WIRIKAPAI 16

Ginipai Yesu Amangihe ho Ko Adu ni Auru Kpotosende Ane?

SI TONA MANGASUNGE

Dungu aboro naberã pa Yesu ni kungbo fogogude, gu nebi du na tatamana watadu ni gu kumba nakpi. Ono Ya mo ani rengbe ka wirika dungu apai tipa ko ni wisigo ani gako raka auru kpotosende ane? Rogo gi wirikapai re, ani nika sakapai tipa bete gu nyanyakipa apai Yesu amangihe na wai si narengbe ka undo ro.

1. Ga Yesu nyanyakipa sunge angia gine?

Ga Yesu nyanyakipa sunge angia ‘tungusa gu wene pangbanga nga ga ga Mbori ngbi.’ (Mo gedi Ruka 4:43.) Ko aatungusa gu wene pangbanga nga Mbori nika sigira gu kindo watadu zogarago, nga gu nika nyasa riipa agu akpakarapai dunduko nga ga wiri aboro. a Tipa agarã biata na beberehe, Yesu amangisunge nyanyaki ka gumba gi wene pangbanga nafu ngarasaro re fu kura aboro.—Matayo 9:35.

2. Gini ndupai Yesu anaamanga iiriwoapai ti ni?

Baibiri nasakapai tipa gu dungu apai du na ‘tandu na iiriwoapai na agu apai i aina pai ti ni, Mbori anamanga ha rogo [Yesu] yo.’ (Amokedi 2:22) Mbori afu ome fu Yesu ko rugusi wege, ko rigi akutu aboro, ko husi aboro be kaza, na zavura ki zingisi aboro be kpio. (Matayo 8:23-27; 14:15-21; Marako 6:56; Ruka 7:11-17) Ga Yesu iiriwoapai aima yugoho gbaiga nga Mbori nakedi ko. Na si aima yugoho a nga Yekova na ome be ko ka nyasa riipa gaani akpakarapai dunduko.

3. Ginipai rengbe ani ka wirikaha ti gu gene Yesu araki ngbaha?

Yesu anaagia sangba Yekova rogo apai yo dũ. (Mo gedi Yoane 8:29.) Wa asogote avura du vurũ, Yesu anaamanga gupai ni ruruko Bako aaida ko mangihe da ti gu regbo ko akpi ti ni. Ko ayugu gupai nga aboro ima rengba ka iriso Mbori zavura ti regbo akpakarapai. Sidu, Yesu amoi ‘kpia pai fu, [rani] ani peke fuo ko.’—1 Petero 2:21.

MO WIRIKI KURA DUNGU APAI

Mo bingo wai Yesu anaatungusa wene pangbanga na kini mangi iiriwoapai.

4. Yesu anaatungusa wene pangbanga

Yesu anaandu tipa dungu kama amairo ngba gu gene naadu na nvutu, kaa tungusa wene pangbanga fu aboro wa ome ko arengbe na ni. Mo gedi Ruka 8:1, na tifuoho, mo ki sakipai tipa agi asanahe re:

Ya mo Yesu anaatungusapai sa fu kina agu aboro naadunguratiyo kaa dega tuyo fuko?
Gini ome Yesu anaamangaha tipa ka gbia aboro?

Mbori agumba gupai kumbatayo nga Masiya nika tungusa wene pangbanga. Mo gedi Yesaya 61:1, 2, na tifuoho, mo ki sakipai tipa agi asanahe re:

Waigu Yesu adigisi gi sangbanebi re?
Ya mo mo nabihe nga agu aboro du areme si naida i gi gi wene pangbanga re?

5. Yesu ayugu nyanyakipa arengo

Ku pati tungusa gu wene pangbanga du tipa ga Mbori Kindo, Yesu ayugu agu apai nadu na undo ti ni. Mo bingo bete akpiapai rogo gu gako Tungusapai naadu Rii Bagangara yo. Mo gedi Matayo 6:14, 34 na 7:12, na tifuoho, mo ki sakipai tipa agi asanahe re:

Gini wene arugute rogo mangaapai yo Yesu afuhe rogo agi averesi re?
Ya mo mo nabihe nga agi arugute re kindi na undo ti ni?

6. Yesu amangi iiriwoapai

Yekova afu ome fu Yesu tipa ko mangi dungu iiriwoapai. Tipa ka bi kpiapai sa, mo gedi Marako 5:25-34 watadu mo bi gu VIDIO re. Tifuoho, mo ki sakipai tipa agu asanahe ngbefuoho.

VIDIO: Dee Naawoka Ahu Be Kaza (5:10)

Ginipai gu dee naawoka nga gu ri nidu rogo gu vidio re aidi kuti ni?
Ginipai ngba tiro gbe rogo gi iiriwopai re?

Mo gedi Yoane 5:36, na tifuoho, mo ki sakipai tipa gi sanahe re:

Ginipai du ga Yesu iiriwoapai “ni dezirehe,” watadu si ayugoho tipa ko?

Ya mo mo ini gipai re?

Dungu agu apai ani nainihe tipa Yesu, si rogo agu abuku nga ga Baibiri i ayambaha nga wene pangbanga—Matayo, Marako, Ruka, gbiati Yoane. Abakeke Wene Pangbanga ni basasa, afura tipa futufutu apai ni bakiakia tipa Yesu. Gi futufutu apai i akekehe re naundo rani ani bi wai kpia gako raka adu.

MATAYO

nake gako buku ni bambataha. Si nanyakasapai tipa ga Yesu ayugopai, na gbe, gupai Yesu ayuguhe tipa ga Mbori Kindo.
MARAKO

nake Wene Pangbanga ni guruhe. Si nagumba badungu wene apai furani nga gu namangi.
RUKA

nasakapai tipa wai kparakpee adu na nyanyakipaha fu Yesu na wai ko anaamanga fu adee ngba wene gene.
YOANE

nagumba dunga apai furani nga gu Yesu afura tipaha na mbembedi abakureako gbiati kura aboro, na gipai re naundo rani ani ini gini ngbatunga boro nangia Yesu.