Amɛ miliya nɛniɖe nunɔ mɔ yewonyi Kristotɔwo. Vɔ ŋciwo woxɔ se denyi ŋɖekɛwo o, yí wodezɔnnɔ do ese ɖekɛŋmɛwo ji hɛnnɛ o. Ci ele ahan ɖe, lé mìawɛ anya mɛ ciwo yí nyi Kristotɔ ŋtɔŋtɔwoɔ?

1.Woanyi Kristotɔ gɔnmɛ ɖe?

Yesu Kristo nukplaviwo alo yi dokplɔtɔwo yí nyi Kristotɔwo. (Hlɛn Edɔwawawo 11:26.) Lé wodanasɛ yi do mɔ yewonyi Yesu nukplaviwoɔ? Yesu nu mɔ: “Nɔ́ [mínɔ] Anyi nyɔ mɛ ɔ, mí a nyi Anyi dɔkplaviwo nyao.” (Ʒan 8:31) Enyɔ cɛ gɔnmɛ yí nyi mɔ, Kristotɔ adodwiwo ɖo awanɔ do Yesu nukplamuwo ji. Enyɔ ciwo yí le Bibla mɛ yí Yesu kplanɔ amɛwo hweshiahwenu. Ahanke mɛ ciwo yí kplɔ Yesu do nyao wɛni nɛ.—Hlɛn Luiki 24:27.

2.Lé Kristotɔ adodwiwo danasɛ do mɔ yewolɔnnɔ amɛɔ?

Yesu nu nɔ yi dokplɔtɔwo mɔ: “Mí lɔn míwonɔnɔwo shigbe le Ŋ lɔn mí ɛnɛ.” (Ʒan 15:12) Lé Yesu dasɛ do mɔ yelɔn ye nukplaviwoɔ? Énɔnɔ ju koɖo wo, donɔ ŋsɛn wo yí gbekpenɔdo wo nu. Ésɔ yi gbe na do ta nɔ wo ŋtɔkpu. (1 Ʒan 3:16) Shigbe Yesu nɛɔ, yi dokplɔtɔ ŋtɔŋtɔwo dexonɔ nuxu so lɔnlɔn nu kpoŋ o. Vɔ wodanasɛ yi mɔ yewolɔn nɔnɔ to wowo nyɔwo koɖo nuwanawo ji.

3.Edɔ ci yí bianɔ ŋkuvi nɔ Kristotɔ adodwiwoɔ?

Yesu dɔ dɔ ɖeka yi nukplaviwo. “É dɔ wo ɖaɖa Mawu Fyɔɖuxu enyɔ lɔ nu gbe.” (Luiki 9:2) De finiwo exwe sanŋdi ŋkɔtɔ mɛ Kristotɔwo bɔnɔ do yí sɛnnɔ Mawu le ɖekɛ yí wodranɔ nyɔ lɔ le o, wogbedrɛni le jugbaja tɔxu buwo koɖo axowo mɛ. (Hlɛn Edɔwawawo 5:42; 17:17.) Ahanke mɛ ciwo yí nyi Kristo dokplɔtɔ ŋtɔŋtɔwo le egbɛmɛ dranɔ Bibla mɛ nyɔnɔnwi lɔ le fiɖekpokpui ci amɛwo le nɛ. Wolɔn wowo kpenawo eyi taɖo wosɔ jijɔ zannɔ gamɛ koɖo ŋsɛn wowo tɔwo yí sɔ dranɔ mɔkpɔkpɔ koɖo akɔnfɛ ŋɛdu ci yí le Bibla mɛ nɔ wo.—Maki 12:31.

 JI DWI NI KPƆ DOJI

4.Wojinɔ nyɔnɔnwi ci yí le Bibla mɛ

5.Wodranɔ nyɔnɔnwi ci yí le Bibla mɛ

 6. Wowanɔ do nyɔ ci wodradra ji

Nyi yí na ŋsu ɖeka ci yí tɔ mɔ Tom vakando ji mɔ yekpɔ Kristotɔ akun-akun lɔwoɔ? Xo VIDEO lɔ, yí agbeje biɔse ciwo yí gbɔgbɔ mɛ.

• Le video lɔ mɛ ɖe, nyi yí dɔ Tom degbejinɔ mɔ yeaɖo sɛnsɛn ɖe mɛɔ?

• Nyi yí taɖo evakando ji mɔ yekpɔ nyɔnɔnwi lɔɔ?

Mìwo nuwanawo le veviɖe wu nyɔ ciwo mìnunɔ. Hlɛn Matie 7:21 yí agbeje nyɔbiɔse ci yí gbɔgbɔ mɛ:

• Nɔ mìsɔ ŋciwo mìnunɔ mɔ mìxɔ se koɖo ŋciwo mìwo nuwanawo danasɛ ɖo te ɖe, ci yí nɔnɔ veviɖe nɔ Yesu wuɔ?

7.Wolɔn wowonɔnɔwo

• Lé Yesu nukplaviwo (Kristotɔ adodwiwo) wanɔ nu ɖaɖa akɔta bu mɛ tɔwo abi jukɔn bu mɛ tɔwo gbɔ doɔ?

• Lé wowanɔ do nyɔ cɛ ji le ahwa hwenuwo doɔ?

 ENU CI ÈKPLA

Kristotɔ adodwiwo wanɔ do nyɔ ciwo Bibla nu ji, danasɛ mɔ yewoɖo amɛɖekisɔsɔsavɔn lɔnlɔn nɔ amɛwo yí gbedranɔ nyɔnɔnwi ci yí le Bibla mɛ.

Enumɛtoto

• Nyi ji Kristotɔ adodwiwo cunɔ wowo jixɔsewo doɔ?

• Nyi wosɔ donɔ jeshi Kristotɔ adodwi lɔwoɔ?

• Edɔ vevi ci Kristotɔ adodwiwo wanɔɔ?