PELAJARAN 18
Cara Mamboto na dia Halak Kristen na Sittong
Adong do marmiliar halak di portibi on na mandok dirina Kristen. Alai dang sarupa na diihutton dohot na dihaporseai nasida. Jadi boha do carana mamboto na dia halak Kristen na sittong?
1. Aha do lapatan ni Kristen?
Kristen lapatanna halak na mangihutton Jesus Kristus. Manang digoari do tong nasida sisean ni Jesus. (Jaha Ulaon ni Apostel 11:26.) Aha do buktina na diihutton nasida Jesus? Didok Jesus do, “Molo diihutton hamu hatakku, tutu ma hamu akka siseanku.” (Johannes 8:31) Lapatanna, dioloi halak Kristen na sittong do ajaran ni Jesus. Tikki di tano on Jesus, Hata ni Debata do na dipakke ibana tikki mangajari akka halak. Dos songon i ma na diulahon halak Kristen na sittong.—Jaha Lukas 24:27.
2. Boha do cara ni halak Kristen na sittong makkaholongi na asing?
Didok Jesus do tu akka siseanna, “Marsihaholongan ma hamu, songon au naung makkaholongi hamu.” (Johannes 15:12) Boha do cara ni Jesus makkaholongi akka siseanna? Dilehon Jesus do tikkina asa boi jotjot rap dohot akka siseanna, dipatogu jala diurupi do nasida. Bahkan dilehon Jesus do ngoluna tu nasida. (1 Johannes 3:16) Dos songon i ma, dipatudu halak Kristen na sittong do holongna sian parniulaon ni nasida, dang holan hata.
3. Aha do tugas utama ni halak Kristen na sittong?
Dilehon Jesus do tugas tu akka siseanna. Bibel mandok, “Disuru ma nasida mamaritahon Harajaon ni Debata dohot pamaluppon na marsahit.” (Lukas 9:2) Dang holan di sinagoga manang di bagas joro halak Kristen marbarita. Alai marbarita do tong nasida di inganan na rame dohot tu jabu ni akka halak. (Jaha Ulaon ni Apostel 5:42; 17:17.) Dos songon i ma na diulahon halak Kristen na sittong saonari. Marbarita do nasida tu sude halak, manang didia pe. Dipaboa nasida ma janji na sian Bibel taringot masa depan na palashon roha.—Markus 12:31.
ASA LAM TAATTUSI
Taparsiajari ma aha do perbedaan ni halak Kristen na sittong tu akka halak na so olo mangihutton ajaran dohot sitiruon na dibahen Jesus.
4. Diihutton nasida do ajaran na sittong na sian Bibel
Diihutton halak Kristen na sittong do Hata ni Debata
Godang do halak na mangakku Kristen mandok, dang porlu diattusi nasida isi ni Bibel. Putar ma VIDEO, dung i bahas ma sukkun-sukkun on:
-
Aha do na diulahon akka gareja asa unang diboto akka halak ajaran ni Kristus?
Diajarhon Jesus do hasittongan, i ma Hata ni Debata. Jaha Johannes 18:37, dung i bahas ma sukkun-sukkun on:
-
Menurut Jesus, aha do na diulahon halak Kristen na “mangoloi hasittongan” i?
5. Dibaritahon nasida do ajaran na sittong na sian Bibel
Marbarita do halak Kristen na sittong
Sebelum tarangkat Jesus tu surgo, dilehon ibana do tugas tu akka siseanna. Jala torus do diulahon i sahat tu saonari. Jaha Mateus 28:19, 20 dohot Ulaon ni Apostel 1:8, dung i bahas ma sukkun-sukkun on:
-
Menurut ayat on, sahat tu dia do akka sisean ni Jesus marbarita?
6. Dang holan mangajarhon nasida, alai diulahon do tong
Aha do na mambahen pos roha ni si Tom nga juppangna be halak Kristen na sittong i? Putar ma VIDEO, dung i bahas ma sukkun-sukkun on:
-
Di video i, aha do na mambahen si Tom kecewa tu akka agama?
-
Boasa pos rohana nga juppangna be halak Kristen na sittong?
Mangulahon do na paling penting, dang holan hata. Jaha Mateus 7:21, dung i bahas ma sukkun-sukkun on:
-
Menurut Jesus, dia do na paling penting? Na mangakku dirina porsea tu Jesus, manang na patuduhon i sian parniulaonna?
7. Marsihaholongan do nasida
Marsihaholongan do halak Kristen na sittong
Olo do halak Kristen mate humokkop donganna. Toho do i? Putar ma VIDEO, dung i bahas ma sukkun-sukkun on:
-
Tikki naeng ditembak si Johansson, boasa olo si Lloyd mandok asa dirina ma na ditembak?
-
Menurut hamu, toho do ibana halak Kristen na sittong?
Jaha Johannes 13:34, 35, dung i bahas ma sukkun-sukkun on:
-
Boha do perasaan ni akka sisean ni Jesus tu akka halak na sian bangso manang suku na asing?
-
Boha molo terjadi porang? Aha do na diulahon nasida?
ADONG DO NA MANDOK: “Sarupa do sude halak Kristen, manang sian gareja na dia pe ibana.”
-
Ayat na dia ma na boi dipakke hamu lao patuduhon tanda ni halak Kristen na sittong?
KESIMPULAN
Halak Kristen na sittong mangihutton ajaran ni Bibel, marsihaholongan, jala paboahon ajaran na sittong na sian Bibel.
Tinjauan
-
Ajaran na sian dia do na diihutton halak Kristen na sittong?
-
Sifat aha do na gabe tanda ni halak Kristen na sittong?
-
Aha do tugas utama ni halak Kristen na sittong?
LULUI MA
Tonton ma taringot sada organisasi na marsitutu mangihutton sitiruon dohot ajaran ni Jesus Kristus.
Jaha ma taringot sahalak mantan suster Katolik na ujungna gabe bagian sian organisasi ni Jahowa.
“Bibel do na Dipakke Nasida Mangalusi Sude Sukkun-Sukkunku!” (Joujou Paboahon, 1 April 2014)
Tonton ma songon dia halak Kristen na sittong patuduhon holong tu akka donganna tikki terjadi bencana.
Mangurupi Akka Donganta Tikki Terjadi Bencana Alam—Cuplikan (3:57)
Dipaboa Jesus do tanda ni halak Kristen na sittong. Jaha ma songon dia halak Kristen di abad na parjolo dohot di jamanta saonari patuduhon tanda i.
“Aha do Tanda ni Halak Kristen na Sittong?” (Joujou Paboahon, 1 Maret 2012)
Mungkin Lomo do Rohamuna Mamboto
NA JOTJOT DISUKKUN HALAK
Songon dia do Parsiajaran Bibel na Dibahen Saksi Jahowa?
Boi do dipakke Bibel terjemahan na dia pe tikki marsiajar Bibel dohot Saksi Jahowa. Boi do diajak hamu donganmuna dohot keluargamuna.
