JIʼTE 17

Yéso be ya tchi mo ?

YOU’ NE

Tchwe ye pe dagne potse tsye Yéso le ghôm neng gre demtchaʼ a, pe djô m ma mye a ha ji bi pe ne ji so é ba so Tap é, Jéova a. She ne m ma thwatwa bô be ma ? Pe neng fing ne foʼte Yéso tchum yôkpe tchi ne tchwe m tchi ge ke ?

1. Nweke pe fing ne ghôm ge Yéso be paʼ Tap é a ?

Tchwe ye é le be kèbeng te sôʼ demtchaʼ a, Yéso le le medou mgouʼ ne ne djô tchi paʼ Tap é ne gre potse a, neng dagne ne ghe paʼ yu a. Poʼo, é sè nwe, djouʼ ne é, neng gre potse kwaʼ paʼ yu a. (Ké Yohané 5:19.) Yéso tchente foʼte m ma mye a be Tap é ghe a, te a ghe ge é ghôm ge : “Mo yô a be é yô Ta.” (Yohané 14:9) Ne lagne ne jye tchi mo ye Yéso be yu a gô kwite o ne ping tchente jye Jéova. Taʼ foʼte, ma tchômtso ye Yéso daʼte bi pô a, daʼte deng paʼ Jéova tchente sè nwe ne o a.

2. Yéso be é laʼte ge é khoung Jéova m tchi ge ke ?

Yéso le ghôm ge : “Te dzu jye ge ge koung Ta a, bing be gre bakele pe paʼ Ta djap a.” (Yohané 14:31) Tchwe ye é le be demtchaʼ a, Yéso le laʼte ge é tchente khoung Tap é, tchye m ne ne pe djouʼgne bi é, ba m tchwe ye a le be a tuô ne ghe ya a. Yéso le khoung ne ghôm nwe ne Tap é neng kwite pyeshe pô ne ji mso pou a yu.—Yohané 14:23.

3. Yéso be é laʼte ge é khoung pômneng m tchi ge ke ?

Bible gôm ge Yéso “tchente khoung pômsoung.” (Mghôm jyenwe 8:31, ywe ne thoute) Koungne bô le tsegne é ne pe ha kaktuô bi pô neng be kwite wap néné. Msya mye é le ghe a late laʼte daʼ pawa é pe, daʼge daʼte ba ma tchômtso é. (Markousi 1:40-42) É le be é ghe tum pepoung, é le neng be gre kye ne pô. Mghôm mye le ha juete ba ne pyap mtyèʼdzu dze pepoung, bi goung pô pye wap le djouʼ é neng bo tcheng ne ying ne mghôm mye a. Yéso le ping ne yô goʼ neng pfu dou ne koungne ye a le be é ghe ne pômsoung a. Daʼge pô pye é tchente khoung wap téʼ a be pô pye wap ging ne mjiʼte mye a.—Ké Yohané 15:13, 14.

PING TCHENG NE GÔ DZE

Ping dagne she potse ne tchi mo ye Yéso be yu a, neng djô paʼ o fing ne laʼte koungne ba ma ne ha, paʼ yu a.

4. Yéso khoung Tap é

Foʼte Yéso dagne wôkpe tchi paʼ pe fing ne laʼte koungne bi Si a. Ké Loukasi 6:12 ba Yohané 15:10; 17:26. Ming ne ké baya khè le gômte ne hente yenge :

Pe fing ne foʼte Yéso neng daʼte ge pe khoung Jéova m tchi ge ke ?

Yéso le khoung Tap é ye é be kèbeng a neng be gôm nwe bi é goung mtam awè tchum priya

5. Yéso Khoung pômneng

Yéso le be sè nwe ne pyeshe pô te tchye kwaʼ ne é. Ba m tchwe ye a le be é pwa a, é le gwim tam é ba guʼ é ne kwite pômneng. Ké Markousi 6:30-44, neng gômte ne mhente menge :

Tchum mkhè menge, Yéso le laʼte ge é sè nwe ne pyeshe pô m tchi ge ke ?—Yô mkhè 31, 34, 41, ba 42.
Ke le tsegne Yéso ne kwite pô ?—Yô khè 34.
Paʼ Yéso foʼte m ma Jéova a, tchi paʼ é le ne gre a dagne o ke ne Jéova ?
Pe fing ne laʼte ge pe sè nwe ne pyeshe pô dendeng paʼ Yéso a m tchi ge ke ?

6. Yéso be é ghe ma ne ha

Ba te m paʼ Yéso le be é ka yièʼ gre potse a, é le gap ywe ye a le be é ghe a pou a pyeshe pô. É le neng ha kaktuô bi pe ne pe ha. Ké Mfaʼ 20:35, neng gômte ne hente yenge :

Yéso gôm ge pe fing ne ghe la te ŋwègne ?

Yô VIDÉO, neng gômte ne hente yenge.

VIDÉO: “Il y a plus de bonheur à donner”—(extrait) (4:00)

Pe fing ne ha m tchi ge ke ba m be ye pe ka yièʼ gre potse a ?

A ke be o ji jye le ?

Bible gôm ge pe ghe priya bi Jéova tchye m ne tso Yéso. (Ké Yohané 16:23, 24.) Tchwe ye pe gre priya tchi poʼ a, pe daʼte ge pe goʼte ywe ye Yéso gre ne ne kwite wôkpe ne ji mso Jéova a.

SHE PÔ GÔM GE : “Tchwe ye pe djô goʼ a, a te sing sômywe bi Si pe.”