18 УРОК
Чын христиандарды канайып табар?
Бойлорын христиандар деп эки миллиардтаҥ кӧп улус аданып јат. Је олордыҥ ӱредӱлери ле нормалары чек башка. Айдарда, чын христиандарды канайып табар?
1. Христиан кижи ол кем?
Христиан кижи — ол Иисус Христостыҥ ӱренчиги. (Апостолдордыҥ ижи 11:26 кычырыгар.) Чындык христиандарды канайып табар? Иисус јарт айдып салган: «Мениҥ сӧзимнеҥ чыкпай јӱрзегер, чын Мениҥ ӱренчиктерим болгоныгар ол» (Иоанн 8:31). Бу ӱлгерле болзо, чындык христиандар Иисустыҥ ӱреткениле јӱрет. А Иисустыҥ ӱредӱлери Кудайдыҥ Сӧзине тӧзӧлӧнӧт. Анайып ла чындык христиандардыҥ ӱредӱлери база Кудайдыҥ Сӧзине тӧзӧлӧнӧт. (Лука 24:27 кычырыгар.)
2. Чын христиандар сӱӱшти канайып кӧргӱзет?
Иисус ӱренчиктерине мынайып айткан: «Мен слерди сӱӱгемдий, бойы бойыгарды сӱӱп јӱрӱгер» (Иоанн 15:12, ЈК 2003). А Иисус ӱренчиктерин канайып сӱӱген? Ол ӱренчиктериле ӧй ӧткӱрген, олордыҥ кӱӱн-санаазын кӧдӱрген ле олорго болушкан, керек дезе олор учун јӱрӱмин де берген (1 Иоанн 3:16). Мынайып ла чын христиандар сӱӱш керегинде јӱк ле айдып турган эмес, је сӱӱшти керектериле кӧргӱзет.
3. Чын христиандар кандый ишти баштапкы јерге тургузат?
Иисус ӱренчиктерине «Кудайдыҥ Каандыгы керегинде јарлазын» деп јакылта берген (Лука 9:2). Баштапкы христиандар јӱк ле Кудайга бажырып турган јерлерде эмес, је кӧп улус јуулыжып турган јерлерде, анайда ок айылдар сайын јарлаган. (Апостолдордыҥ ижи 5:42; 17:17 кычырыгар.) Анайып ла бӱгӱнги де кӱнде чын христиандар кайда ла јарлап јат. Олор бойыныҥ «јуугын» сӱӱп турганынаҥ улам, улуска ижемји ле токунаду берип турган чындыкты јетирерге, бойыныҥ ийде-кӱчин ле ӧйин бир де кысканбай берет (Марк 12:31).
ТЕРЕҤЖИДЕ КӦРӰГЕР
Бойлорын христиандар деп аданып, је Иисус Христостыҥ ӱредӱлериле, темиле јӱрбей турган улустаҥ чын христиандар незиле аҥыланат деп билип алыгар.
4. Олор чындыкты Агару Бичиктеҥ бедирейт
Баштапкы чактыҥ христиандары Кудайдыҥ Сӧзине бӱткен
Бойлорын христиандар деп аданып турган улустыҥ кӧп сабазы Агару Бичиктиҥ ӱредӱлериле јӱрбей јат. ВИДЕОНЫ кӧрӱп, суракты шӱӱжип ийигер.
-
Улус Иисустыҥ ӱредӱлерин билбезин деп, кезик серкпелер нени эткен?
Иисус Кудайдыҥ Сӧзинде бичилген чындыкка ӱреткен. Иоанн 18:37 кычырып, суракты шӱӱжип ийигер:
-
Иисустыҥ сӧстӧриле болзо, «чындыкта» јӱрген улусты ол эмезе чын христиандарды канайып табып алар?
5. Олор Агару Бичиктиҥ чындыгына ӱредет
Баштапкы чактыҥ христиандары улуска јарлаган
Иисус теҥери барар алдында, бойыныҥ ӱренчиктерине јаан учурлу јакылта берген. Бу јакылтаны олор бӱгӱнги кӱнге јетире бӱдӱрет. Матфей 28:19, 20 ле Апостолдордыҥ ижи 1:8 кычырып, суракты шӱӱжип ийигер:
-
Јарлаар иш кандый ӧзӱм алынар ла канча кире ӧйгӧ эдилер деп судурлалган?
6. Олор Агару Бичиктиҥ ӱредӱлери аайынча јӱрет
Том чын христиандарды таап алганын канайып оҥдоп ийген? ВИДЕОНЫ кӧрӱп, сурактарды шӱӱжип ийигер.
-
Нениҥ учун Том кудай јаҥдардаҥ чӧкӧп калган болгон?
-
Ол чындыкты табып алганын канайып оҥдоп ийген?
Бӱдӱмјисти јӱк ле сӧстӧрлӧ эмес, керектерле кӧргӱзер керек. Матфей 7:21 кычырып, суракты шӱӱжип ийигер:
-
Иисус неге ӱредет: бӱдӱмјибис јӱк ле сӧстӧрдӧҥ кӧрӱнер керек пе эмезе керектердеҥ кӧрӱнер керек пе?
7. Олор бой-бойын сӱӱп јат
Баштапкы чактыҥ христиандары бой-бойын сӱӱген
Чын христиандар јаҥыс Кудайга бӱдӱп турган ака-эјелери учун јӱрӱмин де берерге белен. ВИДЕОНЫ кӧрӱп, сурактарды шӱӱжип ийигер.
-
Ллойд нениҥ учун Йоханссон учун јӱрӱмин берерге белен болгон?
-
Ллойд аканыҥ эткен керегин кӧрӱп, слер оны чын христиан деп айдараар ба?
Иоанн 13:34, 35 (ЈК 2003) кычырып, сурактарды шӱӱжип ийигер:
-
Иисустыҥ ӱренчиктери (чын христиандар) ӧскӧ укту улуска канайып баштанар учурлу?
-
Јуу-чак башталза, чын христиандар «бойы бойыгарды сӱӱп јӱрӱгер» деген Иисустыҥ јакылтазын бӱдӱрер бе?
КЕЗИК УЛУС АЙДАТ: «Христиандар коркышту јаман керектерде бурулу. Олор канай чын христиандар болотон?»
-
Слер андый улуска чын христиандар кандый болор керек деп кӧргӱзип берерге, Агару Бичиктиҥ кандый ӱлгерин кычырып берер эдеер?
ТӦС ШӰӰЛТЕЗИ
Чын христиандар Агару Бичиктиҥ ӱредӱлериле јӱрет, бой-бойын сӱӱп, јӱрӱмин де берерге белен болот ло Агару Бичиктеги чындыкка ӱредет.
Нени билип алдыгар?
-
Чын христиандардыҥ бӱдӱмјизи неге тӧзӧлӧнӧт?
-
Чын христиандар кандый кылык-јаҥыла аҥыланат?
-
Чын христиандар кандый ишти баштапкы јерге тургузат?
ШИҤДЕЙТЕН МАТЕРИАЛ
Иисус Христостыҥ темиле, ӱредӱлериле јӱрерге албаданып турган улус керегинде кӧптӧдӧ билип алыгар.
Монах болгон бир ӱй кижи кӧгӱс билезин канайып табып алганы керегинде кычырып алыгар.
Чын христиандар ар-бӱткенниҥ тӱбегиниҥ ӧйинде бой-бойына канайып болужат?
«Ар-бӱткенниҥ тӱбегиниҥ ӧйинде ака-эјелерге болушканы» (ӱзӱги) (3:57)
Бӱгӱнги ӧйдиҥ чын христиандары баштапкы чактыҥ христиандарына незиле тӱҥей деп билип алыгар.
«Чын христиандарды канайып табып алар?» («Каруулчы шибее», 2012 јыл, тулаан ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
