FUNDO 16
Djesu Akaitei Paainga ari Panyika?
Anhu akawanda paanorangarira nge zva Djesu, awona anoona kamwana kadoko, kana mwanarume ari kufa. Asi tingafunda zvakawanda nge zvake nge kuongorora zvaakaita paainga pa nyika pano. Mu fundo ino ticaona zviro zvinokosha zvakaizwa na Djesu uye kuti izvona zvingamubetsera kudini.
1. Djesu ainyanya kuita basa rei?
Basa guru raiizwa na Djesu ngere “kuziisa masoko akanaka e Umambo wa Mwari.” (Erengai Ruka 4:43.) Iyena akaparidza nge zve masoko akanaka e kuti Mwari aizogadza Umambo, kana kuti utongi waizogadzirisa matambudziko ese e anhu. a Djesu akabvunza anhu nge zve masoko aya akanaka ke makore matatu no hafu.—Mateu 9:35.
2. Djesu aiitirei zvishamiso?
Bhaibheri rinopanganidza “mabasa e simba ne zvishamiso nozvipangidzo zvakaizwa na Mwari” eciseenzesa Djesu. (Zviito 2:22) No simba ra Mwari, Djesu akakwanisa kuimisa mugariro we kunze, kurhyisa zviuru zve anhu, kuporesa anorhwara, uye kutomutsa akafa. (Mateu 8:23-27; 14:15-21; Marko 6:56; Ruka 7:11-17) Zvishamiso zvakaizwa na Djesu zvakapangidza pamhene kuti ainga atumwa na Mwari. Zvakapangidzawo kuti Djehovha ano simba rekugadzirisa matambudziko edu ese.
3. Tinofundei pamararamiro aiizwa na Djesu?
Djesu akapurutana Djehovha pa mugariro wese we zviro. (Erengai Juau 8:29.) Kunyazi nokuteererhwa, Djesu akagondeka akaita zvaakakumbirhwa na Baba ake kuti aite dakara pakufa. yena akapangidza kuti zvinobvira kuseenzera Mwari kunyazi pamigariro inoshupha. Ngekudaro, Djesu akatisira ‘muezaniso kuti tihambe tecitsika ne maakatsika namo.’—1 Pedru 2:21.
FUNDAI ZVAKAWANDA
Onai kuti Djesu akaparidzira kudini nge zve masoko akanaka uye zvishamiso zvaakaita.
4. Djesu aiparidzira masoko akanaka
Djesu akahamba mazana e makirometro mu makwanza anobukuta, eciparidzira masoko akanaka ku anhu akawanda. Erengai Ruka 8:1, pedzepo cedzai nge zve mibvunzo dzinoteera:
-
Djesu akaparidzira basi anhu aimuunganira kuti amuzwe here?
-
Djesu aiitei kuti agumire anhu ekuparidzira?
Mwari akareketa kuti Mesiya aizoparidzira masoko akanaka. Erengai Isaya 61:1, 2, pedzepo cedzai nge zve mibvunzo dzinoteera:
-
Djesu akadzadzisa kudini uphorofita uu?
-
Munorangarira kuti anhu nyamasi uno angadawo kuzwa masoko akanaka here?
5. Djesu akafundisa cokwadi cinokosha
Pane kuparidzira basi nge zve masoko e Umambo wa Mwari, Djesu akafundisa fundo dzinobetsera. Onai miezaniso imweni ye mharidzo yake ino mbiri inozwi Mharidzo ye pa Dunhu. Erengai Mateu 6:14, 34 uye 7:12, pedzepo cedzai nge zve mibvunzo dzinoteera:
-
Mazano api akapaswa na Djesu anoseenza mu upenyu?
-
Munorangarira kuti mazano awona aciri kuseenza here?
6. Djesu akaita zvishamiso
Djehovha akapasa Djesu simba rekuita zvishamiso zvakawanda. Kuti tione cishamiso cimweni, erengai Marko 5:25-34 kana kuti ridzai VHIDHIYO. Pedzepo, cedzai nge zve mibvunzo dzinoteera.
-
Mwanakadzi wairhwara wainga no cokwadi cei?
-
Mapfarirei pa cishamiso ici?
Erengai Juau 5:36, pedzepo cedzai nge zve mubvunzo unoteera:
-
Zvishamiso zva Djesu “zvakapupurirei” kana kuti zvakapangidzei nge zvake?
Maizviziya here?
Zvijinji zvatinoziya nge zva Djesu zvinobva mumabhuku marongomuna e Bhaibheri anozwi ma Evhangeri anoti: Mateu, Marko, Ruka, na Juau. Mutari umwe na umwe e maEvhangeri aya pano zviro zvaakatara zvisikazi kutarhwawo ne amweni. Patinoerenga mabhuku ese marongomuna, tinoguma pakuzwisisa upenyu wa Djesu.
-
MATEU
ndiyena wakatanga kutara Evhangeri rake. Unokohomedzesa zvakafundiswa na Djesu maka-maka zvakaringana no Umambo wa Mwari.
-
MARKO
wakatara Evhangeri rakadodoka kudarika ese. Rakadzara ne zvishamiso zvaiizwa na Djesu.
-
RUKA
unonyanya kukoshesa munamato uye mabatiro aiita Djesu anakadzi.
-
JUAU
wakatara masoko aireketwa na Djesu paaireketa ne shamwari dzake uye ne anhu amweni. Zvinotibetsera kuona unhu wainga na Djesu.
ANHU AMWENI ANOTI: “Apana caishamisa pana Djesu, aingawo munhu akanaka basi.”
-
Imwimwi munoonawo kudini?
MUCIGWAGWA
Djesu akaparidza nge zve Umambo wa Mwari, akaita zvishamiso uye akazwira Mwari pa migariro yese ye zviro.
Mibvunzo yekuhwirinzira
-
Djesu ainyanya kuita basa ripi paainga ari pa nyika?
-
Zvishamiso zva Djesu zvaipangidzei ne zvake?
-
Djesu akafundisa fundo dzipi dzinobetsera mu upenyu?
ZIYAI ZVAKAWANDA
Djesu ainyanya kureketa nge zvei?
“Kukosha Kunoita Umambo wa Mwari Kuna Djesu” (Murindiri, wa 1 ya Otubro ya 2014)
Onai kuti ngei tingagonda kuti zvishamiso zva Djesu zvakaitika kamare.
“Tingafundei no Zvishamiso zva Djesu?” (Murindiri, wa 15 ya Khunguru ya 2004, mu ciShona)
Erengai kuti muezaniso wa Djesu wekudzipira wakabata-bata kudini mwanarume umweni.
“Ndairarama Ndecindorangarira nge Zvangu Basi” (Murindiri, wa 1 ya Otubro ya 2014)
Onai zviitiko zvikuru zve basa rekuparidzira ra Djesu zvakarongeka maererano no nguwa.
a Fundo 31-33 icareketa zvakawanda nge zve Umambo wa Mwari.
