DUNGU 17
¿Chumngechi chengi Jesús?
Doi quimpobiliiñ ñi chumün Jesús Mapu mu, doi quimpoabiiñ Jesús ñi chumngen ca doi cüme quimpoabiiñ Jehová. ¿Ayüabüimi tami quimal Jesús tañi chumngen? Ca ¿chumngechi doi cüme inaabüimi?
1. ¿Chem dungu mu Jesús trüri tañi Chau mu?
Petu ñi mülepanon Mapu mu, Jesús bentren tripantu mülerquebüi tañi Chau engu huenu mu. Beimu raquiduamqui ca bemqui tañi Chau reque (papiltunge Juan 5:19). Jesús bente cüme inaquebi tañi Chau ñi cüme piuquengen, beimu quidu eipi: “Tañi peetu iñche ca bemngechi pebi tañi Chau” (Juan 14:9). Beimu doi quimbiliiñ Jesús, doi cüme quimabiiñ Jehová. Jesús tañi cutranpiuqueyebel pu che pengeli chumte tami cutranpiuqueyenetu Jehová.
2. Jesús, ¿chumngechi pengeli tañi piuqueyenebel tañi Chau?
Jesús eipi: “Com pu che tañi quimal ñi piuqueyenebel tañi Chau, bemquen itrocom tañi eipietu tañi Chau” (Juan 14:31). Mülepalu Jesús Mapu mu, Jesús bemi com tañi eipietu tañi Chau, cüdaungebüle ume, bemngechi pengeli chumten tañi piuqueyebel. Jesús ayüquebüi ñi ngütramcaabel pu che tañi Chau mu, bemngechi pu che ñi hueniyepoabel engün (Juan 14:23).
3. Jesús, ¿chumngechi pengeli tañi piuqueyechequen?
Biblia eipi Jesús ñi doi piuqueyenebel pu che (Proverbios 8:31). Jesús mülepalu Mapu mu quellubi (incabi) ca yabültucubi pu che. Cabei bemlu amatubalchi dungu pengeli ñi cutranpiuqueyechequen (Marcos 1:40-42). Jesús doyümchequelabüi, beimu tañi eipin mu yabültucubi com pu che cüme piuquengelu. Cabei bente ñi piuqueyechequen, müna cutrancangi ca lai com pu che ñi duam mu. Jesús piuqueyebilu ume com pu che, doi piuqueyebi pu inanequelu tañi quimelün (papiltunge Juan 15:13, 14).
DOI CÜME QUIMNGE
Peaiñ Jesús tañi chumngen. Ca quimpoaiñ chumngechi inaabüiñ Jesús tañi piuqueyechequen ca bürenechebengen.
4. Jesús piuqueyenebi tañi Chau
Jesús tañi bemün mu quimeleleiñmu chumngechi pengelelabüiñ Jehová taiñ piuqueyenebel. Papiltoiñ Lucas 6:12 ca Juan 15:10; 17:26. Papiltungele hula ngütramcaabiiñ tübachi ramtun:
-
Inabiliiñ Jesús, ¿chumngechi pengelaiñ taiñ piuqueyenebel Jehová?
Jesús bill antü ngillatuquebüi tañi Chau bente tañi piuqueyebel mu.
5. Jesús duamtuchequebüi
Jesús doyümquebüi ñi cümelcaleal caque che, quidu duamuuquelabüi. Ürcülelu ume, com tañi nehuen mu quellubi pu che. Papiltoiñ Marcos 6:30-44. Papiltungele hula ngütramcaabiiñ tübachi meli ramtun:
-
Biblia tañi eipin, Jesús ¿chumngechi pengeli tañi duamtuchequen? (Pebinge Marcos 6:31, 34, 41 ca 42).
-
Jesús, ¿chemu quellubi beichi pu che? (Pebinge Marcos 6:34).
-
Jesús inaquebi tañi Chau, beimu ¿chem quimeleleiñmu Jehová mu Jesús tañi bemün?
-
¿Chumngechi inaabüiñ Jesús ñi duamtuchequen?
6. Jesús bürenechequi
Bentren dungu nienolu ume, Jesús hulqui tañi niel. Beimu quidu ayüni taiñ inaabel. Papiltoiñ Hechos 20:35. Papiltungele hula ngütramcaabiiñ tübachi ramtun:
-
Jesús tañi eipin mu, ¿chem rüb ayühulabeimu?
Quintulbe tati VIDEO. Quintulngele hula ngütramcaabiiñ tübachi ramtun:
-
Nehue nienoliiñ plata, ¿chumabüiñ taiñ bürenecheal?
¿Quimquebüimi?
Biblia eipi taiñ ngillatuabel Jehová, Jesús tañi üi mu (papiltoiñ Juan 16:23, 24). Bemngechi pengelaiñ taiñ mañumcülen Jesús ñi bemün iñchiñ mu.
QUIÑEQUE CHE EIPIQUI: “Chau Ngünechen cüpa quimni chumte taiñ maneluucülen quidu mu, beimu cutrancaqueiñmu”.
-
Quimbiliiñ Jesús tañi bemün, ¿chemu eipiabüiñ Chau Jehová cutrancaquelaeiñmu?
CHEM PEIÑ TÜBAMU
Jesús müna piuqueyenebi tañi Chau, beimu ca bemngechi piuqueyenebi pu che. Jesús bente cüme inanequebi tañi Chau, beimu quimpobiliiñ Jesús doi quimpoabiiñ Jehová.
Chem quimeleleiñmu tüba
-
Inabiliiñ Jesús, ¿chumngechi pengelaiñ taiñ piuqueyenebel Jehová?
-
Inabiliiñ Jesús, ¿chumngechi pengelaiñ taiñ piuqueyenebel pu che?
-
¿Chem doi ayüquebimi Jesús tañi chumngen mu?
DOI QUIMABÜIMI
Quimnge quiñeque dungu ñi bemün Jesús tami inaabel.
“¿Chumngechi inaabüimi Jesús?” (Jesús: tati rüpü, tati rübngelu ca tati mongen, pagina 317)
Quimnge chemu bente balin-ngi ngillatobel Chau Ngünechen, Jesús tañi üi mu.
“¿Chemu ngillatobüiñ Jesús tañi üi mu?” (Ti Huerquen 1 febrero 2008)
Biblia, ¿chem eipi Jesús tañi adngen mu?
Jesús tañi yamnebel pu domüche, ¿chem quimeleleiñmu?
“Chau Dio yamnebi ca balintunebi pu domüche” (Ti Huerquen 1 septiembre 2012)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
