SUƐI LEBOLII 17

Wana Suu Kuɛɛ Chiisu Cho Yɛ?

PILEI

Te ŋ pɛɛku pɛ a sɔɔŋ Chiisu dimi woŋ vɛlɛ a sɔɔŋ o tosa o chieeŋndo choo woŋ, koŋ tosa miŋ sina suliŋnda ndɔlaŋ. Nduyɛ hei mala naa miŋ sɔɔŋguu ndu a Chɛhowa Finya ndɔ ikɛi kpɛɛluŋ. Ɔɔ suliŋnda kɛndɛlaŋ ndaŋ lapum? Nduyɛ vɛɛ naŋ tuallɛ tamasi Chiisu wo kɔɔli o yoomu naa niŋ?

1. O nɛila kuɛɛ niŋ Chiisu vellɛ Finya ndɔ?

Tuupa mi Chiisu huŋ o lɛŋndeŋ choo, mbo cha mɛɛ Finya ndɔ kaalaa tosa sɔɔŋ yɛ. Nduyɛ le wɔsilaŋ o biiliɔŋndaŋ niŋ, mbo pɛɛku ndu sɔɔŋ bɔɔbɔɔ o ba. Le hei, mbo yiyaŋ, mbo sinaŋ nduyɛ mbo tosa sɔɔŋ maa Finya ndɔ. (Nuawɔ Chɔŋ 5:19.) Chiisu vel bɔɔ Finya ndɔ o kaalaŋ niŋ. Le sabu koŋ kpeekpei o dimi ni aa: “Wana o wana che ya pɛ, mɛɛ o chii Finya nuu chɔ.” (Chɔŋ 14:9) Te a wa pɛ pɛɛkoo a suliŋnda Chiisulaŋ okɔɔ, a cho Chɛhowa sina nyɛkɛndɛi. Le tamaseliiyo, nyɛiyii Chiisu nɔ le waŋnda ve chɔm mɛɛ kpɛ Chɛhowa buulaŋ a num yɛ.

2. Vɛɛ Chiisu chɔm yɛ maa o kaala Chɛhowa?

Mi Chiisu dimi aa: “Mɛɛ Finya nuu vem ya le tosaa yɛ, lende kinɛi ya cho tosaa ni le mi chieeŋndo sina maa I kaala Finya nuu.” (Chɔŋ 14:31) Teleŋ o wa o chieeŋndo choo wo, mi ndoo diikuŋ Finya ndɔ o yɔŋ bɛɛ mi ndii wa ikala. Hei chɔm ni kɛsɛ maa ndoo kaala ndu. Chiisu ndoo hɛnaŋ bɔɔ suɛi a Finya ndɔ okɔɔ. Nduyɛ, mi ndoo mala vɛlɛ waŋnda le ma nɔ chaŋyɛi a Finya ndɔ.—Chɔŋ 14:23.

3. Vɛɛ Chiisu chɔm yɛ maa o kaala waŋnda chieeya?

Baabuiyo dimi maa Chiisu “naŋ kɔl a waŋnda chieeya” tau. (Pulɔwaa 8:31) Mbo chɔm kaalaa le nda a mɛɛ ndoo dɛɛniaa nda kɔltaŋ yɛ, nduyɛ mbo soliŋ sala le nda malaa. Mbo tosa kaamaalaŋ, o cho ko le kpaaya ndɔɔ chɔmndo le, kɛ le mɛɛ ndoo nɔ nyɛiye le waŋnda yɛ. (Maki 1:40-42) Mi ndoo bii waŋnda nyɛkɛndɛi nduyɛ o ve wana hɛliaa le. Mi pɛɛkula ndɔlaŋ la ke wanaa ndaa nɔ yeemɛi le suɛi Mɛlɛkɛi tueiyɔɔ wa kɔl dɛɛniaa a tiindaŋndo. Le mɛɛ Chiisu kaala waŋnda chieeya yɛ, mbo yɔŋguŋ wulee le mbo sɔla saŋgaa a piɔmndo le nda. Kɛ wanaa tual pɛɛkula ndɔlaŋ kɔɔli wa o hiou kaala.—Nuawɔ Chɔŋ 15:13, 14.

CHƆƆLU YAASIAA

Chɔɔlu pɛɛku a suliŋnda Chiisu laŋ okɔɔ. Okoŋ, ma che mɛɛ ŋ tual tamasi ndɔɔ kɔɔli le waŋnda kaalaa a nda kɛndɛi tosallo yɛ.

4. Chiisu kaala Finya ndɔ

Tamasi Chiisu wo pɛɛku naa mɛɛ naŋ chɔm kaalaa le Mɛlɛka yɛ. Nuawɔ Luku 6:12 a Chɔŋ 15:10; 17:26. Te la veelu diomndaŋ o bolle Baabuile kɛ kɛ niŋ pɛ, la suukaŋ o nyunaa hoo choo:

Vɛɛ naŋ tuallɛ tamasi Chiisu wo kɔɔli le chɔmndo maa ŋ kaala Chɛhowa?

Chiisu ndoo kaala Finya ndɔ cho o choo choo niŋndo. Nduyɛ, mi ndoo soo o ndu lo teleŋ o teleŋ o piɛileŋ niŋ

5. Chiisu buulaŋ le wanaa cho o bahawɛilaŋ niŋnda

Chiisu ndoo landuŋ kɔl le bahawɛila acheleŋnda mbo hiau yeemaŋ ndɔŋ peeloo. O yɔŋ bɛɛ mi ndoo wa o saŋgɛi, mi ndoo soliŋ teleŋ ndɔɔ a yoomuma nduaŋ kpeku le waŋnda malaa. Nuawɔ Maki 6:30-44, okoŋ mi la suukaŋ o nyunalaŋ ndaŋ choo:

O bolle Baabuileŋ ndeŋ niŋ, o nɛila kuɛɛ choo Chiisu chɔm yɛ maa o buulaŋ le waŋnda?—Tofa sɔɔŋ 31, 34, 41, a 42.
Yɛɛ ndoo nyindu yɛ Chiisu le waŋnda malaa?—Tofa sɔɔŋ 34.
Mɛɛ Chiisu nɔ suliŋndaŋ maa Chɛhowa yɛ, yɛɛ hei pɛɛku yɛ num a Chɛhowa okɔɔ?
O nɛila kuɛɛ choo naŋ tuallɛ tamasi Chiisoo kɔɔli le buulaŋndo nɔɔ le waŋnda chieeya?

6. Chiisu nɔ kɛndɛi

Mi Chiisu ndoo tosal waŋnda kɛndɛi mi che bɛɛ ndoo nɔ tau le. Nduyɛ o dɛɛniaa naa le mi naa bɛɛ nɔ kɛndɛi. Nuawɔ Walta Kiilaa 20:35, okoŋ mi la suukaŋ o nyunaa hoo choo:

A mɛɛ Chiisu dimi yɛ, yɛɛ tosa yɛ miŋ wa a kɔl kɛndɛ?

Handu VIDUEIYO, okoŋ mi la suukaŋ o nyunaa hoo choo:

VIDUEIYO: “Waŋndo Nyɔɔ Kioo Wana Hiau Wa a Kɔl Kɛndɛ”—Buŋgɛi Pɔmbɔ (4:00)

O nɛila kuɛɛ choo naŋ tosa yɛ kɛndɛi o yɔŋ bɛɛ miŋ nɔ tau le?

A sina pa?

Baabuiyo pɛɛku naa maa naŋ piɛi o Chɛhowa lo o diola Chiisulaŋ niŋ. (Nuawɔ Chɔŋ 16:23, 24.) Te ŋ piɛi pɛ lende, keŋ chɔm maa ŋ nɔ balika melaa le nyɛ Chiisu tosa le naa malaa miŋ simnuŋ chaaŋaa Chɛhowaa wo.

TE WAŊNDO DIMI PƐ AA: “Mɛlɛka buulaŋ a saŋga naŋ cho niŋndo le.”