Ora riníʼcabe de Jesús stale binni riníʼ ique nácabe ti baʼduhuiiniʼ, ti profeta ni nuu xpiaaniʼ o ti hombre ni biiticabe lu ti yaga. Peru ¿ñee cadi rábiluʼ pa guni estudiarnu xi guiráʼ bíʼnibe dxi guyuube ndaaniʼ Guidxilayú riʼ zanda gunibiaʼnu laabe jma la? Lu lección riʼ zadúʼyanu caadxi cosa ni jma risaca biʼniʼ Jesús dxi guyuu ndaaniʼ Guidxilayú riʼ ne ximodo zanda gacané ni lii.

1. ¿Gunáʼ nga dxiiñaʼ jma risaca biʼniʼ Jesús?

Dxiiñaʼ ni jma risaca biʼniʼ Jesús nga biʼniʼ «predicar ca noticia galán stiʼ Reinu stiʼ Dios» ra nuu binni (biindaʼ Lucas 4:​43). Ne noticia galán ni guníʼ Jesús nga chigueedané Dios ti reinu o ti gobiernu ni chiguni chaahuiʼ guiráʼ guendanagana napa binni guidxilayú. a Chonna iza arondaʼ nga biʼniʼ predicar Jesús mensaje galán riʼ ra nuu binni (Mateo 9:​35).

2. ¿Xi bisihuinni ca milagru biʼniʼ Jesús?

Biblia ná biseendaʼ Dios Jesús para «guni milagru, guni cosa ni guidxagayaa binni ne bidii señal pur mediu de laabe» (Hechos 2:​22). Pur poder ni bidii Dios Jesús gunda bicueeza ti tormenta, bidii ni gó mil de binni, bisianda binni huará ne dede gundisaʼ binni ni maʼ guti (Mateo 8:​23-​27; 14:​15-​21; Marcos 6:​56; Lucas 7:​11-​17). Bisihuinni guiráʼ milagru biʼniʼ Jesús Dios nga biseendaʼ laa. Laaca bisihuínnibe napa Jehová poder para guni chaahuiʼ guiráʼ guendanagana ridxaagalú binni.

3. ¿Xi zanda guizíʼdinu de modo bibani Jesús?

Siempre bizuubaʼ Jesús stiidxaʼ Jehová (biindaʼ Juan 8:​29). Dede dxi gútibe qué nucheenebe Bixhózebe, bíʼnibe guiráʼ ni biʼniʼ mandar laabe neca stale tu gucalaʼdxiʼ nucueeza laabe. Ne pur modo bibani Jesús bisihuinni zanda guzúʼbanu stiidxaʼ Dios neca guidxaagalunu guendanagana. Ne zacá gudixhe Jesús «ti ejemplu» para chinanda ca xpinni, casi peʼ modo gudíxhebe ni (1 Pedro 2:​21).

 6. Biʼniʼ Jesús stale milagru

Bidii Jehová poder Jesús para guni stale milagru. Para gúʼyatu ti ejemplu de ni caninu riʼ, laguundaʼ Marcos 5:​25-​34 o laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:

• Casi bihuinni lu videu riʼ, ¿xi nanna gunaa riʼ zanda guni Jesús pur laa?

• ¿Xii nga ni jma guyuuláʼdxiluʼ de milagru ni biʼniʼ Jesús riʼ?

Laguundaʼ Juan 5:​36 ne laiquiiñeʼ ca pregunta riʼ para güitu diidxaʼ:

• ¿Xi bisihuinni ca milagru biʼniʼ Jesús?

 XI BIZÍʼDINU

Biʼniʼ predicar Jesús ca noticia galán stiʼ Reinu stiʼ Dios, bíʼnibe milagru ne qué nusaana de nuzuubabe stiidxaʼ Jehová.

Xi biziidiluʼ

• ¿Gunáʼ nga dxiiñaʼ jma risaca biʼniʼ Jesús dxi guyuu lu Guidxilayú riʼ?

• ¿Xi bisihuinni ca milagru biʼniʼ Jesús?

• ¿Xi bisiidiʼ Jesús ni zanda gacané laanu?