16-ТӤ УРОК
Мар кариз Иисус музъем вылын?
Тросэз адямиос малпало, Иисус Христос — со али гинэ вордӥськем пинал, визьмо пророк яке курадӟыса кулӥсь адями шуыса. Нош мар эшшо тодмо на Иисус сярысь? Мар со кариз музъем вылын? Та урокысь тӥ тододы, мар Иисус понна валтӥсез вал но кызьы сое тодон тӥледлы юрттыны быгатоз.
1. Кыӵе уж Иисус понна валтӥсез вал?
Тани мар вераз ачиз Иисус: «Инмар Эксэйлык сярысь Ӟеч Иворез Мон вераны кулэ». (Лыдӟе Лукалэсь 4:43.) Иисус ӟеч иворез вераз, Инмар кылдытоз шуыса эксэйлык, яке кивалтэт, кудӥз адямиослэсь вань шуг-секытъёссэс быдтоз a. Куинь но ӝыны ар ӵоже Иисус та ужез быдэсъяз. Со понна со аслэсьтыз дырзэ но, кужымзэ но ӧз жаля (Матфей 9:35).
2. Малы Иисус паймымон ужъёс лэсьтылӥз?
Библиын верамын, Инмар Иисус пыр кужмоесь, паймымонэсь ужъёс лэсьтылӥз но паймымонэсь тодметъёс возьматылӥз шуыса (Апостолъёслэн ужъёссы 2:22). Иисус Инмарлэн кужыменыз быгатэ вал косыны чалмытскыны тӧлэз, зарезез, быгатэ вал трос сюрс адямиосты сюдыны, висисьёсты эмъяны озьы ик кулэмъёсты но улӟытъяны (Матфей 8:23—27; 14:15—21; Марк 6:56; Лука 7:11—17). Иисусэн лэсьтэм паймымон ужъёс возьмато, сое Инмар ыстӥз шуыса. Со сяна, соос возьмато, Иеговалэн кужымез вань шуыса милесьтым шуг-секытъёсмес быдтыны.
3. Малы дышетэ милемыз Иисуслэн улонэз?
Иисус котьку Иеговалэсь кылзӥськиз. (Лыдӟе Иоаннлэсь 8:29.) Солы люкетыны тыршизы ке но, со лэсьтӥз сое, мае куриз Атаез. Иисус возьматӥз, туж секыт югдуръёсы но адямиос Инмарлэсь кылзӥськыны быгато шуыса. Озьы Иисус, «Солэн пытьы кузяз мед мыномы шуыса, асьмелы адӟем карон кельтӥз» (1 Пётр 2:21).
МУРГЕС ЭСКЕРЕ
Тросгес тодэ, кызьы Иисус ӟеч иворез вераз но паймымон ужъёс лэсьтӥз.
4. Иисус ӟеч иворез вераз
Иисус трос сю иськемъёс тузон сюресъёстӥ ортчиз, ӟеч иворез тросгес адямиос мед кылозы шуыса. Лыдӟе Лукалэсь 8:1 но та юанъёслы валэктонъёс сётэ:
-
Вераз-а Иисус ӟеч иворез соослы гинэ, кинъёс сое кылзыны люкаськылӥзы?
-
Кӧня кужым пононо луиз Иисуслы, адямиослы ӟеч иворез веран понна?
Инмар азьло ик вераз, Мессия адямиослы ӟеч иворез вералоз шуыса. Лыдӟе Исаиялэсь 61:1, 2 но та юанъёслы валэктонъёс сётэ:
-
Кызьы Иисус вылын та азьпалзэ ивортон быдэсмиз?
-
Кызьы тӥ малпаськоды, та ӟеч ивор адямиослы туннэ кулэ-а?
5. Иисус пайдаё визь-кенешъёс сётӥз
Иисус, Эксэйлык сярысь ӟеч иворез верам сяна, адямиослы пайдаё визь-кенешъёс сётъяз на. Учкомы куд-ог визь-кенешъёсты, кудъёссэ со сётӥз, гурезь йылын тодытыкуз. Лыдӟе Матфейлэсь 6:14, 34 но 7:12, собере та юанъёслы валэктонъёс сётэ:
-
Кыӵе пайдаё визь-кенешъёсты шедьтыны луэ Иисуслэн та кылъёсысьтыз?
-
Кызьы тӥ малпаськоды, та визь-кенешъёс туннэ юрттыны быгатозы-а?
6. Иисус паймымон ужъёс лэсьтӥз
Иегова Иисуслы кужым сётӥз паймымон ужъёс лэсьтыны. Учкомы одӥг учырез. Лыдӟе Марклэсь 5:25—34 яке учке ВИДЕОРОЛИКЕЗ. Собере та юанъёслы валэктонъёс сётэ:
-
Малы оске вал висись кышномурт?
-
Мар тӥледлы тужгес но кельшиз та учырысь?
Лыдӟе Иоаннлэсь 5:36 но та юанлы валэктон сётэ:
-
Мар сярысь веразы Иисуслэн паймымон ужъёсыз?
Тодӥськоды-а тӥ?
Библиын Иисус сярысь тросгес верамын ньыль книгаосын. Соосты гожтӥзы Матфей, Марк, Лука но Иоанн. Котькудӥз соос пӧлысь Иисуслэн улонысьтыз кыӵе ке учыр сярысь пыр-почгес вера. Со книгаосты лыдӟыса, ми тросгес тодыны быгатӥськомы Иисуслэн быдэс улонэз сярысь.
-
МАТФЕЙ
вал нырысетӥез, кин гожтӥз аслэсьтыз книгазэ. Сое лыдӟыса, ми тодӥськомы, малы дышетӥз Иисус. Матфей тужгес но бадӟым саклык висъяз солы, мар вераз Иисус Инмарлэн Эксэйлыкез сярысь.
-
МАРК
самой вакчи книга гожтӥз. Озьы ке но отын трос пӧртэм учыръёс сярысь верамын.
-
ЛУКА
вера со сярысь, макем дунъяз Иисус вӧсяськонэз но макем лякыт со ассэ возиз кышномуртъёсын.
-
ИОАНН
гожтэ трос учыръёсты, кытысь адӟыны луэ, кызьы Иисус вераськиз матысь эшъёсыныз но мукет адямиосын. Иисуслэсь кылъёссэ лыдӟыса, ми тодыны быгатӥськомы солэсь сямъёссэ.
КИН КЕ НО ВЕРАНЫ БЫГАТОЗ: «Иисус — со Инмар».
-
Нош тӥ кызьы малпаськоды?
ТОДЭ ВАЁН
Иисус Инмарлэн Эксэйлыкез сярысь вераз но паймымон ужъёс лэсьтӥз. Со котьку Иеговалэсь кылзӥськиз.
Мае тон тодӥд?
-
Кыӵе уж Иисус понна валтӥсез вал?
-
Мар сярысь веразы Иисуслэн паймымон ужъёсыз?
-
Кыӵе визь-кенешъёс сётӥз Иисус?
ТРОСГЕС ТОДЭ
Малы ми оскыны быгатӥськомы, Иисус зэмзэ ик паймымон ужъёс лэсьтӥз шуыса?
Лыдӟе, кызьы одӥг пиосмуртлэн улонэз воштӥськиз, куке со тодӥз, макем Иисус сюлмаськиз адямиос сярысь.
«Мон асме гинэ тодыса улӥ» («Возьмаськон башня», 2014-тӥ ар, 1-тӥ коньывуон)
Тодэ Иисуслэн улонысьтыз валтӥсь учыръёс сярысь, кудъёсыз таблицаын бӧрсьысь бӧрсе ортчемзыя гожтэмын.
«Иисуслэн музъем вылын улонысьтыз валтӥсь учыръёс» («Инмарлэн Кылыз мутусъёсын но схемаосын»)
a Инмарлэн Эксэйлыкез сярысь пыр-почгес верамын 31—33-тӥ урокъёсын.
