LESIONY 16
¿Xí buny Jesús órni bieedbu ló Gudxlio?
Órni buñ rony pensary lóo Jesús raniʼyibu que Jesús nac toib badaʼ, toib profeta o toib buñ ni mápa mer gaity. Per ¿labúu guimbutzaayno láabu más órni guisuidyno guirá ni bunybu ló Gudxlio la? Ló lesiony reʼ guisuidyno tipnés cós ni más rasac ni buny Jesús né ximod labúu gacnéni looy.
1. ¿Xí dxiin ni más rasac buny Jesús?
Dxiin ni más rasac ni buny Jesús láani ngú, bisuidybu buñ de «diitz sacró de Gobierno xtuny Dios» (bíil Lucas 4:43). Goniʼbu que Dios sagoʼbu toib Gobierno ni cueʼ guirá galnagan ni cacaló guirá buñgudxlio. a Ló tzón íz gorol, Jesús goyodieʼbu goniʼbu diitz sacró reʼ a guiránac buñ (Mateo 9:35).
2. ¿Noʼ pu biquiin galrradziguiaʼ ni buny Jesús la?
La Biblia rasetlaa: «Dios biquiimbu Jesús par bunybu galrradziguiaʼ né cós sacróyen ló Gudxlio» (Hechos 2:22). Xcalnadip Dios gocnéni Jesús par labúu biscueʼsbu toib buroʼdant, biyaʼanbu xidalguixo buñ, bisialbu buñguitz né dada golísbu tipnés buñ ni ma goity lad gueʼet (Mateo 8:23-27; 14:15-21; Marcos 6:56; Lucas 7:11-17). Guirá galrradziguiaʼ ni buny Jesús bislooyni que Dios bixel láabu ló Gudxlio. Láaca bislooyni que Jehová napbu galnadip par cueʼbu guirá galnagan ni cacalóno.
3. ¿Xí labúu guisuidyno mod bibany Jesús ló Gudxlio?
Jesús guirá ór bisobbu Jehová (bíil Juan 8:29). Gócbu fiel dada dzú goitybu né bunybu ni góoch Bixiosbu láabu ná goyoʼ xidal buñ ni biyopy mod nacaa lóbu. Modreʼ bislooybu que lóono ni nacno buñgudxlio labúu gonyno ni ná Dios ná guicalóno xidal galnagan. Modreʼ bisian Jesús toib mod galán par guicaano cuidad guicanalno raxt ñeʼbu (1 Pedro 2:21).
NANOY GUISUIDYNO LÁANI
Guisuidyno ximod bisuidy Jesús diitz sacró né ximod bunybu galrradziguiaʼ.
4. Jesús goniʼbu diitz sacró
Jesús xiroʼ ór gosaa ló néz ro goyogoluʼ goxioo, bunybu rutigoygaʼlni láabu par goniʼbu diitz sacró a stipnés buñ. Colgoʼol Lucas 8:1 né colgooy xtiitzni:
-
¿Nosi buñ ni biyopy a Jesús ngúsi bisuidybu la?
-
¿Xí xtem buny Jesús par labúu bidzelbu buñ?
Dios goni que Mesías naniʼ diitz sacró. Colgoʼol Isaías 61:1, 2 né colgooy xtiitzni:
-
¿Ximod buny cumplir Jesús profecía reʼ?
-
Xpensarylo, ¿buñ ni noʼ ló naareʼ láaca caquiinyibu guicadiagyibu diitz sacró reʼ la?
5. Jesús bisuidy tipnés cós ni racné buñ
Diti nosi goniʼbu de Gobierno xtuny Dios, láaca bisuidybu tipnés cós ni racné buñ. Guisuidyno tipnés ejemplos ni ritlaa ló Discurs ni goloʼ Jesús laidy Dainy. Colgoʼol Mateo 6:14, 34 né 7:12, né colgooy xtiitzni:
-
¿Xí consej sacró bisetlaa Jesús ló versículos reʼ?
-
Xpensarylo, ¿guirá consej reʼ labúu gacnéni buñ ló naareʼ la?
6. Jesús bunybu galrradziguiaʼ
Jehová bidudybu galnadip a Jesús par bunybu xidal galrradziguiaʼ. Par guientzaaylo láani, colgoʼol Marcos 5:25-34 o colguibiʼ VIDEO reʼ. De ngú colgooy xtiitzni:
-
Mod bibiʼno ló video reʼ, ¿xí confianz gop buñgonaʼ reʼ?
-
¿Xí láani más rioladxlo de galrradziguiaʼ reʼ?
Colgoʼol Juan 5:36 né colgooy xtiitzni:
-
Guirá galrradziguiaʼ ni buny Jesús, ¿xí raslooyni?
¿Nanlo ndeʼ la?
Casi guirá ni nanno de Jesús sieedni ló guidapca Evangelios reʼ: Mateo, Marcos, Lucas né Juan. Ni bicaʼ guidapca Evangelios reʼ bisetlayibu xidal cós ni buny Jesús. Guirá ni bisetlayibu racnéni lóono guientzaayno guirá ni buny Jesús ló Gudxlio.
-
MATEO
láabu primerdiguieʼ bicaʼbu toibtica Evangelios. Libro xtunybu rabeʼ loguiaʼni xcalrrasuidy Jesús, xomod diitz sacró de Gobierno xtuny Dios.
-
MARCOS
bicaʼ Evangelio ni más dopien. Historia reʼ nigolú sacróyen nacni.
-
LUCAS
rasetlaa que rasac gonyno oración né ximod godabioo Jesús buñgonaʼ.
-
JUAN
rasetlaa ximodpa góc Jesús, portín rasetlani ximod góc Jesús né xpiin né stipnés buñ.
TIPNÉS BUÑ NÁ: «Jesús nac Dios ni nap Xiroʼgolu galnadip».
-
Looyga, ¿xí nálo?
¿XÍ BISUIDYLO?
Jesús goniʼbu de Gobierno xtuny Dios, bunybu galrradziguiaʼ né guirá ór bisobbu Jehová.
Repas
-
¿Xí dxiin ni más rasac buny Jesús órni goyoʼbu ló Gudxlio?
-
¿Xí bislooy guirá galrradziguiaʼ ni buny Jesús?
-
¿Xí lesiony ni racné lóono bisuidy Jesús?
PAR GANLO MÁS
De guirá ni bisetlaa Jesús, ¿xí láani ngú ni más gosac par láabu?
«¿Xigony nigolú rasac par Jesús Gobierno xtuny Dios?» (Guiich ni caniʼ, 1 de octubre íz 2014)
Gon xigony napno confianz que guirá galrradziguiaʼ ni buny Jesús nigolú gocni.
«¿Xí labúu guisuidyno de guirá galrradziguiaʼ ni buny Jesús?» (Guiich ni caniʼ, 15 de july íz 2004)
Bíil ximod bidzaʼ mod bibany toib buñguieeu órni bisuidybu que Jesús diti goyoʼbu galrrasaʼ por láasibu.
«Más goyoʼya galrrasaʼ por naʼ» (Guiich ni caniʼ, 1 de octubre íz 2014)
Bisuidy xi dxiin ni más rasac buny Jesús.
«Ni buny Jesús órni goyoʼ ló Gudxlio» (Ni gacné lóono guientzaayno Xtiitz Dios, 4-B)
a Ló lesiony 31 a 33 rarexatzay xi láani ngú Gobierno xtuny Dios.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
