UYONO 17
Oka rẹ Ohwo vọ Yen Jesu Hepha?
Avwanre vwo yono kpahen erọnvwọn ri Jesu tare vẹ obo ro ruru vwẹ otọrakpọ na, a cha mrẹ erọnvwọn re sa nẹrhẹ avwanre sikẹrẹ vẹ Jihova rọ dia Ọsẹ rọyen. Ọrhọ yen evo usun rẹ erọnvwọn nana? Mavọ yen a sa vwọ vwẹrokere Jesu?
1. Idjerhe vọ yen Jesu vwọ họhọ Ọsẹ rọyen?
Jesu ghwọrọ ikpe oduduima buebun vwo yono mie Ọsẹ rọyen vwẹ odjuvwu. Kọyensorọ iroro, iruemu vẹ irueru rọyen vwọ họhọ e rẹ Ọsẹ rọyen. (Se Jọn 5:19.) Vwọrẹ uyota, Jesu dje iruemu rẹ Ọsẹ rọyen phia gbagba te ẹdia rọ vwọ ta: “Ọ rọ mrẹ vwẹ nu yọ mrẹ Ọsẹ na re.” (Jọn 14:9) Wo vwo yono kpahen iruemu ri Jesu na, ku wọ cha nabọ riẹn Jihova phiyọ. Kerẹ udje, oborẹ Jesu vwẹrote ihwo wan ghwa odjephia nẹ Jihova vwẹrote avwanre.
2. Mavọ yen Jesu vwo djephia nẹ o vwo ẹguọnọ ri Jihova?
Jesu da ta: “Mi ruẹ kirobo rẹ Ọsẹ na ji urhi kẹ vwẹ, rere akpọ na vwọ sa riẹn nẹ me guọnọ Ọsẹ na.” (Jọn 14:31) Jesu vwọ hẹ otọrakpọ na, o djerephia nẹ o vwo ẹguọnọ okokodo kpahen Ọsẹ rọyen rọ vwọ kerhọ rọyen vwẹ ọke ọ vwọ tobọ bẹn kẹ. Ọkieje yen Jesu vwọ ta ota kpahen Ọsẹ rọyen, ọ je guọnọ chọn ihwo uko vwo vwo uvi rẹ oyerinkugbe vẹ Jihova.—Jọn 14:23.
3. Mavọ yen Jesu vwo djephia nẹ o vwo ẹguọnọ rẹ ihwo?
Baibol na tare nẹ Jesu vwo omavwerhovwẹn kpahen “emọ rẹ ihwo rẹ akpọ.” (Isẹ 8:31) O dje ẹguọnọ nana phia ro vwo bru ihwo uche je chọn ayen uko odedede. O ru igbevwunu ri djerephia nẹ ọyen ohwo ro vwo ẹgba ro ji gbe arodọnvwẹ. (Mak 1:40-42) O dje uruemu esiri kẹ ihwo eje; ọ ghwomaphiyọ ẹbẹre ọvo-o. Eta rọyen bọn ihwo gan, e je nẹrhẹ ihwo ri vwo ẹwẹn esiri re kerhọ kẹ vwo iphiẹrophiyọ. Jesu choma rọ vwọ rioja ji ghwu fikirẹ ẹguọnọ ro vwo kpahen ihworakpọ. Ẹkẹvuọvo, ihwo ri nene iyono rọyen yen o me vwo ẹguọnọ kpahen.—Se Jọn 15:13, 14.
HIẸ KODO
Yono kpobarophiyọ kpahen iruemu ri Jesu rere wo roro kpahen obo wọ sa vwọ vwẹrokere ẹguọnọ vẹ uruemu ẹse-eruo rọyen.
4. Jesu vwo ẹguọnọ rẹ Ọsẹ rọyen
Udje ri Jesu yono avwanre obo re se vwo djephia nẹ e vwo ẹguọnọ rẹ Ọghẹnẹ. Se Luk 6:12 kugbe Jọn 15:10; 17:26. Wo de se ẹkpo ri Baibol na ọvuọvo nu, ovwan ta ota kpahen onọ nana:
-
Mavọ yen avwanre sa vwọ vwẹrokere Jesu vwo djephia nẹ e vwo ẹguọnọ ri Jihova?
Jesu vwo ẹguọnọ rẹ Ọsẹ rọyen, ọ je nẹrhovwo rhe abọ buebun
5. Jesu vwo ọdavwẹ rẹ ihwo re guọnọ ukẹcha
Ọdavwẹ rẹ ihwo efa yen Jesu vwọ kobaro kẹ ọrọyen. Oma vwọ tobọ broku, ọ je reyọ ọke vẹ ẹgba rọyen vwọ chọn ihwo uko. Se Mak 6:30-44, ovwan ta ota kpahen enọ nana:
-
Vwẹ ikuegbe nana, ọrhọ yen idjerhe evo rẹ Jesu vwo djephia nẹ o vwo ọdavwẹ rẹ ihwo efa?—Ni awọreta 31, 34, 41, vẹ 42.
-
Die yen mu Jesu vwọ chọn ihwo efa uko?—Ni owọrota 34.
-
Ọ vwọ dianẹ Jesu vwẹrokere iruemu ri Jihova, die yen enana eje yono uwe kpahen Jihova?
-
Idjerhe vọ yen a sa vwọ vwẹrokere ọdavwẹ ri Jesu vwo kpahen ihwo efa?
6. Jesu ruẹse kẹ ihwo
Jesu ruẹse kẹ ihwo efa dede nẹ o vwo ekuakua ugboma buebu-un, o ji jiro kẹ avwanre nẹ e ru ọtiọyen. Se Iruo Rẹ Iyinkọn Na 20:35, ovwan ta ota kpahen onọ nana:
-
Kirobo rẹ Jesu tare, mavọ yen e se vwo vwo omavwerhovwẹn?
Hworo IVIDIO na, ovwan ta ota kpahen onọ ro nenire.
-
Ọrhọ yen idjerhe evo e se vwo ruẹse kẹ ihwo efa dede nẹ e ghwe vwo bu-un?
Wọ riẹnre jovwo?
Baibol na yono avwanre nẹ a nẹrhovwo rhe Jihova womarẹ odẹ ri Jesu. (Se Jọn 16:23, 24.) E de ru ọtiọyen, kọyen avwanre djephia nẹ e vwo ọdavwaro kpahen oborẹ Jesu ruru rere a sa vwọ dia ugbeyan ri Jihova.
IHWO EVO TA: “Ọghẹnẹ davwerhọn rẹ ojaẹriọ rẹ avwanre-e.”
-
Ọ vwọ dianẹ iruemu rẹ Ọsẹ na yen Jesu djephia, mavọ yen irueru rọyen vwo djephia nẹ Jihova vwo ọdavwẹ avwanre?
ỌDJẸKOKO
Jesu vwo ẹguọnọ ri Jihova, ọtiọyen o ji vwo ẹguọnọ rẹ ihworakpọ. Ọ vwọ dianẹ Jesu họhọ Ọsẹ rọyen na, re vwo vughe Jesu phiyọ ye, jẹ erianriẹn re vwo kpahen Jihova rhuaphiyọ.
Ẹrhomafuẹrẹn
-
Mavọ yen e se vwo djephia nẹ e vwo ẹguọnọ ri Jihova kerẹ Jesu?
-
Mavọ yen e se vwo djephia nẹ e vwo ẹguọnọ rẹ ihwo kerẹ Jesu?
-
Die yen vwerhen owẹ oma kpahen iruemu ri Jesu?
HIẸ GUỌNỌ
Roro kpahen evo usun rẹ iruemu ri Jesu ra sa vwẹrokere.
“A Vwọ Vwẹrokere Jesu, Dia . . . ” (Jesus—The Way, the Truth, the Life, aruọbe 317)
Fuẹrẹn ẹdia ọghanghanre rẹ Jesu kare vwevunrẹ ẹrhovwo.
“Diesorọ A Vwọ Nẹrhovwo Vwẹ Odẹ ri Jesu?” (Uwevwin Orhẹrẹ ri February 1, 2008)
Baibol na djunute oka rẹ urhoma ri Jesu vwori?
“Oka rẹ Urhoma vọ Yen Jesu Vwori?” (Uyovwinrota rọhẹ jw.org)
Die yen e se yono nẹ oborẹ Jesu nene eya yerin wan?
“Ọghọ Kugbe Ẹroẹvwọsuọ Vwẹ Otọ rẹ Ẹroevwote rẹ Ọghẹnẹ” (Uwevwin Orhẹrẹ ri September 1, 2012)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
