Ego ego ebi ene me chereyi ekibe ke ema ire ebi eyi Karais. Ire, otutuuk kiban̄ kpechieek me lek mkpọ yaage, kpekiluk ugwem igọọk onineen̄ yaage si. Ire, ire ikeya, ike owa ke eji ebesa iriọọn̄ ata ebi eyi Karais?

1. Ekene ore ogwu eyi Karais?

Ebi eyi Karais ire ebi ikigọọk Jisọs Karais me udun̄. (Fuk Ikwaan̄ 11:26.) Ike owa ke ema ekisa ijeen̄ ibe ke ema ire ebi udun̄ kè Jisọs ni? Jisọs ibe: “Ire enyi ikirọ inu nkijeen̄ enyi, enyi mêre ebi ìkigọọk emi me udun̄ me atikọ.” (Jọn 8:31) Eyi isibi ibe ke ata ebi eyi Karais ebekirọrọ inu Jisọs okijeen̄. Ofifi si, Jisọs iyaka ijejeen̄ kan̄ ibieen̄ me lek Baibul, inu yaage si ke ata ebi eyi Karais ekirọ.—Fuk Luk 24:27.

2. Kpa ubọk ke ata ebi eyi Karais ekisa ijeen̄ ima?

Jisọs itumu inyi ebi udun̄ kan̄ ibe: “Ìmun̄ lek kinyi me chieen̄, kubọk emi mmun̄be enyi me chieen̄.” (Jọn 15:12) Ike owa ke Jisọs osa ijeen̄ ibe ke ọmọ ima ebi udun̄ kan̄ ni? Ifiat mgbọ me lek kiban̄, itap ema efuuk me owot, mè itap ubọk inyi ema. Inyi ugwem kan̄ me ibot kiban̄ si. (Jọn Eyi Adasi 3:16) Ubọk yaage si, ata ebi eyi Karais kpekpọkpọ ikitumu gaalek ibe ke ema mima ge ge. Ema ekijejeen̄ ima ya me irọrọ kiban̄.

3. Kpasi ikwaan̄ ke ata ebi eyi Karais ekisi?

Jisọs inyi ebi udun̄ kan̄ ikwaan̄. Jisọs iria “ema isibi ibe esi elook ata etip eyi mkpulu eyi Awaji.” (Luk 9:2) Ikare me uwu ntitiin̄ gaalek ke ebi eyi Karais me adasi ukot ekpa ikọ Awaji, mikikpa si me ere ogbogbo ene etitiin̄be mè uwu ebi ene. (Fuk Ikwaan̄ 5:42; 17:17.) Ata ebi eyi Karais me chereyi si ekikpa atikọ Baibul inyi ebi ene me ere geelek. Ema mima ebi ene mè ikisa me unwọọn̄ ikifiat mgbọ mè efuuk kiban̄ ikikpa etip eyi ikpọchieen̄ mè ukarajit inyi ema.—Mak 12:31.

 KWEEN̄ GBAALEK

4. Ema ekiweek atikọ Baibul

5. Ema ekikpa atikọ Baibul

 6. Ema ekirọ inu ema ekijeen̄

Keke orọ inyi ogwu enerieen̄ ge ekigwen Tom inichieek ibe ke ọmọ imun̄ ata ebi eyi Karais? Fit FIDIO yi, mè igbaan̄ ikpa idodo echi ogọgọọk.

• Me emen fidio yi, keke orọ inyi Tom ikakaan̄ ulọk me lek uwu uriaak?

• Keke orọ inyi ọmọ inichieek ijaan̄ ibe ke ọmọ imun̄ atikọ?

Eru ene okijeen̄ ogwu ene orebe igak usem otu. Fuk Matiyu 7:21, mè igbaan̄ ikpa idodo yi:

• Keke okup ufiak inyi Jisọs ichit—ire inu eji ekibe eji ere sa ire inu eji echubọk ikirọ?

7. Ema mima ge ge

• Kpa ubọk ke ebi udun̄ Jisọs (orere, ata ebi eyi Karais) eberọ eru me lek ebi inan̄a me ofifi ere mè iyaka ire ido?

• Kpasi eru ke ema ebejeen̄ me mgbọ akọn̄?

 ME MGBIDIM

Ata ebi eyi Karais ekigọọk ijejeen̄ Baibul, ekijeen̄ ata ima, mè ikijeen̄ atikọ okup me Baibul.

Idodo

• Owa ke ata ebi eyi Karais eyaka ijejeen̄ kiban̄ ibieen̄?

• Eru owa ke ekisa iriọọn̄ ata ebi eyi Karais?

• Kpasi ikwaan̄ ke ata ebi eyi Karais ekisi?