ROSO 17
Yesuusi Akata Hiittooho?
Yesuusi uullate aana noo yannara coyiꞌrinorenna assinore xiinxallineemmo woyite, isonna Annasi Yihowa banxeemmo gede assitannonke akatta huwanteemmo. Tenne baxissanno akatta giddo mite hiikkuriiti? Qoleno, heeꞌneemmo heeshshonni Yesuusi lawishsha harunsa dandiineemmohu hiittoonniiti?
1. Yesuusi Annisi gedeeha ikkinohu hiittee doogganniiti?
Yesuusi iima gordoho lowo biliyoone ikkanno diro shaqqado Annasi laꞌꞌanni lowore rosino. Hakko daafira, hedosinna assootisi baalu Annisihu gedeeho. (Yohaannisi 5:19 nabbawi.) Isinni Yesuusi Annisi akata gudise leellishino daafira, “Ane afinohu Annaꞌyano afino” yiino. (Yohaannisi 14:9) Yesuusi ayimma daafira rossanni haꞌritto kiiro, Yihowa roore afatto. Lawishshaho, Yesuusi manna mararino gari, Yihowa ate daafira mageeshshi geeshsha hedannoro leellishanno.
2. Yesuusi Yihowa baxannota leellishinohu hiittoonniiti?
Yesuusi togo yiino: “Ani Annaꞌya baxeemmota tini gobba affanno gede, Anniꞌya hajajinoere baala wonsheemmo.” (Yohaannisi 14:31) Yesuusi uullate aana noo yannara, hajajama qarra ikkitusi woyite nafa Annisira hajajame iso lowo geeshsha baxannota leellishino. Qoleno Yesuusi Annasi lowo geeshsha baxanno daafira, isire hasaawa baxanno; hattono wolu manni Annisi ledo jaalooma kalaqiꞌranno gede kaaꞌla hasiꞌranno.—Yohaannisi 14:23.
3. Yesuusi manna baxannota leellishinohu hiittoonniiti?
Qullaawu Maxaafi, Yesuusi ‘mannu sirchinni hagiidhinota’ kulanno. (Lawishsha 8:31) Isi manna jawaachishenna umisi qiniite agure woloota kaaꞌle baxillesi leellishino. Loosino maalale, wolqasi calla ikkikkinni manna mararannotano leellishshannote. (Maarqoosi 1:40-42) Isi mannu baalunkura shaqqadoho; hattono dimallaadannoho. Isi coyiꞌrino qaali, suwashshu wodani noonsa manni sheshonna hexxo afiꞌranno gede kaaꞌlino. Yesuusi qarramatenna reyate maahoyye yiinohu, mannu ooso baalanta baxanno daafiraati. Ikkollana isi, rosiisino rosi garinni heedhannore roorse baxanno.—Yohaannisi 15:13, 14 nabbawi.
LEDDE XIINXALLI
Yesuusi akatta daafira ledde rosi. Qoleno isi gede baxillenna shaqqille leellisha dandaatto gara xiinxalli.
4. Yesuusi Annasi baxanno
Yesuusi lawishshinni, Magano banxeemmota leellisha dandiineemmo gara ronseemmo. Luqaasi 6:12 nna Yohaannisi 15:10; 17:26 nabbabbe. Mitto mittonka qummeeshsha nabbabbinihu gedensaanni, aante noo xaꞌmo hasaabbe:
-
Yesuusi lawishsha harunsine, Yihowa banxeemmota leellisha dandiineemmohu hiittoonniiti?
Yesuusi iimi Annasi baxanno; hattono huuccattotenni iso ganye hasaawisanno
5. Yesuusi qarrantinore mararanno
Yesuusi umisi injo agure, wole manna kaaꞌlino. Isi daafure noo yannara nafa, yannasinna wolqasi wole manna kaaꞌlate horoonsiꞌrino. Maarqoosi 6:30-44 nabbabbe; hakkiinni aante noo xaꞌmuwa hasaabbe:
-
Tenne xagge giddo, Yesuusi manna mararannota leellishinoti mite doogga hiikkuriiti?—Kiiro 31, 34, 41, nna 42 lai.
-
Yesuusi manna kaaꞌlanno gede kakkayisinosiri maati?—Kiiro 34 lai.
-
Yesuusi Yihowa akatta leellishannohura, isi assinorinni Yihowa daafira maa ronseemmo?
-
Yesuusi gede ninkeno manna mararreemmota leellisha dandiineemmo doogga giddo mite hiikkuriiti?
6. Yesuusi shaqqadoho
Yesuusi maalaamittetenni lowori noosikkiha ikkirono, shaqqadoho; isi ninkeno shaqqadda woy elleemmore ikkineemmo gede jawaachishinonke. Soqqamaasinete Looso 20:35 nabbabbe; hakkiinni aante noo xaꞌmo hasaabbe:
-
Yesuusi yiino garinni, hagiirraamma ikkineemmohu ma assinummorooti?
VIIDIYO laꞌe; hakkiinni aante noo xaꞌmo hasaabbe.
-
Noonkehu maalaamittete coyi gariha ikka hoogiro nafa, wolu mannira aa dandiineemmoti mite doogga hiikkuriiti?
Ati tenne afootto?
Qullaawu Maxaafi Yihowa Yesuusi suꞌminni huucciꞌra hasiissannonketa kulanno. (Yohaannisi 16:23, 24 nabbawi.) Yesuusi suꞌminni huucciꞌranke, isi Yihowa jaalla ikkineemmo gede kaaꞌlate yee assinonkerira galatu noonketa leellishshanno.
MITU MANNI TOGO YAANNO: “Maganoho ninke qarri dileellannosi.”
-
Yesuusi Annisi akatta leellishanno daafira, isi uullate aana heeꞌre assinori Yihowara qarrinke leellannosita leellishannohu hiittoonniiti?
XAPHISHSHA
Yesuusi Yihowa baxanno; isi mannano baxanno. Yesuusi akati Yihowahu gedeeha ikkino daafira, Yesuusa afitto kiiro Yihowano albinni roore afatto.
Kageeshsha Rosoottore
-
Yesuusi gede Yihowa banxeemmota leellisha dandiineemmohu hiittoonniiti?
-
Yesuusi gede manna banxeemmota leellisha dandiineemmohu hiittoonniiti?
-
Yesuusi akatta giddo roore baxisinohehu hiikkoyeti?
EGENNO LEXXI
Yesuusi gedeere ikkineemmo gede kaaꞌlitannonke akatta giddo mite huwati.
“Yesuusi Faale Haꞌrate Kaaꞌlitannonke Akatta” (Yesuusi Doogote, Halaalehonna Heeshshote)
Yesuusi suꞌminni huucciꞌra hasiissannonkehu mayiraatiro wodanchi.
“Yesuusi Suꞌminni Huucciꞌra Hasiissannonkehu Mayiraati?” (Agarooshshu Shae, Ammajje 1, 2008)
Qullaawu Maxaafi Yesuusi dana hiittoohoro kulanno?
Yesuusi meento ayirrisino doogonni maa ronseemmo?
“Maganu Meento Ayirrinsara Hasiꞌranno” (Agarooshshu Shae, Wocawaaro 1, 2012)
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
