Bu gün milyardlarla insan özünü məsihi adlandırır. Amma hamısının etiqadı, mənəvi dəyərləri bir-birindən fərqlənir. Belə isə kimlərin əsl məsihi olduğunu necə bilmək olar?

1. Məsihi kimə deyilir?

İsa Məsihin şagirdlərinə və ya davamçılarına məsihi deyilir. (Həvarilərin işləri 11:26 ayəsini oxuyun.) Bəs kimlər əsl məsihilərdir? Bunu necə bilmək olar? İsa Məsih demişdi: «Əgər mənim sözlərimə daima əməl etsəniz, deməli, siz, həqiqətən, mənim şagirdlərimsiniz» (Yəhya 8:31). Deməli, əsl məsihilər İsanın təlimlərinə riayət etməlidir. Bundan başqa, əsl məsihilərin etiqadı Müqəddəs Kitaba əsaslanmalıdır. Çünki İsa sözlərini həmişə Allahın Kəlamına əsaslandırırdı. (Luka 24:27 ayəsini oxuyun.)

2. Əsl məsihilər bir-birini sevdiyini necə göstərir?

İsa Məsih davamçılarına demişdi: «Bir-birinizi mən sizi sevdiyim kimi sevin» (Yəhya 15:12). İsa şagirdlərinə sevgisini necə göstərirdi? Onlara vaxt ayırırdı, dayaq olurdu, kömək edirdi. İsa hətta onlardan ötrü canından da keçmişdi (1 Yəhya 3:16). Eynilə, əsl məsihilər də sevginin vacibliyi barədə danışmaqla kifayətlənmirlər. Onlar bir-birlərini sevdiyini həm sözdə, həm də əməldə göstərirlər.

3. Əsl məsihilər hansı işi görür?

İsa Məsih şagirdlərinə iş həvalə etmişdi. «Onları Allahın Padşahlığını təbliğ etməyə» göndərmişdi (Luka 9:2). Bəli, ilk məsihilər təbliğ edirdilər. Amma onların təbliği təkcə öz ibadət yerlərində vəz etməkdən ibarət deyildi. Onlar həmçinin ictimai yerlərdə və ev-ev təbliğ edirdilər. (Həvarilərin işləri 5:42; 17:17 ayələrini oxuyun.) Bu gün də əsl məsihilər insanlara Müqəddəs Kitabdakı həqiqətləri hər yerdə təbliğ edirlər. Onlar insanları sevir. Buna görə də vaxtlarını və güclərini əsirgəmədən insanlara müjdə çatdırıb, ümid və təsəlli verirlər (Mark 12:31).

 D Ə R İ N L İ Y Ə  V A R I N

4. Onlar Müqəddəs Kitabı araşdırır

5. Onlar Müqəddəs Kitabdakı həqiqəti təbliğ edirlər

 6. Onlar təbliğ etdikləri həqiqətə uyğun davranırlar

Tom adlı bir kişi əsl məsihiləri tapdığına necə əmin oldu? VİDEOYA baxın və növbəti sualları müzakirə edin:

• Tom nəyə görə dindən üz döndərmişdi?

• O, həqiqəti tapdığına nəyə görə əmindir?

İnsanın əməlləri onun haqda daha çox şey deyir, nəinki sözləri. Mətta 7:21 ayəsini oxuyun və növbəti sualı müzakirə edin:

• İsa üçün nə daha vacibdir: imanımızı dildə demək, yoxsa əməldə göstərmək?

7. Onlar bir-birilərini sevir

• İsanın şagirdləri (əsl məsihilər) başqa xalqdan, yaxud irqdən olan insanlarla necə rəftar etməlidir?

• Müharibə vaxtı məhəbbət onları nəyə təşviq edəcək?

 İCMAL

Əsl məsihilər Allahın Kəlamında yazılanlara əməl edir, bir-birilərinə fədakar məhəbbət göstərir, Müqəddəs Kitabdakı həqiqəti təbliğ edir.

Təkrar

• Əsl məsihilərin etiqadı nəyə əsaslanır?

• Əsl məsihiləri fərqləndirən əsas xüsusiyyət hansıdır?

• Əsl məsihilər hansı işi görür?