ДӘРС 18

Әсл мәсиһиләр кимләрдир?

PLAY

Бу ҝүн милјардларла инсан өзүнү мәсиһи адландырыр. Амма һамысынын етигады, мәнәви дәјәрләри бир-бириндән фәргләнир. Белә исә кимләрин әсл мәсиһи олдуғуну неҹә билмәк олар?

1. Мәсиһи кимә дејилир?

Иса Мәсиһин шаҝирдләринә вә ја давамчыларына мәсиһи дејилир. (Һәвариләрин ишләри 11:26 ајәсини охујун.) Бәс кимләр әсл мәсиһиләрдир? Буну неҹә билмәк олар? Иса Мәсиһ демишди: «Әҝәр мәним сөзләримә даима әмәл етсәниз, демәли, сиз, һәгигәтән, мәним шаҝирдләримсиниз» (Јәһја 8:31). Демәли, әсл мәсиһиләр Исанын тәлимләринә риајәт етмәлидир. Бундан башга, әсл мәсиһиләрин етигады Мүгәддәс Китаба әсасланмалыдыр. Чүнки Иса сөзләрини һәмишә Аллаһын Кәламына әсасландырырды. (Лука 24:27 ајәсини охујун.)

2. Әсл мәсиһиләр бир-бирини севдијини неҹә ҝөстәрир?

Иса Мәсиһ давамчыларына демишди: «Бир-биринизи мән сизи севдијим кими севин» (Јәһја 15:12). Иса шаҝирдләринә севҝисини неҹә ҝөстәрирди? Онлара вахт ајырырды, дајаг олурду, көмәк едирди. Иса һәтта онлардан өтрү ҹанындан да кечмишди (1 Јәһја 3:16). Ејнилә, әсл мәсиһиләр дә севҝинин ваҹиблији барәдә данышмагла кифајәтләнмирләр. Онлар бир-бирләрини севдијини һәм сөздә, һәм дә әмәлдә ҝөстәрирләр.

3. Әсл мәсиһиләр һансы иши ҝөрүр?

Иса Мәсиһ шаҝирдләринә иш һәвалә етмишди. «Онлары Аллаһын Падшаһлығыны тәблиғ етмәјә» ҝөндәрмишди (Лука 9:2). Бәли, илк мәсиһиләр тәблиғ едирдиләр. Амма онларын тәблиғи тәкҹә өз ибадәт јерләриндә вәз етмәкдән ибарәт дејилди. Онлар һәмчинин иҹтимаи јерләрдә вә ев-ев тәблиғ едирдиләр. (Һәвариләрин ишләри 5:42; 17:17 ајәләрини охујун.) Бу ҝүн дә әсл мәсиһиләр инсанлара Мүгәддәс Китабдакы һәгигәтләри һәр јердә тәблиғ едирләр. Онлар инсанлары севир. Буна ҝөрә дә вахтларыны вә ҝүҹләрини әсирҝәмәдән инсанлара мүждә чатдырыб, үмид вә тәсәлли верирләр (Марк 12:31).

Д Ә Р И Н Л И Ј Ә В А Р Ы Н

Ҝөрүн әсл мәсиһиләрлә Исанын тәлимләринә риајәт етмәјән вә онун изи илә ҝетмәјән инсанлар арасында һансы фәрг вар.

4. Онлар Мүгәддәс Китабы арашдырыр

Илк мәсиһиләр Аллаһын Кәламына дәјәр верирди

Өзүнү мәсиһи адландыран һәр кәс Мүгәддәс Китабы арашдырмағы, она ујғун јашамағы ваҹиб һесаб етмир. ВИДЕОЈА бахын вә нөвбәти суалы мүзакирә един:

ВИДЕО: «Мәсиһилик неҹә тәһриф олунду?» (5:11)

Өзләрини Мәсиһин давамчысы адландыран килсәләр инсанлардан Мәсиһин тәлимләрини неҹә ҝизләдиб?

Иса Мәсиһ инсанлара Аллаһын Кәламындакы һәгигәти өјрәдирди. Јәһја 18:37 ајәсини охујун вә нөвбәти суалы мүзакирә един:

Исанын сөзләринә әсасән, «һәгигәт тәрәфиндә олан» мәсиһиләри неҹә танымаг олар?

5. Онлар Мүгәддәс Китабдакы һәгигәти тәблиғ едирләр

Илк мәсиһиләр инсанлара тәблиғ едирди

Ҝөјә галхмаздан әввәл Иса Мәсиһ давамчыларына бир иш тапшырмышды. Бу иш бу ҝүн дә иҹра олунур. Мәтта 28:19, 20 вә Һәвариләрин ишләри 1:8 ајәләрини охујун. Сонра нөвбәти суалы мүзакирә един:

Тәблиғ иши нә вахта гәдәр вә һансы мигјасда һәјата кечирилмәлидир?

6. Онлар тәблиғ етдикләри һәгигәтә ујғун давранырлар

Том адлы бир киши әсл мәсиһиләри тапдығына неҹә әмин олду? ВИДЕОЈА бахын вә нөвбәти суаллары мүзакирә един:

ВИДЕО: «Диндән үз дөндәрдим» (5:20)

Том нәјә ҝөрә диндән үз дөндәрмишди?
О, һәгигәти тапдығына нәјә ҝөрә әминдир?

Инсанын әмәлләри онун һагда даһа чох шеј дејир, нәинки сөзләри. Мәтта 7:21 ајәсини охујун вә нөвбәти суалы мүзакирә един:

Иса үчүн нә даһа ваҹибдир: иманымызы дилдә демәк, јохса әмәлдә ҝөстәрмәк?

7. Онлар бир-бириләрини севир

Илк мәсиһиләр бир-бирини севирди

Мәсиһиләр диндашларындан өтрү ҹанларындан кечмәјә һазырдырлар. ВИДЕОЈА бахын вә нөвбәти суаллары мүзакирә един:

ВИДЕО: «О, һәјатындан кечмәјә һазыр иди» (2:55)

Јоһансондан өтрү һәјатыны тәһлүкәјә атмаға Ллојду нә тәшвиг етмишди?
Сизҹә, о, әсл мәсиһи кими давранмады?

Јәһја 13:34, 35 ајәләрини охујун вә нөвбәти суаллары мүзакирә един:

Исанын шаҝирдләри (әсл мәсиһиләр) башга халгдан, јахуд иргдән олан инсанларла неҹә рәфтар етмәлидир?
Мүһарибә вахты мәһәббәт онлары нәјә тәшвиг едәҹәк?

БӘЗИ ИНСАНЛАР ДЕЈИР: «Өзүнү Исанын давамчысы адландыранлар о гәдәр пис әмәлләр төрәдир ки, онларын дини һәгиги дин ола билмәз».