UMBUESÁ 17

Mayé Jesus rikusá?

UYUPIRŨ

Mayé Jesus rikusá?

Yayumbué ramé maã resé Jesus umuñhã asuí umbeu uikú ramé iwí upé, yapoderi yakuá isikusá resé. Kuá uajudari yandé yaikú piri arama isuakí asuí ipaya Jeová ruakí yuíri. Mayewaá Jesus rikusá? Mayé yapoderi yamuñhã mayé Jesus yawé?

1. Mayé akuá Jesus aé mayé ipaya Jeová yawé?

Jesus uviveri siya akayú ipaya irum iwaka upé asuí uyumbué siya maã irum. Yawewaá resewara Jesus umanduári asuí umuñhã pañhe maã mayé Jeová yawé. (Releri João 5:19.) Umusangá resewara ipaya rikusá Jesus umbeu: “Awá umaã ixé umaã yuíri se Paya.” (João 14:9) Reyumbué ramé Jesus rikusá resé, resú reyumbué yuíri Jeová resé. Yepé exemplo, yaleri ramé mayé Jesus uyupreocupari kuera miraitá rupí uxari yakuá Jeová uyupreocupari yané rupí.

2. Mayé Jesus uxari yakuá aé usaisú Jeová?

Jesus uñheẽ: “Amuñhã kuayé se Paya umunduwaá yawé ixé, aintá ukuá arama kuaitá mundo puraitá agustari se Paya.” (João 14:31) Uikú ramé iwí upé, Jesus uxari yakuá aé usaisú ipaya usendúwara rupí aé, até iwasú ramé. Asuí yuíri, Jesus ugustari ukuntari ipaya resé asuí uajudari amuitá ta upitá arama Deus rumuara. — João 14:23.

3. Mayé Jesus uxari yakuá aé usaisú miraitá?

Bíblia umbeu Jesus ‘ugustari piri miraitá amú maã suí’. (Provérbiuitá 8:31, nota) Jesus umaã pañhe awá yepewasú. Umbeuwaá rupí aé umusurí miraitá asuí uputari uajudari aintá. Umuñhã ramé milagre aé uxari yakuá ti añhũ urikú kirimbasá ma umaã pirasúa miraitá yuíri. (Marko 1:40-42) Jesus umbeuwaá kuera umusurí mira purangawaitá asuí umuñhã ta usarú purangawaá ta rundé kití. Jesus upurará asuí umanũ usaisú resewara miraitá. Ma aé usaisú piri awá usendú maã umbuewaá. — Releri João 15:13, 14.

REYUMBUÉ PIRI ARAMA

Iké resú rekuá xinga Jesus rikusá resé. Remaã yuíri mayé repoderi remusangá Jesus rikusá.

4. Jesus usaisú ipaya

Jesus exemplo umbué yandé mayé yapoderi yasaisú Deus. Peleri Luka 6:12 asuí João 15:10; 17:26. Ariré pekuntari kuá resé:

Mayé yapoderi yamuñhã mayé Jesus yawé asuí yamukameẽ yasaisú Jeová?

Jesus usaisú ipaya asuí ukuntariwara irum oração rupí

5. Jesus uyupreocupari miraitá resé ta uprecisariwaá ajuda

Jesus uyupreocupari piri miraitá resé isuí. Aé usari itempo asuí ikirimbasá uajudari arama miraitá até uikú ramé ikueré. Peleri Marko 6:30-44. Ariré pekuntari kuá resé:

Mayé Jesus uxari yakuá aé uyupreocupari miraitá rupí? — Pemaã kuá versículoitá 31, 34, 41 asuí 42.
Marã Jesus uputari kuera uajudari miraitá? — Pemaã kuá versículo 34.
Jesus umusangá ipaya rikusá. Maã yayumbué Jeová resé?
Mayé yapoderi yayupreocupari miraitá resé mayé Jesus yawé?

6. Jesus ugustari uajudari amuitá

Jesus ti urikú siya maã, ma ugustari udividiri amuitá irum maã urikuwaá. Aé umbeu yamuñhã arama kuayé yuíri. Peleri Ato 20:35. Ariré pekuntari kuá resé:

Mayé Jesus umbeu, maã umuñhã yaikú surí?

Pemaã kuá VÍDEO. Ariré pekuntari kuá resé:

VÍDEO: “Surí piri kuá umeẽwaá” — Pedaço (4:00)

Até ti ramé yarikú siya maã, mayé yapoderi yadividiri maã yarikuwaá?

Rekuáwana será kuá resé?

Bíblia umbué yandé yapurandú arama Jeová irum Jesus rera rupí. (Releri João 16:23, 24.) Yamuñhã ramé kuayé, yaxari ta ukuá yavalorizari maã Jesus umuñhã yané rupí yapitá arama Jeová rumuara.

YEPEYEPÉ MIRAITÁ TA UMBEU: “Deus ti uyupreocupari mairamé miraitá ta upurará.”