ZASEŊƆ 17
Yezu Dela Nɛrekani?
To san zamesa yelese’a ti Yezu yuun pa’ala tingɔŋɔ wa zuo la, to wan baŋɛ halese’a n wan basɛ ti to vurege lɛm eŋa la a Sɔ, Yehowa. Halesoma wa ase’a dela ani? Ge tomam wan ta’an tɔɣesa Yezu to vom poan la wani?
1. Sarɔtɔ ani poan ti Yezu wɔna la a Sɔ?
Saazuo sa, Yezu yuun biseri a Sɔ tuuma mɛ ge zamesa a zɛ’an yuuma n ka tari kãlɛ. Bala zuo la a ti’isegɔ, a aŋa la a tuuma kɔ’ɔn wɔna la a Sɔ la. (Kaalɛ Yon 5:19.) Yelemɛŋɛrɛ, Yezu hala ba’ɛ wɔ̃na la a Sɔ hala bala n sɔi ti a yuun yeti: “Hon se’em n nyɛ mam la nyɛ Sɔ la mɛ.” (Yon 14:9) Ho san zamesɛ baŋɛ Yezu n ani se’em ho wan baŋɛ Yehowa soŋa soŋa. Makerɛ n wana, Yezu n tari nɛreba giile se’em la pa’alɛ la Yehowa n fabeli ho yele se’em.
2. Yezu eŋɛ la wani pa’alɛ ti a nɔŋɛ Yehowa?
Yezu yuun yeti: “La wan eŋɛ se’em ti tingɔŋɔ la baŋɛ ti mam nɔŋɛ Sɔ la mɛ, mam iti la sɛla ti Sɔ la yele mam ti n eŋɛ la.” (Yon 14:31) Yezu n yuun boi tingɔŋɔ wa zuo la, a yuun eŋɛ pa’alɛ ti a nɔŋɛ a Sɔ la mɛ paa, nana a nɔɔrɛ hali la san puɣum kpe’em bo en. Yezu yuun nɔŋɛ la a tɔɣera a Sɔ la yele bɔ’ɔra nɛreba ge soŋera ba ti ba ta’an dɛna a Sɔ la zɔdoma.—Yon 14:23.
3. Yezu eŋɛ la wani pa’alɛ ti a nɔŋɛ nɛreba mɛ?
Baabule la yeti Yezu “daa ba’ɛ nɔŋɛ la nɛresaaleba.” (Magaha 8:31, tiŋanɔɔrɛ yelesum) A yuun dekɛ nɔŋerɛ dena wa tum tuuma doose la eŋa n yuun pee puurɛ soŋera nɛreba la. Eŋa n yuun tuni yelenyalema la, ka pa’alɛ la a paŋa ma’a ge a yuun tari la nɛreba giile. (Mark 1:40-42) A yuun iti nɛra woo soŋa mɛ ge ka gãsera. A yetɔɣum yuun buɣelɛ putɛsonɛdoma suure mɛ ge me soŋera ba ti ba tara beere sa’am puti’irɛ. Yezu n nɔŋɛ nɛresaaleba la n sɔi ti a yuun namesɛ ge sakɛ ki ba zuo la. Ge a kɔ’ɔn nɔŋɛ la sɛba n doli a pa’alegɔ la.—Kaalɛ Yon 15:13, 14.
VIISƐ PA’ASƐ
Zamesɛ baŋɛ Yezu n ani se’em pa’asɛ ge geele bisɛ hon wan ta’an tɔɣesa a nɔŋerɛ la a yɛri yɛri bɔ’a la se’em.
4. Yezu nɔŋɛ a Sɔ la mɛ
Yezu makesonɛ la pa’alɛ tɔ to wan eŋɛ se’em pa’alɛ ti to nɔŋɛ Naayinɛ mɛ. Kaalɛ Luke 6:12 la Yon 15:10; 17:26. Ho san kaalɛ Baabule gulesegɔ woo ba’asɛ sɔsɛ sokere wa:
-
To san tɔɣesa Yezu, to wan eŋɛ la wani pa’alɛ ti to nɔŋɛ Yehowa?
Yezu yuun nɔŋɛ a saazuo Sɔ la mɛ ge tɔɣera bɔ’ɔra en saŋa woo
5. Yezu fabeli nɛresɛba n eeri soŋerɛ yele mɛ
Yezu yuun basɛ ti nɛreba yele pakɛ en mɛ gana amea yele. Hali a yuun san taregɛ a wan kelum tiregɛ soŋɛ nɛreba. Kaalɛ Mark 6:30-44 ge nyaa sɔsɛ sokere ana wa:
-
Kaalegɔ wa poan, Yezu eŋɛ la bem pa’alɛ ti nɛreba yele pakɛ en mɛ?—Bisɛ a kaalegɔ zɛ’ɛsi 31, 34, 41 la 42.
-
Bem n yuun basɛ ti Yezu soŋera nɛreba?—Bisɛ a kaalegɔ zɛ’an 34.
-
Yezu n yuun tɔɣeseri Yehowa se’em la, pa’alɛ tɔ ti Yehowa ani la wani?
-
Sarɔtɔ ani poan ti to wan ta’an tɔɣesa Yezu la eŋa n yuun basɛ ti nɛreba yele pakɛ en se’em la?
6. Yezu bo’ori la yɛri yɛri
Yezu yuun ka tari inganɛ poan lɔɣɔrɔ zo’e zo’e ge a yuun bo’ori yɛri yɛri mɛ kpemese to giila ti to me bɔ’ɔra yɛri yɛri. Kaalɛ Tooma 20:35 ge nyaa sɔsɛ sokere wa:
-
Yezu yeti to wan eŋɛ la wani ta’an tara pupeelum?
Ŋmɛ VIDIYO la ge nyaa sɔsɛ sokere wa:
-
Sarɔtɔ ani poan ti tomam me wan ta’an bɔ’ɔra to san puɣum ka tara inganɛ poan lɔɣɔrɔ zo’e zo’e?
Hon mi?
Baabule la pa’alɛ tɔ ti, to ni doose Yezu yu’urɛ poan zusɛ Yehowa. (Kaalɛ Yon 16:23, 24.) To san zusa bala, to wan eŋɛ pa’alɛ ti to nam la Yezu n eŋɛ sɛla soŋɛ tɔ ti to dɛna Yehowa zɔdoma la.
NƐREBA BASƐBA YETI: “Naayinɛ ka fabeli to namesegɔ yele.”
-
Yezu n yuun tɔɣeseri a Sɔ se’em la pa’alɛ ti Yehowa fabeli to yele la wani?
YELEKPINE
Yezu nɔŋɛ Yehowa la nɛreba mɛ. Yezu n ani wuu a Sɔ la zuo, ho san baŋɛ Yezu soŋa ho me wan baŋɛ Yehowa soŋa.
Tiisegɔ Sokere
-
To wan eŋɛ la wani ta’an nɔŋɛ Yehowa wuu Yezu la?
-
To wan eŋɛ la wani ta’an nɔŋɛ nɛreba wuu Yezu la?
-
Yezu halɛ deni n ba’ɛ kɛ̃ hon suure?
Ɛ BISƐ
Geele bisɛ Yezu hala ase’a ti to wan ta’an tɔɣesɛ.
“Ho San Bɔta Ho Tɔɣesa Yezu, Tara . . .” (Yezu —Sore La, Yelemɛŋɛrɛ La, Vom La, gɔnlaka 317)
Viisɛ bisɛ Yezu yele n pakɛ se’em to zusega poan.
“Beni N Sɔi Ti La Nara Ti To Zusa Dɔla Yezu Yu’urɛ La Poan?” (The Watchtower, February 1, 2008)
Baabule pa’alɛ to Yezu wɔsum n ani se’em?
To wan ta’an zamesɛ la bem la Yezu n yuun iti pɔɣesi se’em la?
“Naayinɛ Biseri Pɔɣesi Mɛ Ti Gilema Bɔna Bim” (The Watchtower, September 1, 2012)
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
