchani?
-
¿Ambe ka ambe xáni úspi Jesúsi para exeantani kʼuiripuechani?
Tata Diosï uandantaspti eska Mesíasi aianhpepiringa ambakiti ambe. Arhinta je Isaías 61:1, 2 ka uandontskuarhi je íri ambe:
-
¿Néna kumplirispi Jesúsi ini profesiani?
-
Chá na uandapirini, ¿jukaparhakue eskaksï iásïjtu kʼuiripuecha míteaka ambakiti ambe?
5. Jesúsi jukaparhakua ambe jorhentpispti engajtsïni marhuachejka
Jesúsi aianhpispti ambakiti aianhperakuani Tata Diosïri Reinueri ambe, peru ístu jorhentpispti imani ambe engajtsïni marhuachejka juchaari irekuarhu. Ju je exeani máru ejempluechani enga Jesúsi Sermón del Monte jorhentpipka. Arhinta je Mateu 6:14, 34 ka 7:12, ka uandontskuarhi je íri ambe:
-
¿Náki ambakiti konsejuechani íntspiaspi Jesúsi engaksï ini tekstuecharhu jaka?
-
Chá na exesïni, ¿i konsejuechaksï uaa jarhuataani kʼuiripuechani iásï?
6. Jesúsi uaaspti milagruechani
Tata Diosï Jeoba íntskuspti Jesúsini uinhapikua para uánikua milagruechani uaani. Parajtsï exeni ejemplu ma, arhinta je Markusʌ 5:25-34 o exe je BIDEUNI. Tátsekua uandontskuarhi je íri ambe:
-
Eska na xarharajka bideurhu, uarhiiti enga pʼamenchani japka, ¿ambe seguru jarhaspi eska úkuarhipiringa?
-
¿Ambeksïni sánderu ísku pakatasïni i milagrueri?
Arhinta je Juanu 5:36 ka uandontskuarhi je íri ambe:
-
¿Ambeksï xarhatasïni milagruecha enga Jesúsi uaapka?
¿Mítespijtsï ini ambe?
Sáno iámindu ambe engachi míteka Jesúsiri ambe, Bibliarhu jarhasti kuatru libruecharhu engaksï arhinhajka Ebanjeliuecha. Imeecha engaksï karaaka kuatru Ebanjeliuechani—Mateu, Markusï, Lukasï ka Juanu—uandantasptiksï sánhani ambe enga Jesúsi úpka. Iámindu i ambe sési terukuntasïndi ka úsïndi eskachi sési míteaka na enga irekapka Jesúsi.
-
MATEU
jindeespti enga orheta karapka Ebanjeliu ma. I libru imani ambe uandasïndi ambe enga Jesúsi jorhentpipka ka sánderu ima ambe enga Jesúsi uandapka Tata Diosïri Reinueri ambe.
-
MARKUSÏ
imani Ebanjeliuni karasti enga sánderu sapichueka. Ambe enga i Ebanjeliu uandantajka, ískujtsïni pakatasïndi.
-
LUKASÏ
karaspti na enga xáni jukaparhakuepka para Jesúsi kómarhikua ka na enga xáni sési kaapka nanakechani.
-
JUANU
uandantasïndi ambe enga Jesúsi uandontskuarhepka imeeri amiguecha jingoni ka ístu máteru kʼuiripuecha jingoni, ini ambe jingonchi úsïnga míteni na enga jásï kʼuiripu máepka Jesúsi.
MÁRUKSÏ I AMBE UANDASÏNDI: “Jesúsi solu ambakiti kʼuiripu máespti, ka xántku”.
-
¿Chá na exesïni?
AMBE ENGACHI JORHENGUARHIKA
Jesúsi aianhpispti Tata Diosïri Reinueri ambe, uaaspti milagruecha ka méntkisï kurhajchaspti Tata Diosï Jeobani.
Ambejtsï jorhenguarhiski
-
¿Náki jindeespi ánchikuarhita enga Jesúsi sánderu úpka jiáni enga ixú Echerirhu jámani japka?
-
¿Ambeksï xarhataspi Jesúsiri milagruecha?
-
¿Nénaksïni marhuachesïni ambe enga Jesúsi jorhentpipka?
ÍSTU EXE JE INI AMBE
¿Ambesï sánderu aianhpieni Jesúsi?
“¿Andisï jukaparhakue para Jesúsi Tata Diosïri Reinu?” (Aianhpiri, 1 de oktubri de 2014)
Exe je andichisï seguru jaki eska Jesúsi meru uaaska milagruechani.
“Jesúsiri milagruecha: ¿ambeksïni jorhendasïni?” (Aianhpiri, 15 de juliu de 2004)
Arhinta je na enga acheeti ma niárapka ménderueni irekani enga jorhenguarhipka eska Jesúsi kánikua uandanhiasïreenga máteruecha jimbo.
“Juchiiti ambe jimbojkuni uandanhiasïreenga” (Aianhpiri, 1 de oktubri de 2014)
Exe je sánderu jukaparhakua ambe enga Jesúsi úpka ka ísï eska na úkuarhipapka ambe ma.
“La vida de Jesús en la tierra” (La Biblia. Traducción del Nuevo Mundo, apéndice A7)
a Jorhenguarhikuecha 31 a 33 jimbo, uandasïndiksï sánderu ambe Tata Diosïri Reinueri ambe.
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
