DILONGI 16
Mambu mbi Yesu kavanga bokaba va mbata ntoto?
Batu bawombo beta mona Yesu banga muana tsombi, m’bikudi, voti banga mutu weka nduka fua. Vayi mambu mbi tulenda zaba ti tulongukidi luzingu luandi lu mbata ntoto? Matutubila mambu mankaka mamfunu mo Yesu kavanga ayi matumona bue matutadidi.
1. Kisalu mbi kingudi kio Yesu kabesalanga?
Kisalu kingudi ki Yesu kiba “samuna nsamu wumboti wu Kimfumu ki Nzambi.” (Tanga Luka 4:43.) Nsamu wumboti kabe samunanga, nsamu beni wutuba ti: Nzambi wela tula kimfumu voti luyalu, lo luela manisa mambu moso ma ziphasi madi va nza. * Yesu wusamuna nsamu beni wuvuvu mu kondo vonga mu mimvu mitatu ayi ndambu.—Matayi 9:35.
2. Bikumu bi Yesu mbi bimonisa?
Bibila kiyolukidi ‘mavanga mawombo malulendo, bikumu ayi bidimbu biobi Nzambi kavanga mu nzila Yesu.’ (Mavanga 2:22) Mu ngolo zi Nzambi, Yesu wununga lembika miphepi, minlangu, dikila batu bawombo, belusa batu ayi fulukisa batu. (Matayi 8:23-27; 14:15-21; Malako 6:56; Luka 7:11-17) Bikumu bi Yesu, bimonisa ti Nzambi wuntuma. Bimonisa ti Yehova kalenda manisa mambu moso mammonisa batu phasi.
3. Mambu mbi tueka longuka matadidi luzingu lu Yesu?
Yesu wube vanganga luzolo lu Siandi thangu zioso. (Tanga Yowani 8:29.) Bulendakana minkaku, Yesu wuvanga luzolo lu Siandi na tii kutsuka yi luzingu luandi. Wumonisa ti batu balenda kuawu sadila Nzambi buba ti ziphasi. Diawu Yesu ‘wutubikila kifuani muingi tulandakana bumboti mboti bitambi biandi.’—1 Piela 2:21.
TUVISA MBOTI MBOTI
Tutala mambu mo Yesu kavanga mu diambu di zabikisa nsamu wumboti ayi tutubila bikumu bio kavanga.
4. Yesu wuzabikisa nsamu wumboti
Mu diambu di samuna nsamu wumboti kuidi batu bawombo, Yesu wudiata zikhama zi zikilometre mu dimalu. Tanga Luka 8:1 ayi vana mimvutu mu biuvu biabi:
-
Yesu wusamunina kaka batu bo beba kuiza kum’batanga?
-
Yesu zingolo mbi kabe tulanga mu kue bati batu bobo kafueti samunina?
Nzambi wubikula ti Mesiya wela samuna nsamu wumboti. Tanga Yesaya 61:1, 2 ayi vana mimvutu mu biuvu biabi:
-
Bue Yesu kalungisila mbikudulu yayi?
-
Bue wummuena mu tsunngi yayi, batu phuila yiwombo badi yiwa nsamu wumboti?
5. Yesu wulongisa kiedika kimfunu
Yesu wulongisa nsamu wumboti wu Kimfumu ki Nzambi, vayi wulonga phe malongi mo batu balenda sadila. Tutala ndambu bifuanusu bio tulenda baka mu disolo dio katuba ku mbata mongo. Tanga Matayi 6:14, 34 ayi 7:12, ayi vana mimvutu mu biuvu biabi:
-
Zindongi mbi zio Yesu kaveni mu ziverse ziazi?
-
Bue wummuena, zindongi beni mfunu kaka zidi tii mu lumbu kiaki?
6. Yesu wuvanga bikumu
Yehova wuvana Yesu lulendo luvangila bikumu. Tubonga kifuani: Tanga Malako 5:25-34 voti Tala VIDEO. Ayi vana mimvutu mu biuvu biabi bilandikini.
-
Mambu mbi nketo nio wube bela kabela vuvu?
-
Diambu mbi diyitukisidi mu kumu beni?
Tanga Yowani 5:36 ayi vana mvutu mu kiuvu kiaki:
-
Bikumu bio Yesu kavanga mbi bimmonisa?
Wubedi buzabilanga?
Mambu mo tuzebi matadidi Yesu, mu mikanda minya mi Bibila madi, minkanda beni mitedolo zi Evanzeli: Matayi, Malako, Luka ayi Yowani. Kadika Evanzeli yitubidi diambu dimona ditadidi Yesu. Mambu moso momo, matusadisidi tuzaba bue luzingu lu Yesu lubela.
-
MATAYI
niandi wuba wutheti mu sonika Evanzeli. Wutubila buwombo malongi ma Yesu vayi wuluta tubila mambu momo matadidi Kimfumu ki Nzambi.
-
MALAKO
niandi wusonika Evanzeli yilutidi kufa. Wutubila buwombo mambu mo mavanga Yesu.
-
LUKA
niandi wutubila buwombo lusambulu ayi phila yoyi Yesu kabe vangilanga baketo mambu.
-
YOWANI
wutubila buwombo masolo mo Yesu kabe solulanga ayi bakundi bandi voti ayi batu bankaka. Nkanda beni wutubidi buwombo bumutu bu Yesu.
BATU BANKAKA BETA TUBA TI: “Yesu wuba kaka mutu mboti.”
-
A ngeyo, bue wum’banzila?
MU BUKHUFI
Yesu wusamuna Kimfumu ki Nzambi, wuvanga bikumu ayi wuvanga luzolo lu Yehova thangu zioso.
Phutukulu
-
Kisalu mbi kingudi Yesu keba salanga bo kaba va ntoto?
-
Bikumu bio Yesu kavanga mbi bimonisa?
-
Malongi mbi tulenda sadila mu luzingu lueto mo Yesu kalonga?
TALA MAMBU MANKAKA
Mambu mbi Yesu kabe luta tubilanga?
Bi bila bio tufueti wilukila ti bikumu bi Yesu bisalama.
“Makamwisi ya Yesu ekoki koteya yo nini?” (Linɔ́ngi ya Mosɛnzɛli ya 15/07/2004)
Bakala dimosi wuyiza balula luzingu luandi bo kayiza bakula ti Yesu wukivana buwombo mu diambu di batu bankaka.
“Nazalaki koluka kaka matomba na ngai moko” (Linɔ́ngi ya Mosɛnzɛli ya 01/10/2014)
Mambu mangudi ma kisalu ki Yesu ma monusunu mu ndandasani yi mimvu (Chronologie)
^ Malongi 31 na tii 33 mela luta tubila Kimfumu ki Nzambi.
