CHILAYIJO 17

Jesu Unhu Ulichini?

LIJA

Jesu Unhu Ulichini?

Kulayijwa nozunu zwaakalebeleka nozwaakata echipenyika, tokwanisa kulayijwa bunhu bunotibhancha kuti tisendele pelyo naye akale naDade babe Jehova. Ndibupi bunhu yobo? Tingonkwejejela chini Jesu mubupenyu bwedu?

1. Jesu unofanana chini naDade babe?

Pakabeli kudenga, Jesu wakabebona zwakabetiwa naDade babe banaludo akale wakalayijwa zunji kwabali kwamabhiliyoni amakole. Yozu zwakata kuti eyeye akale ete saDade babe. (Balani Johani 5:19.) Jesu wakatondejela zubuyanana zulota bunhu bwaDade babe ndizo akati: “Unhu wose wabona imi wabona Dade.” (Johani 14:9) Pawuchabelayijwa nozobunhu bwaJesu zuchata kuti unzibe zubuyanana Jehova. Sonkwejaniso, inzila Jesu yaakabebabayilila nayo banhu yakabetondejela kuti Jehova unowha chini nozuzo.

2. Jesu wakatondeja chini kuti unonda Jehova?

Jesu wakati: “Kuti inyika izibe kuti ndinoda Tate, akale kuti ndinota sezwandakalayijwa naTate.” (Johani 14:31) Echipenyika, Jesu wakatondejela kuti wakabeda Dade babe zukulwana nokubawhilila kojoba zusakabeli zulelu kuta alo. Jesu wakabeda kulebeleka nozwaDade babe akale nokubhancha bamwe kuti bebe nobukwayina Naye.—Johani 14:23.

3. Jesu wakatondeja chini kuti unoda banhu ?

IBhayibhili linoti Jesu “unoda banhu.” (Zwichimbe 8:31, mawhi apo pasi) Wakatondeja ludo yolo nokubakutayija akale nokubabhancha. Wakata zuchenamiso etondejela isimba lilye neshe. (Maliko 1:40-42) Wakabhata banhu neshe akale esinoshalula. Mawhi awe akabenyalaja banhu bakabeda ichokomende akale akabebapa chibimbo. Jesu wakazupila kuyabula akale nokufa nokuti unoda banhu. Koga unoda kasa kasa yabo banotobeleja zwaakabelayija.—Balani Johani 15:13, 14.

FUNDA ZUNJI

Layijwa zunji nozobunhu bwaJesu. Akale kuti tingonkwejejela chini pakuba noludo akale nokukobela bamwe zwatinanazo.

4. Jesu unoda Dade babe

Zwakatiwa naJesu zunotilayija inzila yatingatondejele nayo kuti toda Mwali. Balani Luka 6:12 na Johani 15:10; 17:26. Mushule mokubala ivesi imwe nemwe, kwejisani nombuzo yoyu:

Tikwejejela Jesu tingatondejela chini kuti toda Jehova?

Jesu wakabebada Dade babe bokudenga akale wakabegala elebeleka nabo nonamato

5. Jesu unowileshe banhu banoda kubhanchwa

Jesu wakabebiga zudo zwabamwe pakutanga kupinda zuzwe. Kojoba aluba akanyala wakabeshingisa unshaji uwe namasimba awe kuti ebhanche bamwe. Balani Maliko 6:30-44, akale kwejisani nemibhuzo yeyi:

Munyaya yeyi, Jesu wakatondeja chini kuti wakabewhila bamwe ishe?—Linga vesi 31, 34, 41, na 42.
Ini zwakasunda Jesu kuti ebhanche bamwe? Linga vesi 34.
Sezwo Jesu wakatondejela bunhu bwaJehova, yozu zunotilayijani nozwaJehova?
Tingokwejejela chini Jesu pakutondejela bamwe ishe?

6. Jesu unokoba

Jesu ajakabeminyana kojoba wakabeli nozunu zushoma akale wakatikutayija kuti nebo tikobe. Balani Mishingo 20:35, akale kwejisani nombhuzo yoyu:

Jesu wakati ini zunota kuti tishantilwe?

Yebani iVIDIYO, akale kwejisani nombuzo unotobela.

IVIDIYO: “Ukupha Kuyathokozisa Kakhulu”—Isiqephu (4:00)

Ndizupi zumwe zwatingate kuti tibe banokoba kojoba tisina zunji zwokulalama nazo?

Wabezuziba na?

IBhayibhili linotilayija kuti tinamate kuna Jehova muzina lyaJesu. (Balani Johani 16:23, 24.) Tingonamata nenzila yakadalo tobetondeja kuti tozuziba zwatakatilwa naJesu kuti etibhanche kuti tibebakwayina baJehova.

BAMWE BANOTI: “Mwali aaneni nokusheta kwatinota.”