WEMŪꞌE HAP 17
Kat hap koꞌi asom Iesui wat toig̃ wakuat koꞌi.
Karāmpe watikuap poꞌog̃ kat koꞌi kat koꞌi Iesui minug̃ mesūwat yi totiat koꞌi iꞌewȳte kat e hap koꞌi toig̃neꞌen mesūwat yi tote turān hap hawyi watikuap iwat wakuat koꞌi. Miꞌi hap aipowȳro iwyꞌok wo poꞌog̃ watoig̃neꞌen hamo iꞌewȳte iꞌȳwot Ieuwa wyꞌok wo poꞌog̃ watoig̃neꞌen hamo wy. Aikotā̃ rakat koꞌi asom Iesui wat toig̃ wakuat koꞌi. Aikotā̃ me asom watunug̃ kuap Iesui ewy aheig̃neꞌen turān.
1. Kat e terān haype asom Iesui Uito uiꞌȳwot ewy e.
Nimo pyi kahato raꞌyn atipy pe Iesui toig̃neꞌen toꞌȳwot wȳwo. Kat koꞌi kat koꞌi neꞌi taꞌatunug̃ iꞌewȳte toꞌowȳwo kahato tukupteꞌen. Miꞌi turān Iesui tehaꞌat kahato toꞌȳwot minug̃ koꞌi kape. Miꞌi pote tuwanentup toꞌȳwot wanentup hap ewy iꞌewȳte tutunug̃ toꞌȳwot ewy. (Etimowempāp o Iuwãu 5:19.) Iesui tunug̃ aikotā̃ toꞌȳwot wat wakuat koꞌi hap ewy kahato. Miꞌi pote Iesui miotā̃ e Uhewowiat akasa haria wyti Uiꞌȳwot kapiat akasa haria tukupteꞌen e. (Iuwãu 14:9) Miꞌi pote eremūꞌe poꞌog̃ Iesui wat wakuat koꞌi etiat pote etikuap poꞌog̃ hamo Ieuwa etiat wy. Kotā̃ e hap. Aikotā̃ toꞌȳwot ewy Iesui tenentup kahato mītꞌīn kape. Miꞌi hap puo pyi Iesui timoherep Ieuwa tenentup kahato ewowi hap.
2. Aikotā̃ meig̃ Iesui timoherep Ieuwa kyꞌe hap.
Wuatꞌi mītꞌīn naꞌyn ikuap kahato uhepiat Uiꞌȳwot kyꞌe kahato hap. Iꞌewȳte Uiꞌȳwot mikyꞌesat yn nug̃ hat Uito hap taꞌatukuap e Iesui. (Iuwãu 14:31) Karāmpe Iesui toig̃neꞌen mesūwat yi tote turān toimoherep kahato toꞌȳwot kyꞌe kahato hap. Kat pote tetiat niatpo kahato pykai maꞌato tutunug̃ ne aikotā̃ toꞌȳwot e hap ewy. Iesui tikyꞌe kahato tohenoi toꞌȳwot etiat hap iꞌewȳte tohoꞌopowȳro kahato mītꞌīn Tupana wyꞌok wo tukupteꞌen hamo. — Iuwãu 14:23.
3. Aikotā̃ meig̃ Iesui timoherep toiꞌatukyꞌe kahato mītꞌīn hap.
Tupana Ehay henoi Iesui tiꞌatukyꞌe kahato torānia mītꞌīn mesuwuarotiaria e. (Porowepiu 8:31) Iesui topotkyꞌe torānia wȳwo. En poꞌog̃ miꞌi kai ȳt eꞌi. Tehay wakuat koꞌi hap puo pyi Iesui tiꞌatumoesaika kahato mītꞌīn. Iꞌewȳte torānia toiꞌatupowȳro kahato terān. Uwe misepap ewywuatꞌi Iesui tunug̃ miꞌi hap puo pyi toimoherep tesaika hap ynꞌi. Maꞌato miꞌi hap toimoherep toiꞌatukyꞌe kahato mītꞌīn hap haype wy. (Maku 1:40-42) Tupana sēse kuap terān kahato haria Iesui tiꞌatumomperupꞌi tehay wakuat koꞌi puo pyi. Atiꞌatukyꞌe kahato mītꞌīn tupono ahoꞌopot pote uikuꞌuro pote waku neꞌi e Iesui. Maꞌato Iesui tiꞌatukyꞌe poꞌog̃ tomikyꞌesat ewy nug̃ haria iwoꞌonãpin hap tote tukupteꞌen pote wy. — Etimowempāp o Iuwãu 15:13, 14.
EREWANENTUP O ETIKUAP POꞌOG̃ HAMO
Etikuap poꞌog̃ hamo Iesui wat wakuat koꞌi hap etiat. Iꞌewȳte etikuap hamo aikotā̃ me etimoherep kuap woꞌokyꞌe hap seg̃yiꞌat hap aikotā̃ Iesui ewy hap.
4. Iesui tikyꞌe kahato toꞌȳwot
Iesui tominug̃ koꞌi puo pyi aimūꞌe aikotā̃ me watimoherep kuap watikyꞌe Tupana hap etiat hap. Eweimowempāp o Iruka 6:12 hawyi Iuwãu 15:10; 17:26. Eweimowempāp kahu meig̃muewuat Tupana Ehay piat koꞌi hawyi eiwoꞌoꞌehay o apoꞌe hap etiat.
-
Watimoherep watikyꞌe Ieuwa hamo kat koꞌig̃ waku watunug̃ Iesui ewy.
Iesui tikyꞌe kahato toꞌȳwot iꞌewȳte wuatꞌi eꞌāt pe ihay tuereto toꞌȳwot wȳwo hentup hap puo pyi
5. Iesui tenentup kahato mītꞌīn mowȳro kyꞌesat haria kape
Iesui tenentup poꞌog̃ mītꞌīn kape tewowiat hap kai. Kotā̃ e hap. Hera kahato ipohepaꞌi kahato pykai miꞌitā̃ pykai maꞌato tohoꞌopowȳro kahato mītꞌīn. Eweimowempāp o Maku 6:30-44. Miꞌi hawyi apoꞌe hap koꞌi ete eiwoꞌoꞌehay.
-
Kat koꞌig̃ hap puo pyig̃ Iesui timoherep tenentup kahato mītꞌīn kapiat hap. — Ewetehaꞌat pyno hag̃a hit 31, 34, 41 hawyi 42.
-
Kat pote asom Iesui tiꞌatupowȳro terān kahato mītꞌīn. — Ewetehaꞌat pyno hag̃a hit 34.
-
Watuwemūꞌe hawyi watikuap taꞌyn Iesui tunug̃ aikotā̃ toꞌȳwot ewy. Miꞌi hap puo pyi kan aimūꞌe Ieuwa etiat.
-
Aikotā̃ aikotā̃ me neꞌi Iesui timoherep tenentup kahato mītꞌīn kapiat hap. Aito kat koꞌig̃ hap puo pyi asom watimoherep kuap watuwanentup mītꞌīn kapiat hap aikotā̃ Iesui ewy hamo.
6. Iesui heg̃yiꞌat kahato rakat
Iesui hekat kahatoꞌi pykai maꞌato towat hit toig̃ rakat toipatꞌok iraniaꞌīn wȳwo. Aikotā̃ toꞌewy hap Iesui tikyꞌesat kahato watunug̃ hap. Eweimowempāp o Iesui Potmūꞌeria 20:35. Miꞌi hawyi eiwoꞌoꞌehay o apoꞌe hap etiat.
-
Aikotā̃ Iesui toꞌe hap ewy kat hap eig̃ aimowepīt poꞌog̃ hamo.
Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Ahekat kahatoꞌi pykai sio aiwat katꞌi rakat pykai aikotā̃ meig̃ watimoherep kuap aheg̃yiꞌat hap.
Etikuap taꞌyn apo.
Tupana Ehay henoi waku wahentup Ieuwa kape Iesui set upi e. (Etimowempāp o Iuwãu 16:23, 24.) Miꞌi pote karāmpe wahentup kahuro pe Iesui set upi awatoꞌe hap puo pyi watimoherep wahewaku kahato Iesui minug̃ aheupi hap upi. Iꞌewȳte Ieuwa wyꞌok wo watoig̃neꞌen hap upi.
IRANIAꞌĪN TEꞌEROꞌE Katꞌi Tupana tunug̃ ahoꞌopot turān tehaꞌat sese yn sio hoꞌopot hap puo pyi Tupana uhaꞌag̃ kahato iꞌatuꞌe.
-
Watuwemūꞌe hawyi watikuap taꞌyn Iesui tunug̃ aikotā̃ toꞌȳwot ewy hap. Miꞌi pote yne Iesui minug̃ wakuat koꞌi puo pyi aikotā̃ meig̃ watikuap Ieuwa tenentup kahato ahewowiat hap.
WATUWEMŪꞌE RAꞌYN
Iesui tikyꞌe kahato Ieuwa iꞌewȳte mītꞌīn. Iesui tunug̃ aikotā̃ toꞌȳwot wat wakuat koꞌi hap ewy kahato. Miꞌi pote eremūꞌe poꞌog̃ Iesui wat wakuat koꞌi etiat pote etikuap poꞌog̃ hamo Ieuwa etiat wy.
Hotꞌokꞌe te asom
-
Watimoherep watikyꞌe Ieuwa hamo kat koꞌig̃ hag̃ waku watunug̃ Iesui ewy.
-
Iesui timoherep kahato mītꞌīn kyꞌe hap. Aikotā̃ Iesui ewy hamo kat koꞌi hap puo pyig̃ asom aito watimoherep kuap watiꞌatukyꞌe mītꞌīn hap.
-
Iesui wat toig̃ kahato wakuat koꞌi maꞌato kat hag̃ etipuenti poꞌog̃ waku.
ETIKUAP TERĀN POꞌOG̃ POTE
Etikuap poꞌog̃ hamo aikotā̃ me wahaꞌag̃ kuap Iesui wat wakuat koꞌi etimowempāp o popera.
Ehaꞌag̃ Iesui hamo waku (Jesus— o Caminho, a Verdade e a Vida, página 317)
Etikuap poꞌog̃ hamo kat pote waku kahato wahentup Iesui set upi hap.
Kat pote asom waku wahentup Iesui set upi. (A Sentinela, 1.º de fevereiro de 2008)
Aikotā̃ asom Iesui.
Iesui tiꞌatumontypot kahato haryporiaꞌīn. Kan miꞌi hap aimūꞌe.
