დუდ 16
მუ აკეთ იესოქ, მუჟამსით დედამიწას რდჷ?
ბრელ იესოს წერმიდგინენს, მუჭოთ ახალ დაბადებულ ბაღანას ვარდა ბრძენ წინასწარმეტყველს. მარა თიშ ცხოვრებაშ გიმორკვიებათ შემლებნა, იესოშ გურშენ უმოს გებგათ. თე დუდის გუვარჩიენთ ნამთინე არძაშ უმოს მნიშვნელოვან საქმეს, მუთ იესოქ აკეთ დო ქოძირუნთ, მუ ჯგირობუა შილებე თექ მოიღან.
1. მუ რდჷ იესოშ მთავარ საქმე?
იესოშ მთავარ საქმე რდჷ, გაცხადკო „სახიოლო ამბე ღორონთიშ სამეფოშ გურშენ“ (წეკითხით ლუკაშ 4:43). თინა ქადაგენდჷ სახიოლო ამბეს, ნამდა ღორონთ დაარსენდჷ სამეფოს, ხელისუფლებას, ნამუთ მაგვარენდჷ კაცობრიობაშ არძა პრობლემას. a იესო სუმ წანა დო გვერდის უშულადუო გინოჩანდჷ ხალხის თე გურიშემაკინალ ცნობას (მათე 9:35).
2. მუ რდჷ იესოშ სასწაულეფიშ მიზან?
ბიბლია მირაგადანა, ნამდა „ღორონთიქ . . . თიშ [იესოშ] საშვალებათ სასწაულეფ, გასაკვირ მოვლენეფ დო ნიშნეფ აკეთ“ (საქმეები 2:22). ღორონთიშ ძალათ იესოს შეულებუდ, აკონტროლკო ამინდ, ოჭკუმალ ქოჩკო ანთასეფს, დასქილიდუკო ლეხეფ დო ღურელეფ ხოლო გათელკო (მათე 8:23—27; 14:15—21; მარკოზი 6:56; ლუკა 7:11—17). თიშ სასწაულეფქ დამტკიც, ნამდა ღორონთიშ მოშქუმალირ რდჷ დო თინა ხოლო ოძირუ, ნამდა ღორონთის უღჷ ძალა, მაგვარას ჩქინ არძა პრობლემა.
3. მუშ გურაფა შემლებნა თევრეშე, მუჭო ცხოვრენდჷ იესო?
იესო არძანერ სიტუაციაშ დროს ომორჩილუდ იეჰოვას (წეკითხით იოანეშ 8:29). წინააღმდეგობეფიშ უმკუჯინუო, თიქ ღურაშახ ართგურო გაკეთ ირფელ, მუდგაშ კეთება მუშ მუმაქ დავალ. თიქ დამტკიც, ნამდა, მუდგა რთულ მდგომარეობა ვა უღდანინ, ადამიანეფს შეულებნა ემსახურან ღორონთის. თეშნერო იესოქ „მაგალით დომტეს, ნამდა ზუსტას გივაჸუნათ თიშ ნაკვალუს“ (1 პეტრე 2:21).
ქიგეგით უმოს
ქიდეკვირით, მუჭო აცხადენდჷ იესო სახიოლო ამბეს დო მუჭო ორთუდ სასწაულეფს.
4. იესო აცხადენდჷ სახიოლო ამბეს
იესო ოშობით კილომეტრის მიშჷ ტვერამ შარას, ნამდა მუთ შილებე მეტ პიროვნებას გეგნოჩკო სახიოლო ამბე. წეკითხით ლუკაშ 8:1 დო უკულ გარჩით თუდო მოჩამილ კითხვეფ:
-
ხვალე თინეფს უქადაგუდუო იესო, მით თიშ ორჩქილშა რდეს მოულირ?
-
მუჭო ოცადუდ იესო ხალხიშ გორუას?
ღორონთიქ იწინასწარმეტყველ, ნამდა მესია გაცხადენდჷ სახიოლო ამბეს. წეკითხით ესაიაშ 61:1, 2 დო უკულ გარჩით თუდო მოჩამილ კითხვეფ:
-
მუჭო შეასრულ იესოქ მესიაშე რაგადებულ თე წინასწარმეტყველება?
-
მუჭო ფიქრენთ, ქასაჭირუნო ხალხის ამდღა სახიოლო ამბეშ მორჩქილაფა?
5. იესო ოგურუანდჷ ძვირფას ჭეშმარიტებას
ღორონთიშ სამეფოშ გურშენ სახიოლო ამბეშ ქადაგებაწკუმა ართო, იესო პრაქტიკულ საკითხეფშე ხოლო ოგურუანდჷ ხალხის. გუვარჩუათ მუსხირენ მაგალით გვალას ქადაგებაშე. წეკითხით მათეშ 6:14, 34 დო 7:12 დო უკულ გარჩით თუდო მოჩამილ კითხვეფ:
-
მუ პრაქტიკულ რჩევეფ მუჩეს იესოქ თე მუხლეფს?
-
მუჭო ფიქრენთ, ამდღა ხოლო გიმმოდირთუნანო თე რჩევეფ?
6. იესო სასწაულეფს ორთუდ
იეჰოვაქ იესოს ძალა მეჩჷ ბრელ სასწაულიშ ოკეთებელო. ართ-ართ მაგალითიშ ოძირაფალო წეკითხით მარკოზიშ 5:25—34 ვარდა ქოძირით ვიდეო. უკულ გარჩით თუდო მოჩამილ კითხვეფ.
-
მუშა რდჷ დარწმუნებულ დალახებურ ოსურკოჩ?
-
მუქ მიგეწონეს თე სასწაულშე?
წეკითხით იოანეშ 5:36 დო უკულ გარჩით თუდო მოჩამილ კითხვა:
-
მუს ამტკიცენდჷ იესოშ გურშენ თიშ სასწაულეფ?
ქოიჩქუდესო?
თი ინფორმაციაშ უმენტაშ, მუთ იესოშ გურშენ მიჩქნა, გერსხილ რე ოთხ ბიბლიურ წიგნშა, ნამდგას სახარებეფ ჯოხო. თენეფ რე: მათე, მარკოზი, ლუკა დო იოანე. თითოულ სახარებაშ მაჭარალ შხვადოშხვა დეტალს მიშინუანს იესოშ გურშენ. თე დეტალეფს ართიანწკუმა დუვაკავშირენთ-და, თიშ ცხოვრებაშ მთლიან სურათის ქობძირუნთ.
-
მათე
რდჷ პირველ სახარებაშ მაჭარალ. თინა ეჭარუნს იესოშ გურაფეფს, განსაკუთრებულო თის, მუს ოგურუანდჷ იესო ღორონთიშ სამეფოშ გურშენ.
-
მარკოზი
რდჷ მაჭარალ, ნამდგაქ არძაშ უმოს ჭიჭე სახარება ჭარჷ. თინა ბრელ საინტერესო შემთხვევას ეჭარუნს.
-
ლუკა
განსაკუთრებულ ყურადღებას ამახვილენს ლოცვაშა დო თიშა, მუჭო ოქცუდ იესო ოსურკათას.
-
იოანე
ეჭარუნს, მუჭო ეჩიებუდ იესო მუშ ხოლოშიან მეგობრეფს დო შხვეფს. თეშნერო, ბრელ მუდგარენს ბგებულენთ იესოშ პიროვნებაშ გურშენ.
ნამთინექ შილებე თქუას: „იესო უბრალოთ ჯგირ კოჩ რდჷ“.
-
თქვა მუჭო ფიქრენთ?
დასკვნა
იესო ქადაგენდჷ ღორონთიშ სამეფოშ გურშენ, ორთუდ სასწაულეფს დო ომორჩილუდ იეჰოვას არძანერ სიტუაციაშ დროს.
გამეორებელ კითხვეფ
-
მუ რდჷ იესოშ მთავარ საქმე დედამიწას?
-
მუს ამტკიცენს იესოშ სასწაულეფ?
-
მუ პრაქტიკულ საკითხეფშე ოგურუანდჷ იესო?
დამატებით მასალა
მუ საკითხიშ გურშენ იჩიებუდ იესო უმენტაშო?
„ღორონთიშ სამეფო — მუშენ რე იესოშო თენა მნიშვნელოვან“ („გინაჯინალ კოშკი“ 1 ოქტომბერი, 2014 წ.)
დეფიქრით, მუშენ შემლებნა ბჯერდან, ნამდა იესოშ სასწაულეფქ მართალო მოხვად.
„მუშ გურაფა შეილებნა იესოშ სასწაულეფშე?“ („გინაჯინალ კოშკი“ 15 კვირკვე, 2004 წ.)
წეკითხით, მუჭო იმოქმედ ართ კოჩშა იესოშ დუდგინოდვალირობაშ მაგალითიქ.
„ხვალე ჩქიმ დუდშო ფცხოვრენდჷ“ („გინაჯინალ კოშკი“ 1 ოქტომბერი, 2014 წ.)
ქოძირით იესოშ მსახურებაშ მთავარ მოვლენეფ ქრონოლოგიურო.
„იესოშ დედამიწას ცხოვრებაშ მთავარ მოვლენეფ“ („ბიბლიაშ ახალ ქვეყნიერებაშ თარგმან“, დანართ ა7)
a 31—33 დუდეფს უმოს დეტალურო რე გარჩიებულ ღორონთიშ სამეფოშ გურშენ.
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
